HJ7480 發表於 2022-6-30 16:56
相機燈唔通仲衝住去同你博？
扣5分罰錢什至比人炒
乜綠燈著咗可以唔行㗎咩，個司機擺明望住佢由綠燈變紅燈，個時間都幾長下，個五六秒晨早可以揸出去啦
試過車上真係咁樣，後面啲車不停呠
tommy14D 發表於 2022-6-30 19:59
乜綠燈著咗可以唔行㗎咩，個司機擺明望住佢由綠燈變紅燈，個時間都幾長下，個五六秒晨早可以揸出去啦
試 ...
5秒可能係過到條白線,但未必過得哂成個燈位,巴士咁大架,未必個個搏,愉景新城對出個支就係咁
香港仔石排灣揸7嗰啲"老餅"(係條線度見佢揸咗不少於十年)車長都經常慢車故意等紅燈刻意畀大量對手線(90B、91等等)爬頭刻意拉開距離，45-50分鐘車程點都要搞到一個鐘甚至再多5-10分鐘不等，係近一兩年換走一大批換咗啲新嘅先好啲，但係剩番嘅"老餅"車長行為照舊，巴士公司話唔遲到(趕係另一總站嘅開車時間之前番得到就冇問題，最口頭警告相關人士就算，最死係石排灣冇站長，只有休息室/亭，車長到站之後係自行寫簿簽到，啲車長分分鐘出古惑，巴士公司話中環碼頭站頭會管，但我唔信佢哋會逐個車長逐行去對囉，條線咁hea除咗因為亂減班、班次唔夠、同對手線開車時間太近之外，車長駕駛行為好大影響力，車長行為問題呢啲，只要有搭開嘅都10個有9個知