由土瓜灣十三街去紅磡老龍坑街係搭106先行得最少，班長者唔會為咗搭短途車而行去九龍城碼頭搭6F的。
ahken 發表於 2022-8-28 12:56
閣下呢個建議應該會係現階段最有用
或者頭呢50蚊甚至可以用消費券形式俾出去（既然已經有消費券呢個開頭 ...
而家大數據年代，要知道一個人/長者每月交通費，相信唔困難
要解決長線短搭，唔知可唔可以取消 $2 搭車，換取每個月生果金增加一筆交通津貼（相比現時銀碼，加幅係一個經評估嘅每用合理交通費，若有公共交通工具加價亦會有相應調整）；上車要比返正價/半價，唔想搭車亦可以用嚟買餸/任何其他開支
或者用消費券形式，每月比 "交通券"，銀碼係經評估嘅每用合理交通費，比長者用嚟搭車；但長者搭車要比正價，自行分配張 "交通券" 點樣用（即係諗點樣搭平車），用晒就要自費搭車；"交通券" 只可用於公共交通工具，3 個月內用唔晒會充公；使用他人 "交通券" 即屬違法，可處罰款/監禁
家住偏遠地區之長者，可以住址證明申請額外交通津貼
($2 優惠實行初期，睇過評論分析，此政策其中一個目的係鼓勵長者多啲出街、搭車去其他地方；我唔知呢個目標有幾重要，但如果而家增設任何鼓勵長者睇價錢牌嘅限制，某程度上同其中一個政策目標背道而馳。
而且上述建議為理想主義，本人深知任何派咗出去嘅福利要收返，那怕只係無咁方便、要長者用下腦諗點樣搭平車，都會係非常困難；仲未計巴士公司、紅小綠小，全部都係 $2 乘車優惠之既得利益者；"交通券" 亦有少許北韓式社會主義，就各項生活所需派發 "品票" 的味道。
當然，喺今日香港嘅政治環境，將選舉押後、全日禁堂食、封表列處所、封區強檢等，全部都係一聲令下，即時執行；示威遊行、議員阻撓已經絕跡，亦唔再有選票上嘅考慮，只要政府有心推行，相信無嘢係做唔到）
Waiyin12 發表於 2022-8-30 02:15
而家大數據年代，要知道一個人/長者每月交通費，相信唔困難
要解決長線短搭，唔知可唔可以取消 $2 搭車 ...
係，而家香港咩都完善咗，要推行政策就算難推，只要有心便可
而閣下提及的正好補充小弟所提及“消費券”嚟做交通費嘅實際使用方法