dennis28a 發表於 2024-4-10 12:24
官方唔存在指定路線，出左事係要搵人狽飛。
如果真係咁，黃巴係咪可以亂改路線？
其實沿線咁唔穩定果陣應該寫多 1-2 條替代路線
好似大老山線都會有一條落小瀝源巴士線
天水圍部分路線會行元朗北繞道
lsc04d11 發表於 2024-4-9 09:06
睇標題 make sense 因為有時有啲司機都真係。。。睇內文 痴線啦你 3分鐘。如果唔係司機問題而係有個客追車 ...
其實好應該開放辦公室摺床俾交通不便嘅人留宿順便OT埋
天空之神 發表於 2024-4-10 16:38
其實沿線咁唔穩定果陣應該寫多 1-2 條替代路線
好似大老山線都會有一條落小瀝源巴士線
文件寫同司機收到巴士公司的指示是2回事。
980X/981P來回都有替代路線往返青沙公路。
但司機收到的指示是只可以行官方首選路線, 即是經紅梅谷路。
kay 發表於 2024-4-10 15:08
咁690S因為唔塞快過鐵
假如塞到同鐵差唔多
咁自然有人嘈
按呢個post大部分站友嘅logic
塞車影響車程係上巴士嗰刻就應該做嘅心理準備
順同唔順有8分鐘嘅時間差距應該要接受，接受唔到就乖乖地買都會票
但當班人返中環金鐘灣仔呢啲office工嗰陣，又其實呢10-15分鐘比樓主返打卡工嘅8分鐘更唔值錢
不過佢地照樣塞一塞都幾個一齊嘈，尤其係前排學校假期慣咗偏快嘅行車速度之後🤭
Ricky403 發表於 2024-4-11 13:32
按呢個post大部分站友嘅logic
塞車影響車程係上巴士嗰刻就應該做嘅心理準備
順同唔順有8分鐘嘅時間差距應 ...
落地底唔故障都可以因為送車尾,上唔到即班搞到唔同時間到啦
何況巴士
dennis28a 發表於 2024-4-10 12:24
官方唔存在指定路線，出左事係要搵人狽飛。
如果真係咁，黃巴係咪可以亂改路線？
你嘅官方指緊咩官方先，九巴職工
本帖最後由 sbleon2002 於 2024-4-12 10:16 編輯
首先多謝一啲以討論為主既站友回應，你地既建議都啱我嘗試用。我都甚少出post或者回覆，呢幾日思考番，亦可能呢次係我說話，表達唔好啦，冇諗過大家個反應咁大，比人公審咁，但我想強調只係分享唔好既搭車體驗(而且唔止一次搭及投訴986)，我想回應以下既野：
首先我一路搭咁耐986，都係搭呢班車，開初由686轉986，係可以45分鐘到北角琴行街，轉鐵返柴灣8:30am點都到，宜家試過可以55分鐘先到，我都要行快兩步追番時間轉鐵，後來成日轉卡佬，少則個個星期轉，試過兩日轉卡佬，以前行車時間預算到，宜家行車時間表現都唔穩定，你叫我點預時間？
搭鐵？我搭得986，都係想轉少一兩次車上上落落，唔係我揀黎托呀？我就唔想咁轉喇，唔知咁樣回應啲站友，有冇搭鐵咁轉(鑽石山、油塘、鰂魚涌三次轉)，如果冇就唔好咁講野喇
第二，我話既差3分鐘，你地話我講到好嚴重，我就可以話你知，我都試過因為呢3分鐘，避開左西隧口車多/塞車，叫稍稍唔好碌車碌到咁慢，就可以避到個情況，係咪真係咁難？我只可以講我係乘客我唔識，但以前開線後都做到，點解宜家轉卡佬就做唔到？
咩為求精準至秒為單位就唔好揀地面交通工具？搭鐵送車尾都係咁？一班車早繁都係兩分鐘，我就可以話你知，我同事同我一齊鰂魚涌搭鐵，佢遲我一班車(我地WhatsApp傾緊知道)，大家到柴灣落車返公司，變左相差10分鐘，一班兩分鐘之間既車，變最後相差10分鐘，呢啲大家試過未？
第三，有站友講咩搭早一班車係我自由、弱者投訴、自己預時間早出門口、話我好meng 時間先返到公司、車程比個人認知慢8%就喊打喊殺、行張床比啲人公司訓果啲，喂阿哥，香港地邊個唔想用最短時間，訓到多啲時間先返工？
我唔知呢度有幾多係返工，定係仲讀緊書，就算返工係咪返柴灣呢邊，如果冇試過咁既車程，就唔好咁講野。仲有，我發現有站友連班次都要check先知早一班，咁即係唔係常客啦，唔係常客就唔好咁講說話啦。但都多謝部份站友既建議，我宜家試緊搭鐵轉118，最快一個鐘車程搞掂，早左返到公司食早餐，亦唔係一定全程地底囉。
唔好意思得罪哂，多言了🙏
本帖最後由 lsc04d11 於 2024-4-12 10:34 編輯
唔常客就唔可以講野 咁。。。接你投訴嘅職員相信都唔係986常客 佢都應該冇權講野。。。。 仲有呀，討論區唔好咁多人去討論乜嘢坑口直出喇，因為佢哋都應該唔係嗰堆線嘅常客
3分鐘避到好多野 我搭252X都明。
以前做到宜家做唔到就要投訴? 咁環境因素都變左啦，再加上西隧喺三隧分流後已經大把人話路面情況已不同，仲諗住同以前一樣?以前我搭252X都係貪少客(相對）,宜家多左客，我咪放棄囉
lsc04d11 發表於 2024-4-12 10:31
唔常客就唔可以講野 咁。。。接你投訴嘅職員相信都唔係986常客 佢都應該冇權講野。。。。 3分鐘避到好多 ...
咁所以宜家我用其他站友建議，試其他方法，但我意思係講說話咁駛咁樣既
sbleon2002 發表於 2024-4-12 10:34
咁所以宜家我用其他站友建議，試其他方法，但我意思係講說話咁駛咁樣既
...
咁iTalk從來都唔係圍爐嘅地方
除非好識講野、包裝，否則有唔同意見實屬正常
不過你假如係想搵替代，喺A19問會比較好
但老實講無論搭咩車，如果份工要打卡，本身都無得避免要預多啲時間 (好似你而家咁買早餐係個辦法，但個人睇法係無乜事要夠時間喺間餐廳食埋份餐先至算鬆動)
如果返工個過程辛苦到可以出篇咁嘅長文，真心建議考慮轉工，或者早日全職炒股財自