城巴是已經忘記還是放棄A10！？
因為疫情有一段長時間沒有坐過城巴機場快線，疫情後對城巴Cityflyer的復常態度感覺是唔踢唔喐，A12嘈咗幾鑊先至捨得勉強開返一小時一班的全日服務，A10就更加唔駛講，嘈幾嘈先施捨可憐開多一班俾你，但城巴明明已經具有能力在假日開班次幾乎運空氣的A23和A25，為何仍然對復常A10的反應依然咁冷淡，究竟真是車長不足還是因為A10不經過港珠澳口岸所以城巴不屑復常？小弟作為港島居民以往經常坐城巴往來東涌機場，相信在疫情復相後城巴對港島機場線的消極經營後，應該有不少港島乘客已流失到坐機場快線，小弟聽到一位住西環的朋友睇見A10/A12的服務，就無奈說以後畀多一百幾十坐AEL去香港站轉的士直到家門口算，A10/A12的班次唔使錢都唔想坐。而小弟也試過好幾次在晚上非繁忙時間因為A11/E11班次疏落兼剛好送車尾要等近半小時而改坐A33X/A36/E36/E36A到屯門甚至元朗轉960或968，最後發現行車時間雖然長，但起碼唔使在巴士站吹風為城巴而浪費半小時的人生，ETA並不是萬能，機場等A11/A12見過都見過有客見要等半個鐘甚至超過半個鐘，特別A12，上月就試過一次等A12，小弟當時亦唔趕時間，見住有幾組客落到去A12站才發現要等近40分鐘，頭也不回行返上去坐機場快線甚至可能是的士回家。
城巴唔知明唔明唔係因為條線本身無客，而係因為班次太疏嚇走晒啲客？又或者今天的城巴機場快線眼中只剩下不用過西隧又經港珠澳的A21同A29兩條，成本較高A11都好似唔係咁想做咁款，城巴係疫情後唔知送咗幾多客俾AEL和的士呢？ 本帖最後由 brianso198 於 2023-5-14 11:38 編輯
特工之流話要兜港珠澳先加得班呀嘛:lol嘈兩嘈變左叫我問城巴點解唔加班:lol
但成班人無視日日有幾多客想坐A10/A12最後見到個班次直接頭也不回坐返機鐵
以前香港站邊會咁多人落車, 近排試過架機鐵過左青衣站都仲有一半客去香港站 (唔洗問點解咁肯定去香港, 因為九龍站用既人一向都係少)
其中一個原因似係要經西隧，客唔夠多就無得盈利最大化 A29P A26 其實城巴都放棄咗 唔只港島啊，將軍澳好多人都放棄左A29，觀塘道設站後越行越慢，車又疏。機場快線轉港鐵快得多，而且穩定性高。城巴現在機場巴士競爭力越來越差，仲走去瘋狂加價，根本就係自己送啲線去曾咀隔離 dominic023 發表於 2023-5-14 11:41
其中一個原因似係要經西隧，客唔夠多就無得盈利最大化
A23/A25呢, 唔經西隧大哂?
不如話經港珠澳大哂, 機場有客全部射落機鐵就得
tommy14D 發表於 2023-5-14 11:42
A29P A26 其實城巴都放棄咗
呢兩條放棄係唔意外
180幾部車開到A23 A25其實已經玩緊差異化 brianso198 發表於 2023-5-14 11:43
呢兩條放棄係唔意外
咁又搶黎做 dominic023 發表於 2023-5-14 11:41
其中一個原因似係要經西隧，客唔夠多就無得盈利最大化
咁976同976A 交返個牌出黎先。