neoplan720p 發表於 2022-6-15 23:25
曾經有人講過「落車」同「上車」點係兩套concept。
落車點差d，大家都唔介意行下；
唔係太同意閣下嘅落車點差啲會肯行（先唔計落雨/大風呢啲極端情況），以而家嘅268B vs 269B嚟比較，如果目的地係海港城，假設係星期日喺大欖轉車站，268B 仲有1分鐘就到，但269B仲有10分鐘先到，閣下會揀邊條？（或者直接第一程都已經保鐵？唔駛等268/9B了）
本帖最後由 s3n370 於 2022-6-15 17:56 編輯
neoplan720p 發表於 2022-6-15 15:08
比起何達文年代，
呢幾年既狗公已經叫肯試新野，
不過都仲係太慢同太保守，
287D明顯係醉翁之意不在酒，
大角咀“早D”上公路，先收貴一蚊似係藉口。
用87D嘅車，去撈大角咀客先至係戲肉啦。
當你真係打得爆架287D，巴士公司先至袋多百三蚊。
但巴士公司只要响大角咀搵多十二、三個本身唔係搭巴士嘅客，
而87D無因為抽車做287D跌客，已經有呢條數。
大角咀返新界東，鐵嘅優勢無彌敦道咁強，
究竟係287D再提速，令87D客upgrade容易D，
定係响大角咀撈多十零個客易D，
相信你會有答案。
（實際上，按RPP數據，287D啱啱半滿。
原有87D客已經位位收多一蚊，大角咀只要出到6個客，
已經賺得多過打爆架287D。）
我求其掟出嚟一種諗法：
係每個時段都有不同乘車模式。
早繁：一部分乘客講求快捷，穩定性高；一部分乘客講求快捷但係俾我有空間瞓餐飽；而落車地點引有兩種，一部分乘客可以返到公司附近，一部分乘客可以俾我買早餐同嘆早餐。
所以，59系轉960及962系各有捧場客。車海駁車海失時機會低，一程車過又可以瞓餐飽。
非繁：又有兩種乘客心態，一種係一程車到目的地，非繁時死等都唔係問題，一種係至緊要夠平，非繁出行通常唔係搵食一族。不過兩蚊車費打破咗呢種情況，所以疫情巴士公司唔開老牌市區線，用貴線夾你，就係開始少人因為車費誘因去坐車。
晚繁最麻煩：有人志在要快返到屋企，多人係呢種，但一有位坐你點都得，所以，上車時喺市區點塞，最緊要有位坐。無位坐嘅人最想跳車。但轉車站出現就改變咗心態。有位坐想快返屋企，只要最後程車得10分鐘，企車頂都肯。但無位坐就想搏下一個有位坐的命運。
機場線：去得機場趕時間就唔會揀巴士，但有充裕時間就點解要俾貴車錢。所以乘客介意係推住件行李唔好上落樓梯，巴士站要喺屋企樓下。上到車兜得耐唔緊要，最緊要上到公路係順利唔塞車就得。往後開E線點都唔入客運區，開A線要兜到喊，仲要無孔不入原因就係咁。
通宵線：需求低，趕返屋企坐的士同白牌車，好多人第二朝要返工，唯有返通宵班一定要忍，需求太低就要盡量便民但慳油。
所以係咪去傳統區問題，其實無真正答案，但旺角街市係一個特別例子。嗰一帶買餸係特別平，買完餸一袋二袋唔會想行老遠上車吧。加上兩蚊效應，呢個站以前唔會成街企等車嘅人，宜家企到滿哂無路行。
呢個係我嘅發現。
s3n370 發表於 2022-6-16 01:47
287D明顯係醉翁之意不在酒，
大角咀“早D”上公路，先收貴一蚊似係藉口。
用87D嘅車，去撈大角咀客先至係 ...
87D upgrade 揾咗87E做
neoplan720p 發表於 2022-6-15 23:25
曾經有人講過「落車」同「上車」點係兩套concept。
落車點差d，大家都唔介意行下；
我諗九公都唔係冇睇到呢點，只不過係衡量利弊之下嘅結果。
269b以前出市區就係呢套concept, 行埋漆咸道，之後直情飛埋，直上紅繞。
只不過如果兩線北行都改埋唔入彌敦道，似乎對乘客衝擊太大，而漆咸道南行交通有時都唔好得過彌敦道。
夾硬諗個原因嘅話，可以話出市區佢優勢係新界站位直接攞客，再快速出城，盡量收窄同西鐵距離。入城嘅話，多數都係放工同晚間，佢覺得乘客唔介意坐耐少少，就算由紅磡站慢祿到柯士甸兩個西鐵站都搞成半個鐘，佢可以入彌敦道執客補番數，仲可以「踩過界」停埋中央郵局。
講到尾似乎係乘客習慣同巴士公司利益中間平衡，215x都一樣唔行彌敦道，都做到曾經係紅極一時嘅路線。
neoplan720p 發表於 2022-6-16 00:36
我諗係睇屯門既目的地邊到。
如果係佐油安友，
都唔好話63x要經美孚。265b/69x都仲有唔少旺角忠實fans係死等直車or專登行去等。
所以269x出現就似係想一次過執晒呢堆客番入新界，都唔駛話要做全日，朝出晚入兩個時段都夠玩，再將同時段265b/69x大幅減班，再順道執埋大角咀尾站客，基本上呢個已經形成左新乘車習慣。
neoplan720p 發表於 2022-6-15 23:41
認同盲目送人上轉車站呢個趨勢係唔可取，
而268X成功，但63X失敗，
主因如你所講，元朗個盤夠集中同夠大 ...
268X 本身同68X 同價, 又平過268B, 旺角前搭開68X 既唔會因為唔行長沙灣道而唔搭, 268B 既客仲可以轉去268X
而63X 本身貴過58X 60X, 但平過260X, 不過佢疏同只去倒屯門公路果兩三個站, 只能執雞做唔倒主力, 仲搞到一程去藍地同洪水橋要轉車
12Lane 發表於 2022-6-16 09:47
我諗九公都唔係冇睇到呢點，只不過係衡量利弊之下嘅結果。
269b以前出市區就係呢套concept, 行埋漆咸道， ...
以前計, 5, 11, 14, 28 都唔行彌敦道, 但都多客過26
neoplan720p 發表於 2022-6-15 23:25
曾經有人講過「落車」同「上車」點係兩套concept。
落車點差d，大家都唔介意行下；
廣東道同漆咸道站位差極有譜，兩條街都有一定人流
213X/219X/224X呢堆尖咀循環線大多數都漆咸道落，唔多去到彌敦道先落車
相反回程客源集中於彌敦道，對乘客根本分別唔大
W3先係站位差既例子
我自己口臭再講多句啦
1. 香港人唔係唔願意行, 如果定線班次時間吸引到, 行幾步唔會有人嘈
2. 中長途旅程, 如果鐵路只係快巴士 15 分鐘左右(拿, 呢個純粹係以往同唔少non巴迷朋友交流既心得only), 唔少人都偏向揀巴士
3. 巴士要面對既問題就係塞車, 點樣順利避開較少塞車而獲得較多客源
簡單比個例子又滿足哂上面三樣野: 681
響非繁個陣, 其實係有唔少人響山上搭車或者行落黎特登落黎搭 681, 而響灣仔警署落車既人, 有啲都係行去銅鑼灣
以前叫你灣仔行去銅鑼灣你可能話我痴線, 山上行落黎又係痴線, 咁係為愛定係鐘意巴士? No. 係快
咁點解 681 到而家都仲有人肯去坐 ? 東鐵過埋海, 以最近既會展返馬鞍山都要 35 分鐘, 即係話成程 681 一粒鐘又或者東鐵太抵啦, 否則都仲有人坐, 流失既客例如有烏溪沙沿線啦, 又或者本身真係近鐵路網既人
但呢排頻頻都有人CHECK 住 681 下繁得小貓三四隻喎? 咁梗係啦, 東隧大隧塞車粒幾鐘, 比你都唔會咁搭返屋企, 但就有人聲稱八點幾打後 681 客量無咩太大變化, 咁就知唔係條線無優勢, 係本身班客塞車塞到怕, 夜後回流唔係鐵路變慢, 係本身巴士唔洗塞車
見有唔少版友提起 63X, 我都成日利用佢出油尖旺轉車再過海, 我睇法就係咁
268X 無得揀, 63X 有得揀
268X 隔離得條仲疏過佢又慢又貴既 69X, 比你都坐定定等 268X, 佐敦既 268B,269B 貴得黎亦都唔係密
63X 自己收得貴(合理)而且又疏, 走左一班起碼你都等半個鐘, 繁忙時間部份地區有特快線, 都未必要上轉車站等你架 63X
即係話條 63X 擺響度一係下繁夜後有用, 一係就朝早我想快D所以去坐, 但我走左 63X, 我搭返 60X 都唔係慢, 朝早長沙灣深水埗唔太塞車掛...
我又試過屯門食完夜晚等 59X/67X/60X 出旺角, 同 63X 比較, 63X 都係快五分鐘左右, 優勢又唔係太大, 都無需要我去特登等
香港人搭車都係以訛傳訛式, 喂, 呢條快喎, 試下啦, 成日都聽住元朗既朋友講, 出旺角正呀, 朗豪坊有 268X 走, 半個鐘就返到屋企
我就試過問朋友, 喂你返屯門 63X 咪得囉, 屯轉轉啦, 佢剩係答左句, 嘩上次等左勁耐都無車, 走左好幾架 60X
想 63X 做返起, 咁真係要諗下計仔叫人願意響屯轉等佢車, 同埋本身 268X 元朗客都真係唔少, 相反 63X 唔計轉車客, 客量係少左啲