brianso198 發表於 2023-7-23 19:24
如果個個人都話要尾站, 咁就得邊個?
就好似當年新巴收到好多訴求話將軍澳無車去邊, 又話小巴110服務好差...
我諗機場巴士問題同 793 795X 亂拆線本質上有分別，首先係山上部分地區歷史上因為包括其他地區山頭主義在內原因而長期無合理服務，繼續維持當日現狀對佢地唔公平，亦唔理想
其次 793 795X 嚴格而言係有替代品
康翠最大問題係 A29P 需求最大既上繁竟然有一大截時間無服務
用行車時間換班次其實係合理，但 A29 拉上康盛花園，總站食唔食得落咁既班次都係一個問題；況且咁既班次拉上去要加車，成本效益亦係好大疑問，真係倒不如用第二條疏線食埋佢好過
觀塘山另一個問題係其實唔需要 A26 A29P 兩條線去做，有合理行人通道網絡往來既地區係唔需要條條街都有 A 車（留意前提係有合理行人通道網絡往來），當然就一定唔會係好似某版友叫人秀茂坪道無人之境食西北風就算
講到尾覺得 A29P 好有問題既主要都係得將南康城，以當區人口，六幹通車後係值得擺條康城直出線；但同時 A29 坑口尾站兼班次頻密，無野可以取代到，係一定唔可能求其一條 A 線兜晒將軍澳就算
所以我既諗法係
A29 不變
A28 將南康城直出六幹
A27 寶林 - 康翠 - 寶達 - 碧雲道逆走 - 油塘灣 - 麗港城 - 六幹
A26 石礦場 - 安達 - 寶達 - 秀明道 - 四順
剩返樂華、慈雲山點搞，其實都呼之欲出。最後路線數目同今日無分別，但分配會合理好多，亦減少不必要重疊
S3BL100 發表於 2023-7-23 22:08
我諗機場巴士問題同 793 795X 亂拆線本質上有分別，首先係山上部分地區歷史上因為包括其他地區山頭主義在 ...
A28應該唔夠客 建議A29一樣做曬全將軍澳 但改為:
將站 - 將南私樓 - 調景嶺 - 尚德 - 寶琳 - 坑口 - 康城 - 六幹
不過將南觀感一般 可能都係會搭返E22A
brianso198 發表於 2023-7-21 18:55
其實班次有咩好討論?
講句唔好聽, 個個都會覺得自己樓下條線唔夠班次, 就得一個就唔會就到第二個
呢間公司為左插旗，無所不用其極，結果其實係倒自己米。
如果用九龍區一條街一條線既服務標準，
港島區耀東邨、愛秩序灣、杏花邨同太古城甚至寶馬山 / 勵德、石排灣，都好應該有A線。;P
本帖最後由 brianso198 於 2023-7-24 01:38 編輯
S3BL100 發表於 2023-7-23 22:08
我諗機場巴士問題同 793 795X 亂拆線本質上有分別，首先係山上部分地區歷史上因為包括其他地區山頭主義在 ...
你個做法係合理
但老老實實，當A29P第二班車係八點尾先到機場果陣
根本已經cover咗上繁服務，上繁嚟講係唔存在無車
我對兜哂成個將軍澳有保留，但問題係，個個都話自己要快，就得邊個？
根本當年城巴開A29P係行錯旗，而家執緊當年嘅蘇州屎，但越執越不知所謂
東九堆機場巴服務過剩係事實嚟，條條路都搞條機場巴係毫無必要
793，795X果度，明知個project風險大成咁點解佢都肯制？
當時佢真係天真以為咁樣搞真係比做796C多一大截客，仲可以做埋市區流水
點知，795X無錯做到市區流水，但市區流水個performance唔夠維持成條線
793仲衰，搵車維持班次難過登天，表演緊派十架車九架塞哂喺市區
neoplan720p 發表於 2023-7-24 00:53
呢間公司為左插旗，無所不用其極，結果其實係倒自己米。
如果用九龍區一條街一條線既服務標準，
啱㗎，不過呢度啲人話樂華三彩轉車煩呀嘛，又話佢一定要哂全部客，轉九巴唔制呀嘛
brianso198 發表於 2023-7-24 01:17
你個做法係合理
但老老實實，當A29P第二班車係八點尾先到機場果陣
根本已經cover咗上繁服務，上繁嚟講係唔 ...
對比起開 A29P，當年開左 A29P 後開 A26 行安達臣先係最大錯誤
如果當日藍田山油塘機場巴係行觀塘道，已經可以解決 A22 包袱，連同 A29 兩條一齊做大觀塘道龍翔道 A 車，又或者日後放生 A29 改路。但而家 A22 藍田站一段根本無辦法斬，頂盡只能新蒲崗至藍田站一段之間改經啟晴同啟福道；然後 A29 做得咁大，任何令寶林坑口減班、坑口無左尾站既方案都無考慮空間
基於有合理無障礙行人路網絡就唔需要條條街有 A 車原則下，A26 當日係無需要行安泰安達，拎去行而家變左其中一個箭靶既樂華都仲好，當然最好係當日唔應該咁樣開
亦基於同樣原則，三彩係無需要擺條 A 車上去，但做得樂華亦無咩理由唔做埋三彩
S3BL100 發表於 2023-7-24 06:31
對比起開 A29P，當年開左 A29P 後開 A26 行安達臣先係最大錯誤
如果當日藍田山油塘機場巴係行觀塘道，已 ...
其實 A26 油塘開經安達臣唔係最大問題，畢竟而家山上都習慣用每小時兩班車聯合去做
一條寶林、康翠、秀順；一條油塘、碧雲道、石礦場；兩條落到新清一齊做返彩雲聯合每 30 分鐘一班
逆走製造不必要直出隨時更難搞
之前有板友提出過將 A28 調景嶺後入將藍隧道，經藍田、油麗同觀塘後繼續去機場其實非常值得參考，直接補返 A22 去藍田角色
A22 可以經三彩直接縮短去樂華，同減到 30 分鐘一班，反正紅土有 A25
反而我傾向 A23 縮短去又一城減車同時方便附近低密度住宅去又一城轉車，以及方便白田去九龍塘；
然後慈雲山開一條 60 分鐘嘅線，係黃大仙附近兜兜就好上路了
本帖最後由 SE7378 於 2023-7-24 15:37 編輯
brianso198 發表於 2023-7-24 01:17
你個做法係合理
但老老實實，當A29P第二班車係八點尾先到機場果陣
根本已經cover咗上繁服務，上繁嚟講係唔 ...
城巴一開始抽 E22B 嘅資源開 A29 幫將北山下同龍翔道客 upgrade，
以為拉條 E22A 塞俾康翠，E22P 兜上秀順就解決到問題，
點知觀塘道無咗快車出東涌後勤區，要即刻開返條 E22X 補位，
康翠客又嫌 E22A 出機場太慢，之後將南又有聲音要 A 線，
城巴就諗住用 A29P 應付將南，兼幫前 E22B 沿途嘅山上客 upgrade，
但 A29P 做極都唔好睇，佢之後仲要開多堆 A20 A23 A25 A26 A26P，
一條衰過一條，又 kick 埋 A22，結果依家九龍 A 線嘅局亂到七彩。
如果一開始係 A29 E22B 全日，A26 就可以啟田道落藍田站同觀塘道，
放走條 A22 經啟德入啟業（當然要佢肯放棄埋市區流水），
然後開多條 A28 做安達臣 + 龍翔道，就可以放埋 A29 改行康城同六幹，
到時觀塘道有 A26，龍翔道有 A26 A28，成個局都會好好多。
不過觀乎今年 E22A/E22S 分拆做 E28/E29 建議黎睇，
我諗係連 E11 一拆三、E21/E21A 二拆四嘅問題都依然未意識到，
莫講話拆九龍 A 線個亂局，康城睇怕都要準備坐足兩粒鐘 A 車了。:L
題外話：平日下繁響加士居道見親 795X 都係最多坐滿企兩三個，
相反隔離 98D 近乎班班頂閘，似乎 795X 對將南嘅吸引力都係麻麻。
10598C 發表於 2023-7-24 11:40
其實 A26 油塘開經安達臣唔係最大問題，畢竟而家山上都習慣用每小時兩班車聯合去做
一條寶林、康翠、秀順 ...
問題係紅磡獨市位都唔buy A25
尖沙咀加紅土，結果原來係尖沙咀又吸唔到客
紅土又因為尖沙咀路況吸唔到客
好簡單，A22雖然要塞佐敦道，但都叫做順住行，塞完下站都到紅磡，A25？首先要過柯士甸道廣東道，然後又要捱梳士巴利道支燈，得閒K11 Musea多車又要陪塞一陣先捱到紅磡，隨時捱完架E23都就到，點解要坐A25？
紅土班人去機場，就算上E23都無咩人坐A25
brianso198 發表於 2023-7-24 17:47
問題係紅磡獨市位都唔buy A25
尖沙咀加紅土，結果原來係尖沙咀又吸唔到客
紅土又因為尖沙咀路況吸唔到客
其實而家 A25 好大問題係站位，走入海逸豪園想有人搭都難
將條線改返跟 E23 行的話起碼都有人肯轉會
至於尖沙嘴，其實我比較懷疑係 A25 而家服務時間根本養唔到客所致
尖沙嘴正路快過 A21 咁多會有一定嘅客，不過廣東道經常性塞車都係事實
不如話，A25 最大問題係潑左出去嘅水收唔返