Ricky403 發表於 2023-7-20 10:38
都係無預留嘅問題
只係唔預留原因都係當年高估將軍澳綫載客量
不過將軍澳綫舊年樽頸位仲係東隧，想龜鐵海 ...
講起唔預留，康城站點解要設計到車廠西面隊出海嘅方向？將康城站放喺車廠東面，打直起喺依家日出康城二期位置，車務調度流程唔會改變，但就保留左低價延長嘅可能性，雖則當年完全冇佛堂澳新區規劃，但都應該用common sense順住島形去起，為左車廠同車站共構慳嗰少少錢，搞到依家要大陣象咁鑽出海起海底隧道先屈得返入去佛堂澳
Kaix 發表於 2023-7-21 16:32
講起唔預留，康城站點解要設計到車廠西面隊出海嘅方向？將康城站放喺車廠東面，打直起喺依家日出康城二期 ...
調景嶺柴灣同黃埔無預留延長，同樣不可接受
shakugan2005 發表於 2023-7-18 01:07
第一日起果陣就應該觀塘線出到調景嶺再去將軍澳/康城，係要同寶琳/坑口夾，係要整d將軍澳來往康城車出黎 ...
康城本身係將線車廠梗係同將線夾
cx838 發表於 2023-7-21 13:12
以通勤人口計，現時康城已多過坑寶。坑寶有30%以上的人已退休，根本不需要繁忙時間通勤。而康城的退休人口 ...
港鐵代表對康城加密班次最新發言
繁時於信號更新前冇空間加班 只能靠人流管理
非繁正按客量考慮加班 快將公佈好消息
https://www.districtcouncils.gov.hk/sk/doc/2020_2023/common/committee_meetings_audio/TTC/23299/TTC_23_4_008.mp3
7:28
「都希望議員諒解啦，喺繁忙時間呢，將軍澳綫個班次呢，依家係到咗個設計嘅上限嘅，咁所以就繁忙時間嗰度嘅調整呢，就實在真係要等到完成咗個信號系統嘅更新，先至有呢個空間再去檢視。
咁至於話平日星期六日嘅非繁忙時間嗰度有冇空間呢，咁我哋公司都係會繼續一路睇住個實際嘅乘客量呀等等嘅因素呢去考慮嘅。咁都知近排我哋港鐵全個網絡個人均載客量呢，都逐步回升緊上番到去四百五十萬人次，咁我哋公司都一路睇住個實際運作情況啦，咁都會去考慮因應番嗰個情況去調配番個列車服務嘅，咁我都好希望呢度可以儘快有好消息畀到大家。
咁就喺加密到班次之前啦，都知道康城站個人流個情況，依家可能啲乘客未係感到完全滿意嘅，咁喺加密到班次之前我哋都喺車站嗰度繼續安排番一啲人流管理嘅措施啦，點樣可以鼓勵到啲乘客用多啲近住B出口樓梯以外嘅設施，譬如另外兩條扶手電梯或者部升降機去上落月台，同埋落到月台之後呢就去番比較人少嘅地方，咁令到用盡嗰個月台嘅空間同埋嗰個列車嘅載客量囉。」
cx838 發表於 2023-7-21 13:12
以通勤人口計，現時康城已多過坑寶。坑寶有30%以上的人已退休，根本不需要繁忙時間通勤。而康城的退休人口 ...
我都讚成盡快將軍澳綫實行全日2.5-4分班的1+1的方案,不過以黨鐵多年來對紫線的近乎半放棄態度下會似南區無人地鐵線一樣會拖到換訊號甚至傳訛的東將合併時就一次過處理1+1和換走居民成日嗌唔要的M-Train呢2個問題.
Kaix 發表於 2023-7-21 16:03
最符合成本效益同最方便乘客嘅做法，就係將軍澳站重置於寶邑路地底，起雙層轉車月台，觀塘綫延長至寶琳， ...
寶琳重建做雙月台先再 FF 俾觀塘綫入去啦
單係綠綫減到 2 分半班諗起都覺得恐怖
shakugan2005 發表於 2023-7-18 01:07
第一日起果陣就應該觀塘線出到調景嶺再去將軍澳/康城，係要同寶琳/坑口夾，係要整d將軍澳來往康城車出黎 ...
當年起將軍澳線縮骨到呢.連觀塘線將軍澳段都沒起到將軍澳為止,留觀塘線康城延線都沒,唔知係咪起機鐵沒曬budget?
groom1002 發表於 2023-7-22 20:20
當年起將軍澳線縮骨到呢.連觀塘線將軍澳段都沒起到將軍澳為止,留觀塘線康城延線都沒,唔知係咪起機鐵沒曬b ...
將軍澳線係地鐵公司自己出錢 唔係政府撥款
自然慳得就慳
helloabc 發表於 2023-7-19 22:44
可以幫港鐵諗定最後加唔到班嘅借口
經過一番詳細研究之後 鑑於將軍澳綫存在以下特點 為着整體行車安全...
理論班次東隧段做到34班,寶琳24班,康城10班
he_01 發表於 2023-7-22 20:34
將軍澳線係地鐵公司自己出錢 唔係政府撥款
自然慳得就慳
鬼叫當年兩鐵起咗機鐵,西鐵呢2個大白象工程而且政府又無幫助下所以好自然將鐵,馬鐵個設計就慳得就慳啦,但講到尾如果早係90年代識得用啊公(政府錢)起鐵相信就立刻起曬足曬將線雙總站兼提早起埋屯馬,南港島東西段,火車過海,西環/黃埔地鐵支線,北環和東將北港島合併兼實現兩鐵願望囉.:lol