qunow 發表於 2022-6-4 21:53
如果東大嶼線唔係港島線伸延，當新線起嘅話，港島淨係轉到一條線好似好唔方便…？ ...
港島綫就算拆綫起碼都去到鰂魚涌啦
況且朝早堅城去金鐘之前都係有位剩
qunow 發表於 2022-6-4 21:53
如果東大嶼線唔係港島線伸延，當新線起嘅話，港島淨係轉到一條線好似好唔方便…？ ...
顧問研究有提及過，即使係堅尼地城轉車，西港島一段係夠載
Ricky403 發表於 2022-6-4 22:38
港島綫就算拆綫起碼都去到鰂魚涌啦
況且朝早堅城去金鐘之前都係有位剩
講緊唔係港島線伸延嘅另一個方案
eternalflame 發表於 2022-6-5 00:15
顧問研究有提及過，即使係堅尼地城轉車，西港島一段係夠載
夠載還夠載，但剩係駁到去堅尼地城，再去邊都要再轉車，好似仲唔方便過剩係去到南昌嘅西鐵
qunow 發表於 2022-6-5 04:56
夠載還夠載，但剩係駁到去堅尼地城，再去邊都要再轉車，好似仲唔方便過剩係去到南昌嘅西鐵 ...
你要唔要改TOPIC或者另外開個POST討論下?不過目前都係無咩新消息.呢條鐵定位人工島先係主人家，新界西係好命搭單沾到便宜，
人工島轉一次去中環估計都係15分鐘左右，同太古城去差唔多.
qunow 發表於 2022-6-5 04:56
夠載還夠載，但剩係駁到去堅尼地城，再去邊都要再轉車，好似仲唔方便過剩係去到南昌嘅西鐵 ...
東大嶼我寧願用東鐵線拉過去(由金鐘預留位開始，經半山、德輔道西去堅尼地城上東大嶼)，順便拉上洪水橋同深圳灣
港島綫就向南伸落數碼港、香港仔、赤柱，再上返柴灣成環運行
20160424 發表於 2022-6-5 10:03
你要唔要改TOPIC或者另外開個POST討論下?不過目前都係無咩新消息.呢條鐵定位人工島先係主人家，新界西係 ...
問題係，而家首先唔知道條東大嶼線係咪真係獨立成線定係就咁拉港島線過幾次海，甚至有人話不如索性用前海去洪水橋條城際拉落嚟，而東大嶼島上面點樣規劃有幾多居民會近鐵路站又有幾多工商業設施全部唔知，連個島係咩形狀都只係得個大概，好難定個題目出嚟討論
不過唯一知道嘅應該就係，東大嶼去觀塘九龍灣商業區要轉兩次車。個計劃將東大嶼駁九龍條線放到較後期，而且睇個勢應該都係落到大圍經美孚俾客轉車之後就入東大嶼。美孚同大圍駁屯馬線東鐵線荃灣線都要再轉多次車先去到觀塘線去觀塘九龍灣。至於經港島嘅話，如果條東大嶼線淨係去到堅尼地城，咁就算北港島線用換線方案都係要轉兩次車。用東將合併或者交匯方案嘅話要轉三次車。如果東大嶼線直接由港島線拉到屯門嘅話可以轉少次車，但東大嶼去港島東九龍東嘅客會同中環金鐘等等一帶去港島東九龍東嘅客疊埋晒一齊喺舊線度，就算有北港島線都分流唔到，因為唔經金鐘，中環只做到海邊。南港島兩條線分別駁去金鐘同堅尼地城又係只能夠倒落舊線。
一係索性東大嶼線去到堅尼地城之後，一路沿山直行到中環南，再食咗沙中線中環南去金鐘個線位，之後跟我一開始喺#1咁寫駁去將軍澳線，甚至直通埋。東涌線乘客同交匯方案一樣，照可以唔駛行香港站都能夠轉一次車就去到港島東，不過係喺欣澳轉。大西北去港島東可以改去屯門區轉。咁嘅話北港島線可以照有八卡。同時因為西鐵大西北段同東涌線青衣站去鰂魚涌嘅搭車方向調轉，都可以舒緩埋西鐵同東涌線繁時繁忙方向運力需求。
XL2135/D343344 發表於 2022-6-5 11:04
東大嶼我寧願用東鐵線拉過去(由金鐘預留位開始，經半山、德輔道西去堅尼地城上東大嶼)，順便拉上洪水橋同 ...
問題係第二南北經美孚落東大嶼嘅話，東鐵又過埋去好似有啲多餘
XL2135/D343344 發表於 2022-6-5 11:04
東大嶼我寧願用東鐵線拉過去(由金鐘預留位開始，經半山、德輔道西去堅尼地城上東大嶼)，順便拉上洪水橋同 ...
柴灣那有位給你擴建，除非拆樓。
Kelvin15190 發表於 2022-6-5 11:38
柴灣那有位給你擴建，除非拆樓。
舊屋邨重建嘅時候將條鐵穿過屋邨(該段高架橋為密封設計以減低噪音)