巴士公司不應再是巴士駕駛執照的搖籃？
大家好，小弟希望藉著呢篇文章同大家探討下巴士公司招聘既弊端。首先，小弟參考左運輸署嘅資料年報同月報做左粗略既分析。
發現巴士公司呢幾年既考牌及格率唔再好似以往咁彪炳，甚至係2023年有低見只有52%及格既月份；而年內既分月及格率更加係每況愈下。2023年總計及格率只有約62%，雖然仲係明顯高過係其他渠道進行考試，但相信仍屬有紀錄以來歷史新低。
上表顯示2023年以月計專營巴士考牌及格率 （資料來源：運輸署 - 2023年交通運輸資料月報）
上表顯示自2010年*以年計專營巴士考牌及格率 （資料來源：運輸署 - 運輸資料年報）
*2010年前的應考數字過低不宜直接比較
上表顯示2023年各應考公共巴士途徑的考試結果（資料來源：運輸署 - 2023年交通運輸資料月報）
及格率低既其中一個成因或是巴士公司培訓計畫過分倉促及片面。尤其係職位空缺甚多既情況下，公司係學生未精通駕駛技術就比佢去考試根本係派佢去送頭。就算有志成為服務業既車長，就算係有數年駕駛經驗既司機，就算係食完揈頭丸去考都未必可以係有限既操練下一次過關。及格率低或許係巴士公司政策使然。
另外一個原因有機會係巴士公司面試時未有審慎揀選合適於擔當駕駛巴士工作既求職者。畢竟翻工不是翻學，請得同事翻工就係要負責駕駛巴士做巴士車長而唔係學習駕駛巴士。有求職者求職時既心態可能唔係去工作而係去學習；求職者不應該係因為想考到牌而向巴士公司求職，而係應該因為要成為巴士車長而求職。有求職者睇準巴士公司考牌及格率非常高就認為巴士公司係免費可以攞到牌既地方。人手不足係一件事，但係能否聘請到合適工作既人選係另一件事，巴士公司亦可能因人手甚為短缺而未全面做好面試把關工作。濫收求職人士，導致巴士公司變成另一個學堂（駕駛學院），令有求職者考完牌只做一年甚至考完牌賠錢即走既情況時有發生。
喺巴士公司考巴士執照現時係使用自動波車輛，已經唔使兩次離合器操作轉波，同埋推果支成日唔知佢有冇入啱波又緊到要用埋背肌先推得郁既波棍，可以話係掃除咗一大障礙。喺工作環境下同有一部比較容易操作嘅巴士既情況下考試都只有約六成及格率應該算係強差人意。
求職者考牌都係要錢同人力既。雖然人手的確係要由招聘和訓練得來的，但不代表資源可以因招聘及訓練政策不合適而被浪費。巴士公司既資源不知不覺就因考牌及格率低而被浪費，齋講2023年就有多達569人係巴士公司安排既駕駛考試肥佬，以成本價3000元訓練一名準車長黎計，今年浪費左既金錢係以百萬元計；以最低訓練時數18小時計，今年浪費左既工時達萬小時。適當既資源亦無法有效放在對的位置例如係前線同事既人工到同駕駛人手 上。
喺巴士公司需要開源節流及招聘人手既大前提下，高層們需要著手整頓招聘巴士車長的程序及取態。應更小心處理沒有巴士駕駛執照的求職者，不應再大力宣傳入職即可幫助考牌的概念，而應投放更多資源於嘗試更大膽及更吸引地招攬已取得巴士駕駛執照的人士，正在其他巴士公司工作的人士甚至係以往喺公司駕駛巴士既離職人士。例如九巴現時設有的$6000巴士牌獎金簡直係敷衍且不具吸引力，宜家街考個10號牌成本都要最少$7500，包括運輸署職前課程、牌照申請及路票等費用。可能公司覺得個巴士牌只係值$6000掛，但係訓練有執照既求職者往往比訓練沒有駕駛執照既求職者簡單而便宜，公司認為不合適的求職者可以直接解職而唔會造成過多浪費。適當而有效既招聘策略先可以令更多人投奔巴士公司工作，同埋調撥足夠同令人滿意的資源去前線。
簡單翻譯：想揸巴士就自己先貼錢打工
樓主假如已經有巴士牌又任職香港任何一間專利巴士公司，相信會更有說服力 本帖最後由 JC1464 於 2024-4-17 22:31 編輯
巴士公司寧願請個白紙聽教聽話。
而家專利巴士咁多規矩check你超速呢樣嗰樣，郁啲就收投訴，揸慣出面邊個肯入嚟做。
請個本身有牌嘅話咁易就請到咩，咁易請就唔使改做一年私家車牌就可以入去考巴士牌啦
早排先話直通巴高薪挖角，以專營巴士個 cost structure 根本唔會出到嗰個人工 如果專營巴士公司唔維持現時做法，會少左人考巴士牌，無助職業司機嘅pool保持增長。 最好要學返當年入職中巴九巴，如1，2牌入職必須先付所需數目的駕駛考試錢比巴士公司先！同埋學車其間冇薪金比學員。要合格真正操車操線才發放薪金，同埋做滿1年後才可退返考試錢比有關新入職員工！ 本帖最後由 kitarolo 於 2024-4-18 07:28 編輯
小巴不曾做「搖籃」角色
結果呢? 輸入人員、考牌期間
仲要提供住宿! 假設一次合格與
往後安全水準都滿意,成本亦很高
專利巴士距離呢一日,唔會好遠
以其規模、與決策者商議嘅牙力
或提供有關配套,載/城/嶼都唔難 其實最好個幾年都係得約1000人合格
要推高合格人數自然就係多人考
多人考間接多人肥佬都係正常結果
揾個有質既人返黎考有無咁易 ma2 發表於 2024-4-18 06:55
最好要學返當年入職中巴九巴，如1，2牌入職必須先付所需數目的駕駛考試錢比巴士公司先！同埋學車其間冇薪金 ...
而家已經係未做夠一年要俾返學車錢。
成個概念根本上越轉錯晒，喺巴士公司立場，更加應該大力招聘未有巴士駕駛執照人士入職，相比起要用較高人工請有巴士牌嘅，更加符合成本效益，而且因為有合約在身，流失率相對會較低