Ricky403 發表於 2022-7-18 10:48
當龜鐵喺第五波可以玩到將深夜班次時段提早至8點開始嗰陣，仲可以有乜期望呀
向TCU嫌等車耐，運署只係 ...
應該係四月頭中未放寬社交距離措施前，嗰期市區幾條線已經逐步回復返繁忙時間，司機人手開始夠返，但一至五都繼續用假期時間表，真係當個個wfh同放假咩
反而今年舊年疫情期間最疏時段康城同東涌線算好，唔知係咪想關照沿線上蓋住宅，如果跟市區三線屯馬東鐵咁減法，假期夜晚可以玩到東涌線15分鐘一班，康城18分鐘一班
dannywong 發表於 2022-7-17 22:37
剛過去六月本地客量係 2018 年同期 91%，舊年下半年本地客量亦一路企穩 2018 年 92 - 93%，但班次係一日 ...
舊年下半年都係去到臨近聖誕先至去返呢個水平。如果呢個幅度維持，加班係責無旁貸。當然另一角度黎睇，沙中線全線通車之後客流改變未穩定之前，似乎唔會咁容易就講加班
gsrc0525 發表於 2022-7-18 14:55
應該係四月頭中未放寬社交距離措施前，嗰期市區幾條線已經逐步回復返繁忙時間，司機人手開始夠返，但一至 ...
康城係自己上蓋點都要保住基本盤，班次唔夠點吸引人繼續買？實際上康城係keep住新期數入伙，一加一減最好就係維持班次囉
eternalflame 發表於 2022-7-18 19:10
舊年下半年都係去到臨近聖誕先至去返呢個水平。如果呢個幅度維持，加班係責無旁貸。當然另一角度黎睇，沙 ...
龜龜自己網站有晒數字，舊年下半年客量個個月都係 2018 年同月 90% 以上
所以要求回復正常班次絕唔係無的放矢，更唔係要求高，而係龜作為公營機構，提供合理公共服務嘅責任
Ricky403 發表於 2022-7-18 10:40
九鐵時期馬鐵係5.5分鐘一班，西鐵就5.9或6.7分鐘一班
去到合併嗰陣就始終都係4轉8問題，馬鐵開5.5分鐘一 ...
我就當係 5.5 分鐘而唔係 5.0 分鐘一班，減落 7 分鐘一班都少咗 3 tph 27%，絕對唔係細嘅減幅，何況同期客量係上升咗
歸根究底問題就係鐵路加班減班都唔似得巴士咁有個公開嘅 benchmark，繁時載客率高過幾多可以加班，低過幾多可以減班；非繁載客率高過幾多可以加班，低過幾多可以減班
馬鞍山綫 MFO 完咗到疫情減班前中間兩年都無減班，咁邏輯上當然理解成獨立運作時嘅載客率都未低過減班標準，或者最吸到客嘅班次就係 5 分鐘一班
大圍-啟德通車後，連帶前馬鞍山綫段客量逆市上升，全線貫通後客量亦再上升，但而家一減就減咗 3 - 4 tph，復舊無期，點講都唔會收貨啦
本帖最後由 DIH 於 2022-7-19 12:52 編輯
dannywong 發表於 2022-7-18 21:18
龜龜自己網站有晒數字，舊年下半年客量個個月都係 2018 年同月 90% 以上
所以要求回復正常班次絕唔係無的 ...
總客量係就係追緊上去，但沙中綫已全綫通車，如果計每公里乘客數應該跌唔少。
港鐵里程據維基為204.4km，沙中綫為17km，以全月計：
2018.06 = 713,575 pax/km/month
2022.06 = 595,078 pax/km/month
計返都係83%左右。
上面未計過境客，過境客除了東鐵外都會散去其他綫路成為本地客一部分，加埋入條總數就係：
2018.06 = 763,591 pax/km/month
2022.06條數變成77.9%。
dannywong 發表於 2022-7-19 02:14
我就當係 5.5 分鐘而唔係 5.0 分鐘一班，減落 7 分鐘一班都少咗 3 tph 27%，絕對唔係細嘅減幅，何況同期 ...
或者係街坊鐵路同市郊鐵路嘅分別
馬鐵「升級」做屯馬綫一期後第一次調整班次已經血洗，之後再血洗多次整個9.8分鐘一班嘅疫情班次
所以話如果西北鐵路由龜鐵做，隨時都係8-10分鐘一班呢種級數
不過佢無論開5定10分鐘一班你都照搭嘅話，就無加強服務嘅動力，龜鐵又唔係靠鐵路業務賺錢嘅:lol
DIH 發表於 2022-7-19 11:49
總客量係就係追緊上去，但沙中綫已全綫通車，如果計每公里乘客數應該跌唔少。
港鐵里程據維基為204.4km ...
ching你舉呢個數字就似乎make sense點解WEM LAR非繁硬係疏過URL 2-3分鐘以上
之前都無醒起呢樣野
URL客流密度大站距細，用慳電模式碌車成本低
WEM LAR客流密度細站距大，站間又扯高速燒電
所以WEM適合跟LAR而非URL標準制訂班次，咁比較嘅話WEM班次就唔算疏 (的確，EAL表列班次大致等於TCL+AEL，馬場車/短棍等於青衣特、TML表列班次就大致等於TCL)
DIH 發表於 2022-7-19 11:49
總客量係就係追緊上去，但沙中綫已全綫通車，如果計每公里乘客數應該跌唔少。
港鐵里程據維基為204.4km， ...
其實用全線客量睇個別路線班次本來就太籠統
只係龜太封閉咁肯公開每條線繁時、非繁、假日客量去逐條線睇班次安排合唔合理
沙中線落成少咗客嘅係荃灣綫同觀塘綫金鐘至鑽石山個範圍啫，而家講緊班次減得狼，等車時間嚴重延長嘅東鐵綫屯馬綫客量唔會跌到咁多，甚至馬鞍山綫段 2020 年已經逆市上升緊
講過境客嘅，過境客好多都北區落咗車，唔代表粉嶺以南客量繼續暴跌
本帖最後由 dannywong 於 2022-7-19 21:33 編輯
Ricky403 發表於 2022-7-19 11:51
或者係街坊鐵路同市郊鐵路嘅分別
馬鐵「升級」做屯馬綫一期後第一次調整班次已經血洗，之後再血洗多次整 ...
班次應該按客量設定，東鐵綫定屯馬綫最繁忙路段每個鐘客量都唔輸觀塘綫或者將軍澳綫啦（非繁、六日又係無數字睇）
經營成本唔係淨係牽引用電，員工人工，車站水電等唔會因為條線係「市郊線」就貴咗啩？
就算係，「市郊線」都畀緊比市區更貴嘅車費啦，東鐵綫過海後人均車費收入都增加咗啦
交通係生活必須，我搭都唔代表我認同而家嘅班次安排，可以只係我更加唔能夠忍受塞紅隧或者兜東隧過海，甚或如果我根本唔搭，咁係咪又可以話班次係點唔關我事，又或者話唔夠客「加班」？咁咪證明搭唔搭我都對班次無 say