新巴2號、25號、720號及722號重組建議
本帖最後由 FS1819 於 2022-9-17 10:07 編輯背景新巴2號喺1998年交接時係中巴網絡入面第二高客量嘅路線，廿幾年之間隨着更多途徑東區走廊嘅巴士線提供全日服務，而大致剩低沿途流水嘅功能。但呢個功能喺（一）2013年強行交出5架車俾18X而大幅減班、同埋（二）新巴轉手後以疫情為由開到30分鐘一班之後，都變得大打折扣，唔少原本嘅流水客都倒走咗，唔見得繼續用以前20號啲走線加埋善水嘅班次會有咩客量起色。
另一邊廂，港島東區來往銅鑼灣、灣仔嘅巴士服務之中，北角開始以西有大量密車嘅路線，西灣河開始以東各自又有特快線，剩返低鰂魚涌有唔再頻密嘅2號同2A、半條77、半條99同埋半條116。灣仔站同銅鑼灣站之間有唔少客，但鰂魚涌至筲箕灣又冇789咁款嘅快車。睇返太古站來往銅鑼灣站嘅地鐵淨車程需時10分鐘，加埋上月台時間都要成20分鐘，尤其時代廣場出口就要更長時間。現時西行搭99嘅話大概同地鐵打和，東行有77同116 輔助班次，而 116都間中可以用20分鐘去到鰂魚涌。
仲有，2013年前嘅720平日日間唔經金鐘，因為遠遠快過地鐵都有唔少捧場客，加經金鐘後車程延長唔少，又流失唔少搭客。最後，幾年前722東行改經中環嘅電車路想吸客，但又要夾硬經交易廣場而令到走線奇怪。
建議新巴2號喺銅鑼灣（西行）、灣仔（東行）同北角健康邨之間改經東區走廊，為鰂魚涌提供特快線來往銅鑼灣、灣仔一帶，全程收費用2X標準收$6.7，來回加設雙向分段為上橋前落車嘅搭客提供原價，另加設東鐵轉乘優惠。 新巴25號西行改經大坑、告士打道並於中環返回原線，為改道嘅2號補位。 新巴720平日黃昏前恢復西行不再途經海富中心。 新巴722早上繁忙時間後，東行跟780改經祖庇利街隧道前往德輔道中返回原線，不經交易廣場總站。
詳細新巴2號線嘉亨灣往港澳碼頭1. 嘉亨灣（$6.7）2. 東曉閣3. 愛蝶灣4. 筲箕灣總站5. 新成街6. 海晏街7. 西灣河文娛中心8. 太祥街9. 康怡廣場（轉2A、81往大坑及之前）10.鰂魚涌街11.太古坊12.民新街13.模範邨14.健康邨（經東區走廊、維園道）15.百德新街 （$4.9）16.景隆街17.馬師道18.史釗域道19.柯布連道20.分域街21.海富中心（轉東鐵）22.置地廣場23.中環街市24.金龍中心25.港澳碼頭 港澳碼頭往嘉亨灣1. 港澳碼頭（$6.7）2. 中區政府碼頭3. 3號碼頭4. 5號碼頭5. 天星碼頭6. 國金二期7. 交易廣場8. 怡和大廈（轉18/P往炮台山）9. 大會堂10.金鐘站（轉東鐵）11.熙信大廈12.修頓球場13.克街14.天樂里15.堅拿道西（經堅拿道天橋、維園道、東區走廊）16.北角消防局（$4.9）17.北角官立小學18.新威園19.惠安苑20.太古城中心21.太安樓（$4.3）22.海晏街23.愛秩序灣道24.南康街25.筲箕灣總站26.愛東商場27.東曉閣28.嘉亨灣 港澳碼頭方向，健康邨或之前落車收$4.9嘉亨灣方向，堅拿道西或之前落車收$4.9新增2A、18/P、81、東鐵轉乘優惠（用途見上） 全日20分鐘一班，用車7架，由2A/2X/8P組別抽1架加入原有6架，服務時間不變
新巴25號由中環碼頭往寶馬山不變，回程由炮台山站起：33. 炮台山站34. 清風街35. 皇仁書院36. 中華遊樂會（經大坑道天橋、告士打道）37. 舊灣仔警署38. 分域街39. 海富中心40. 置地廣場41. 中環街市42. 中區政府碼頭43. 3號碼頭
新巴720西行平日18:10前不停海富中心，以夏慤道天橋往皇后像廣場。東行不變。
新巴722西行不變。東行早繁過後，中環碼頭總站開出後：（經民祥街、祖庇利街隧道）2. 林士街3. 恒生銀行總行（返回原線）
建議好處善用2號用車為鰂魚涌來往銅鑼灣西部、灣仔南部一帶提供特快服務，以具競爭力嘅車程吸引2A、77、116及地鐵搭客回流，尤其東行可以吸引皇后大道東、時代廣場一帶嘅搭客轉投，必要時分擔2X客源，同時幫善水解決收費$4.9嘅問題。 25號寶馬山往中環方向，可以吸收原有2號同18號嘅客源，並且同25A有更明確分工，仲有大坑又可以有更快捷嘅路線去中上環。 720東區往中環日間唔駛再被迫遊覽終審法院、香港會一帶，有助吸引乘客回流。 722東區方向喺中環、灣仔同2號有更好嘅分工，但唔會有太大影響，又可以避開域多利皇后街一帶塞車。
影響愛秩序灣往炮台山：改搭2號轉2A、81太古城往金鐘：改搭2號東區往大坑：改搭19P、81大坑往銅鑼灣北部：改搭5X大坑往中上環：改搭25號中環碼頭往銅鑼灣東部：改搭11號、25號中環碼頭往維園：改搭25號中環碼頭往維園、炮台山：改搭2號轉18/P交易廣場往東區：改搭2號或720維園往東區：改搭2A、77、81炮台山往愛秩序灣：改搭2A、81轉2號，或改搭102
個人見解鰂魚涌去銅鑼灣、灣仔根本有唔少人，但係搭2A、77真係幾慢，近年2A仲要有唔少125進駐，個人經歷過竟然可以俾電車放到連車尾燈都見唔到，咁玩落去都唔係辦法。另一邊2號又長年收車收到倒曬啲客走，最好用2號改快留返銅鑼灣、灣仔嘅舊客同吸新客。呢個走線受2001年前嘅722西行、同789東行啟發，如果跟2X、8、8P咁喺興發街上落東廊，就分分鐘快唔到喇。
我自己多年嚟周末一直喺中環碼頭搭2號返鰂魚涌，感覺周末客源由碼頭去炮台山唔多人，而大坑搭去內告亦都係唔多人，咁改法提昇到呢幾條線嘅服務同收入嘅同時，又唔會影響到太多人。我有諗過將5X加埋入嚟變返5號去石塘咀補位，但咁樣個問題就更複雜。我又諗過將2號擺上耀東邨，放棄愛秩序灣一帶等耀東邨都可以受惠，但係耀東邨落山行電車路又唔係好吸引，都係擺返嘉亨灣好過。
9點前無18東行你轉埋我個份 ate214 發表於 2022-9-17 10:00
9點前無18東行你轉埋我個份
係，頭先下面影響嗰度打漏咗18P，依家對返上面
東廊落銅鑼灣，隨時慢過行英皇道 2鰂魚涌上公路再塞跑馬地，同直行英皇道冇乜分別 中環碼頭往炮北要轉車，好似唔係幾好 方向上認同樓主，鴨仔「提速」加價，25食大坑西行，720/722小修小補
不過鴨仔平過722成蚊都只係停多3-4個站就感覺怪怪地
炮台山西行特快亦值得補返，而唔係送俾619就算
附上年初自己寫過就呢四條線同18/18P嘅建議
個人口味會係鴨仔做灣碼、英皇道而棄鰂魚涌，東行甚至廢物利用經耀東
從而幫722長遠下繁飛走金星同灣碼，吸返鰂魚涌以東啲客
另外就係諗辦法將鴨仔縮時，尤其西行真係冇必要開到咁晏 本帖最後由 FS1819 於 2022-9-20 23:43 編輯
回應以上版友先，以我自己經驗，由寶峰園出發如果係一般上落客量、一般交通情況唔塞車、由藍衫揸車，2A到希慎廣場最少要用25分鐘，2號到景隆街通常都係25分鐘。如果用722嘅時間參考，寶峰園到匯入東廊需時8分鐘，而睇780P同舊673嘅行車記錄片，匯入位到百德新街要3分半鐘、到景隆街需時5分鐘，即係我建議中嘅2號由寶峰園到百德新街只係11分半鐘、到景隆街只係13分鐘。
以我自己嘅駕駛經驗，自從舊年東廊重新劃線分開內告、跑馬地、紅隧、外告嘅車流，落內告士打道已經順咗好多，大致得返星期六、日嘅中午時間會大塞車。
喺網上搵到繞道通車前嘅673行車片，由隔音屏開始塞嘅話匯入位到百德新街都係13分鐘，即係寶峰園到嗰度車程21分鐘。
https://www.youtube.com/watch?v=G20CpuE7qw4 (1:00:32-1:13:40)
唔好忘記，如果內告士打道係咁塞，2號喺大坑道天橋落橋都會塞2-3個字，咁都係行東廊快，最多塞車時同唔塞車、藍衫嘅2A打和。
睇完流星雨版友嘅建議，整體都有唔少認同嘅地方，不過真係唔認同再削減鰂魚涌嘅巴士服務，新巴接手24年嚟，除咗82X之外都只係一路變差，先係19號縮短，再到8號改特快，多年嚟其他區有咩建議都係鰂魚涌找數，所以唔該唔好再搞鰂魚涌。
喺我建議中，炮台山去銅鑼灣可以坐18/P，去灣仔或打後就坐行外告嘅25，咁就唔會被上面講到嘅塞車影響到。
不過我都覺得722同我建議嘅2號雖然途經地點唔同，但車程嘅分別唔夠大。現時夜晚唔塞車由交廣到惠安苑，個人經驗722要32分鐘，而現有嘅2號行電車路都只係35分鐘，仲未講2號無論乜嘢時間喺中環6號碼頭上車，都係35-38分鐘去到惠安苑。所以我又改少少自己嘅建議，睇吓大家點睇。
2號唔跟2X收費，而係跟720/722收費，東行方向平日早上09:00前班次改於糖水道落橋，等炮台山、北角通勤客唔駛轉車，用西灣河直入嘉亨灣慳返時間，受影響嘅人可以按地點搭81、82、85去電車路，2X、82X、102、720由電車路去愛秩序灣，或者小巴68由鰂魚涌去愛秩序灣。
新巴2號線嘉亨灣往港澳碼頭
1. 嘉亨灣（$7.7）
2. 東曉閣
3. 愛蝶灣
4. 筲箕灣總站 （$6.7）
5. 新成街
6. 海晏街
7. 西灣河文娛中心
8. 太祥街
9. 康怡廣場（轉2A、81往大坑及之前）
10.鰂魚涌街
11.太古坊
12.民新街
13.模範邨
14.健康邨 （經東區走廊、維園道）
15.百德新街 （$4.9）
16.景隆街17.伊利莎伯大廈
18.馬師道
19.史釗域道
20.柯布連道
21.分域街
22.海富中心（轉東鐵）
23.置地廣場
24.中環街市
25.金龍中心
26.港澳碼頭
港澳碼頭往嘉亨灣
1. 港澳碼頭（$7.7）
2. 中區政府碼頭
3. 3號碼頭
4. 5號碼頭
5. 天星碼頭
6. 國金二期
7. 交易廣場
8. 怡和大廈（轉18往炮台山）
9. 大會堂
10.金鐘站（轉東鐵）
11.熙信大廈 （$6.7）
12.修頓球場
13.克街
14.天樂里
15.堅拿道西 （經堅拿道天橋、維園道、東區走廊）
＊平日09:00前東行加停
＊1. 電照街（$4.9）
＊2. 琴行街
16.北角消防局（$4.9）
17.北角官立小學
18.新威園
19.惠安苑
20.太古城中心
＊平日09:00前東行加停綠字車站，不停藍字車站
＊3. 太康樓 ($4.3)
21.太安樓（$4.3）
22.海晏街
23.愛秩序灣道
24.南康街
25.筲箕灣總站
26.愛東商場
27.東曉閣
28.嘉亨灣
港澳碼頭方向，健康邨或之前落車收$4.9
嘉亨灣方向，堅拿道西或之前落車收$4.9
新增2A、18/P、81、東鐵轉乘優惠（用途見上）
都係全日20分鐘一班，用車7架，由2A/2X/8P組別抽1架加入原有6架，服務時間不變
頁:
[1]