頭先1點天后開出班次埋單都有40幾個入青衣，比想像中好
再傳來好消息：九巴於上週五(14/10)起已恢復平日 10:45 由長安開出及 21:30 由天后開出的加班車，星期六 21:50 由天后開出的加班車則仍然暫停服務
WR309 發表於 2022-10-14 08:49
尋晚留意到948關注組有篇文數客, 講1739-1830九班車埋站, 平均每車客量為100以上,
1713九巴班次更加係因 ...
其實就算係12.8都冇乜可能塞得落142人，何況之前仲有一半班次開緊12米，所以條數已經證明埋早排得7班車嘅時候明顯出現留後狀況，部份乘客需要改坐其他交通工具。初步睇開返兩班加班車之後，成個下繁計係比以前多咗人坐948，at least 以前7架車係唔會載得晒1000人
948尾站上唔到車的問題都唔係一朝一夕嘅事，都已經十幾年。好似十年前喺皇后街係幾乎冇人等948，因為大家都知個站「形同虛設」。依家情況有改善，都需要一段時間俾乘客回流
本帖最後由 ATE7025 於 2022-10-20 02:06 編輯
WCNTIH 發表於 2022-10-15 01:51
而家948無晒屯門柯打 同埋夜後42A柯打2130加班都好似開返了
FB 出現咗948關注組同埋 italk 出現咗呢個post之後，948啲加班車就突然出返晒嚟，話係巧合都冇人信⋯⋯
經過各方面努力爭取， 948 平日加班車數目增至每日15班，服務算是大幅提升，期望可暫時舒緩擠迫狀況
既然暫時解決咗最大嘅問題，依家就繼續跟進埋其他問題
1. 948E 班次不足
喺上星期四嘅交委會入邊，出現一個關於 948E 嘅議程，議題為「要求948E 延長服務時間及加密班次」，由徐議員提出
https://www.districtcouncils.gov.hk/kwt/doc/2020_2023/en/committee_meetings_doc/TTC/21742/10_D_2022.pdf
就此，有關方面亦有進行書面回覆
TD : https://www.districtcouncils.gov.hk/kwt/doc/2020_2023/en/committee_meetings_doc/TTC/21742/10a_D_2022.pdf
「現時，隧巴第 948E 號線(青衣站–太古(康怡廣場))於上午繁忙時間提供 四班前往港島東及於下午繁忙時間提供兩班前往青衣的巴士服務。根據 本署於本年 8 月中旬進行的實地調查，第 948E 號線上下午繁忙時間的平 均載客率分別為約六成多及約七成，反映目前的班次大致能配合該線的 乘客需求。在第 948E 號線的服務時間以外，青衣的居民可考慮選乘港鐵 服務前往目的地。
本署及巴士公司備悉有關延長服務時間及加密班次之意見，並會密切留 意有關路線的服務情況，適時因應乘客需求考慮合適的服務調整。」
九巴：https://www.districtcouncils.gov.hk/kwt/doc/2020_2023/en/committee_meetings_doc/TTC/21742/10b_D_2022.pdf
「本公司一直密切留意 948E 線的運作情況及客量變化。對於該線延長服務時間及加密班 次的建議，本公司持開放態度，會與運輸署及其他巴士營辦商討及跟進。」
新巴：https://www.districtcouncils.gov.hk/kwt/doc/2020_2023/en/committee_meetings_doc/TTC/21742/10c_D_2022.pdf
「我們已備悉有關建議。公司會繼續密切留意區內的發展及人口增長的情況，以及948系列路線的營運情況及客量變化，適時就其服務水平作檢討及調整。」
相關會議錄音：https://www.districtcouncils.gov.hk/kwt/doc/2020_2023/common/committee_meetings_audio/TTC/21742/T018_20221013_03.mp3
喺巴士公司同埋運輸署嘅回覆裏面，似乎隱含左一啲意思
個人認為最理想嘅做法就係朝早同埋夜晚各加兩班車，朝早 07:00-08:00 每12分鐘一班，夜晚17:50-18:35 每15分鐘一班。依家朝早資源明顯錯配，07:15-07:32 開三班車實在隔得太密，搞到收視硬係差少少，而同時07:45尾班車又企緊人，呢個時間開尾班車亦係太早，可見班次編排明顯有問題，應該拉返開啲車嚟開
ATE7025 發表於 2022-10-20 02:43
經過各方面努力爭取， 948 平日加班車數目增至每日15班，服務算是大幅提升，期望可暫時舒緩擠迫狀況
既然 ...
而家係948仲有一樣野可做，夜晚9-11呢D時間，再加返上15分鐘甚至12分鐘一班，因為而家20分鐘一班係有唔夠載嘅問題，搭過幾次，匯豐甚至之前要企係梗片，去到皇后街/西隧就次次都玩要歡樂滿東華.....
ATE7025 發表於 2022-10-20 02:43
經過各方面努力爭取， 948 平日加班車數目增至每日15班，服務算是大幅提升，期望可暫時舒緩擠迫狀況
既然 ...
路邊消息:
議員積極咗嘅原因, 除咗係喺當區不停拉banner之外,
佢地葵青區議會依家爭取加班嘅角度會加上客流及將來新入伙屋苑理據,
呢啲或多或少受到一年前一位青衣居民上書運房局文件設計影響,
議員除影片外, 佢地終於識得用客流說故事,
證明當日呢位青衣居民嘅嘗試係帶動到個良性討論,
外人去睇呢份文件, 的而且確睇到有多個小建議係分階段落實到同即將落實
確實盲目要求爭取加班官府同兩巴一定唔會理你, 今次問題只係反映青衣人返爭取當區應得嘅資源,
948系列呢一年來再加了五次班以上, 事實已說明一切,
兩巴態度由去年11月開始, 去到BRPP諮詢紅鬼開始軟化態度話"距離全日一步之遙", 再去到屎水開始話一齊傾,
已經係一大進步, 而不是直接叫你去搭LAR過海
更重要, 暫時睇落到係夠客支持
我個人都認同, 現有鬼車加足後, 班次有微調(拉早拉後)嘅空間, 先平均返整體載客率再加強
次階段就考慮針對清晨出島及飯市後回島嘅需求作出回應
但唔好好似社區助理果招咁: 43D/X42C加車咁抽車減43A/43B同一時段班次咁樣做, 對區內返學客影響好大
爭取極都係得加班車，948加班係咪永遠唔會落表？