燈位對巴士班次穩定性影響有幾大？
個人感覺，市區（計埋葵青）同新界燈位轉燈速度明顯唔同。市區每支燈時間短，綠燈好多時20秒內轉紅燈，就算紅燈要等嘅時間唔算太長，成個燈位cycle最多一分鐘多啲，除咗主要大路會耐啲。
以前成日搭N241，雖然多燈位，但對行車時間影響唔算大。
新界嘅，感覺燈位cycle好耐，每支燈隨時玩兩三分鐘，綠燈一個方向多數最少半分鐘先轉紅。
依一年喺上水、粉嶺同聯和墟嗰邊，無論搭車定過馬路，個人覺得一紅燈就等得特別耐。
278K聯和墟出粉嶺站，車程唔夠兩公里。
全部順燈6-7分鐘就到粉嶺站。
如果唔順燈，加埋禮賢會中學又停，有機會12-13分鐘先到，即係多成倍時間。
而入返聯和墟多數順燈，加上燈位比較少，影響相對冇咁大。
早排踩單車由寶石湖路經馬會道過聯和墟，大約由北區運動場開始見到部673等燈，踩到粉嶺樓路都仲見到部673，可想而知啲燈位設計幾好。
馬適路東行過咗皇府山轉入粉嶺樓路個燈位又係經典，唔知點解有時見綠燈超過一分鐘，相反方向通常好短，得20秒內。
聯和墟停完粉嶺樓路轉入皇府山方向，一送燈尾隨時等兩三分鐘。
大埔嗰邊情況都類似係咁，行完山搭小巴由烏蛟騰／大尾篤出火車站，過咗魚角一轉入市中心方向，市中心段時間話唔定長過大尾篤出魚角一段。
唔知新界其他地方係咪都咁，因為等燈時間長，而令巴士班次唔穩定。
等燈位耐唔係最乞人憎，最乞人憎係明明綠燈嗰邊無車都長綠。
九龍同部份舊新界燈位設計好好多，就算大十字路口，通常三個set為一cycle，誇張啲可以兩個set為一cycle，令到整體時間短啲，但近年新界多左唔少十字路口係連埋行人綠燈5個為一cycle，梗耐啦。
前者都話智能城市有機會解決到（睇車流放車），後者就無得救
啲燈都唔畀巴士走先，下下去到都食燈位 點可以漏咗天水圍四大天王 本帖最後由 kitarolo 於 2024-3-18 08:54 編輯
GK3258 發表於 2024-3-18 07:52
前者都話智能城市有機會解決到
（睇車流放車），後者就無得救
但祗要睇返決策嘅係邊一班人
(使用私家車甚至有司機代為駕駛)
智能交通燈視乎車流動態調整
都唔會期望對巴士有大幫助
正如以前一個電視廣告雖以
玩具比喻道路上擠滿車輛,但
第一件事係取走巴士嘅模型
https://youtu.be/qls0gipjPpE?si=UtdooUAkh_z5P9tG 建議將荃灣納入市區，其實比葵青更市區 12Lane 發表於 2024-3-18 08:19
點可以漏咗天水圍四大天王
西九海皮都有幾盞燈都係天王 依家計, 東涌市中心一帶行智能放燈係做得比較好, 有效減少排隊車流 (東涌市中心巴總出站支燈例外)
至於其他, 東涌北, 天水圍西鐵站, 荃灣西/楊屋道, 屯門市中心一帶都係極品 青公新墟段南行，景峰至何福堂一條直路要過三關
井財街口枝燈最惡頂，放燈前一定會俾 25 秒行人過路，無人都一樣綠公仔 :L 講起北區，不得不提上水龍運街/新運路交界，同埋新運路近上水站D出口嘅行人過路燈
自從前者喺舊年年頭改成紅綠燈口（原先係新運路直行讓龍運街匯合嘅讓字路口嚟）之後，為咗令啲車可以順住通過前車後者兩組路口
搞到前者嘅紅燈時間都起碼1-1.5分鐘，亦都從而搞到後者嘅行人燈紅燈時間要成2-3分鐘 :L
再加上緊貼後者嘅九巴新運路上水轉車站—上水站嘅站尾，經常有巴士或503/K小巴排隊上落客，搞到唔少本應停站尾嘅巴士線，去到後者因為要等站尾停緊車嘅巴士/小巴駛走，都明明綠燈轉眼變成紅燈......:L:L
唔怪之得當局咁想將270同273B合併啦，但係成件事最擾民嘅係喺站尾落客嘅503/K車海
點解彩虹嗰邊可以強制1系/11系小巴稍為喺人少車少嘅地方落客，而上水又唔得，反而要啲舊有巴士線讓路？