本帖最後由 kei_hk 於 2023-4-2 17:14 編輯
Man@MFHK 發表於 2023-4-1 23:13
本島就係太細，搵位起又唔可以影響現有交通都係一大問題。
起得成當然對澳門交通係好大幫助。
要深入本島的核心地區﹐的確難度極高﹐我絕不否認的。
但係以下2條路線﹐難度應該唔高﹐完成後應該可以幫到唔少交通問題。
** 我唔知現時澳門政府想點攪本島的走線 **
地圖黨的提議 :
1. 澳門機場起橋﹐延長現有路線駁通外港碼頭及大橋口岸。
實際走線就要睇番澳門政府想點發展而定﹐但過海去接通這2個重點口岸﹐就係極需要做的事。
2. 媽閣起新線 :
由媽閣去到外港碼頭﹐紅線係大既的走線﹐藍圈係設站位置(可按實際情況再加站)。
我比較好奇各賭場對發財車既取態係點，究竟係想輕軌做埋慳返筆定係覺得發財車係拉客工具不容有失？
如果輕軌真係通外港及大橋口岸﹐我估氹仔的發財車一定比政府施壓減班﹐而各賭場/酒店就自然會順勢鼓勵大家用輕軌。
如果上面我建議本島走線起得成﹐本島的發財車相信都有同樣結果。
但係﹐發財車完全消失﹐我相信機會就比較細。
kei_hk 發表於 2023-4-2 17:05
要深入本島的核心地區﹐的確難度極高﹐我絕不否認的。
但係以下2條路線﹐難度應該唔高﹐完成後應該可以幫 ...
機場拉過澳門本島，依家招標緊既東線已經算係，但佢就取易不取難直插新城A區再上拱北口岸，飛起本島碼頭，港珠澳應該係暫時用新城A做住接駁，遲下再好似橫琴線咁額外拉一條線入港珠澳？
以本島目前狀況，第日由媽閣站沿住海皮上青茂口岸再去拱北再屈返落碼頭，然後再跟你條紅線走法應該都OK，但可能全地底會比架空易起囉，但捨唔捨得出咁多錢起全地底又係一個問題;P
Man@MFHK 發表於 2023-4-2 18:39
機場拉過澳門本島，依家招標緊既東線已經算係，但佢就取易不取難直插新城A區再上拱北口岸，飛起本島碼頭 ...
老實講﹐如果大橋口岸做唔到合理步行距離下可以轉乘輕軌﹐就等同自己廢去一個重要客源﹐對改善路面交通幫助很少。
而本島路線方面﹐我作為一個好少去澳門的香港人﹐討論靠做地圖黨。
我上面劃的路線﹐應該都叫做係最簡單最易做的方案﹐而且亦有一定疏通路面交通的能力。
按你所描述﹐如果澳門政府都有計劃跟我的建議去起﹐只係另一條很長的路線的一部份。
我就寧可佢斬件分2期﹐先起這一部份較易的部份﹐接通外港碼頭/金沙/科學館/美高梅/永利/萄京/新八伯伴/旅遊塔/媽閣。
當中新八伯伴其實好近新馬路﹐只係幾個街口﹐澳門人應該係用得著的。
媽閣及萄京就係巴士轉乘的地方﹐2者都係有很多的巴士可以做到接駁。
真係放長雙眼﹐睇下澳門政府點去落實新一期的輕軌發展。
本帖最後由 Man@MFHK 於 2023-4-2 23:45 編輯
kei_hk 發表於 2023-4-2 21:40
老實講﹐如果大橋口岸做唔到合理步行距離下可以轉乘輕軌﹐就等同自己廢去一個重要客源﹐對改善路面交通 ...
我同你一樣都係坐係香港既地圖黨，但基於我對澳門有限既記憶同認知，你畫紅線果部份如果要起都難以全架空。孫逸仙大馬路其實都唔係好大，四線雙程中間得個花槽仔，碼頭至葡京一段友誼大馬路係夠闊，但佢咁闊係因為佢係每年大賽車賽道一部份，無可能搞到呢段路面，至多係佢旁邊近海位置起架空，但去到後段夠唔夠位繼續架空或者潛落地底又係一個問題，全地底又涉及成本問題，所以澳門政府可以點係本島起輕軌，我諗到最簡單既方法就係圍住成個本島外圍起高架，但咁就對本島交通無實質幫助淪為大白象觀光鐵路。
kei_hk 發表於 2023-4-2 17:05
要深入本島的核心地區﹐的確難度極高﹐我絕不否認的。
但係以下2條路線﹐難度應該唔高﹐完成後應該可以幫 ...
你嗰條走線根本上就唔可行，你照輕軌入到葡京新八百伴就根本上唔使諗，除非喺地底，至於港珠澳口岸線，其實到而家都冇計劃，你睇返澳門政府對港珠澳口岸道路嘅設計，就知道佢擺明冇心做，求其起條路俾你入到去就算
tkglobe 發表於 2023-4-3 10:00
你嗰條走線根本上就唔可行，你照輕軌入到葡京新八百伴就根本上唔使諗，除非喺地底，至於港珠澳口岸線，其 ...
以我認知﹐媽閣站已經係地底。
你提及的一段有需要行地底﹐就行地底﹐完全無硬性規定要架空的。
在本島入面﹐難度係好高﹐真係可行路線唔多﹐有可行路線都有一定難度。
據悉澳門政府已經無限期押後大橋口岸線，因為大橋口岸對大部份澳門居民來說無咩急切性。急嘅只係香港班賭徒。
佢地在意的是同大陸連接，因為咁先至係真正大茶飯。所以新城A區連接拱北，仲有橫琴支線可以咁快上馬。
本帖最後由 peterson 於 2023-4-4 01:13 編輯
chikng2227 發表於 2023-4-3 15:29
據悉澳門政府已經無限期押後大橋口岸線，因為大橋口岸對大部份澳門居民來說無咩急切性。急嘅只係香港班賭徒 ...
講句實話：澳門政府班高官，主要係交功課
先講個預言：珠海地鐵線做緊3條線6卡車每3分鐘一班果時，澳門本島除東線同媽閣站，都依然唔會有其他輕軌，
而東線好高機會日日都係載空氣但新城A區日日塞到癱瘓，等巴士去新馬路要坐一個鐘:lol
重點：澳門交通策略，係為一人至少一部私家車而服務:lol
作為澳門人，就算你無私家車，有架錢七綿羊仔都係好正常嘅事:lol
至於關閘，每日講緊30萬+出入人次，當中澳門有16萬+外地顧員(即外勞，統稱外顧)
所以發財車作為澳門公共交通嘅核心，應該輕軌摺左都未有可能郁到佢地嘅地位
chikng2227 發表於 2023-4-3 15:29
據悉澳門政府已經無限期押後大橋口岸線，因為大橋口岸對大部份澳門居民來說無咩急切性。急嘅只係香港班賭徒 ...
新城A區連接拱北﹐這一段又的確係對澳門本土來講係最值得做。
結終新城A區係將會發展﹐輕軌對此區很重要﹐受惠的居民亦高﹐而且會用隧道過海去氹仔機場(可轉乘現有的路線)。
只係希望當完成這條線之時﹐大橋口岸可以有足夠的接駁交通﹐接駁新城A區的車站﹐減輕口岸出市區的巴士需求。
做到足夠的接駁﹐輕軌直達大橋口岸就可以推遲一點才做。
peterson 發表於 2023-4-4 00:50
講句實話：澳門政府班高官，主要係交功課
先講個預言：珠海地鐵線做緊3條線6卡車每3分鐘一班果時，澳門本 ...
日後A區發展﹐大家都係先坐輕軌過氹仔活動;P
兜個大運去媽閣﹐再轉巴士返新馬路一帶﹐隨時快過直接由A區坐車去新馬路;P
所以﹐我上面提議的路線﹐有機會係下一步的發展。
澳門本島的內部﹐真係唔知有什麼好的走線﹐真係一個死症。