Heha_ChRis 發表於 2024-7-9 17:43
富蝶方唔方便, 你自己去睇下, 唔好信我
雖然我步行去富善K17要用20分鐘, 我落富亨要15分鐘,
大埔超級城都唔知係邊，仲話自己住大埔….
堅定流呀
Heha_ChRis 發表於 2024-7-9 17:43
富蝶方唔方便, 你自己去睇下, 唔好信我
雖然我步行去富善K17要用20分鐘, 我落富亨要15分鐘,
唔知邊個商場？我真係越嚟越懷疑你係住咗40日大埔定40年大埔
如果新興落就上橋，轉右過橋，落去下面就係大百佳（aka 大埔超級城D區），過馬路係大電視（aka 大埔超級城C區），過多條馬路就係大埔廣場，沿路行到尾已經係馬會
如果吉之島/一田落就上一田橋，係大埔超級城B區，過條橋係超級城A區，轉右行到譚仔落下層已經係漢城藥房，已經見到你最憎最想佢搬走嘅307
方法1大約要5-7分鐘，方法2就都係5分鐘內；行落富亨搭巴士要15分鐘係你行得慢，我已經試過3次，都係大約8分鐘到，15分鐘已經夠行到去迦密柏雨，再行快啲已經到大中總站添
至於你話要打散大埔中心個站啲車，姐係代表你都同意大埔中心多車啦？
況且因為咁而改走條線真係幾過癮，307後面71K/74K嗰個位成個站位俾人上落車都要格硬改走條線
天空之神 發表於 2024-7-9 17:51
大埔超級城都唔知係邊，仲話自己住大埔….
堅定流呀
人哋可能住咗40日化蝶邨就話自己係大埔40年居民;P
定還是人哋腦退化記返細個大埔未填海未發展嗰陣;P
本帖最後由 Peter03145212 於 2024-7-9 18:07 編輯
睇你哋嘈咗咁耐，個重點應該係有位化蝶版友幾個月入嚟呢個壇申訴，想72K入大中，為咗72K入大中，夾硬去改現有大中嘅線，咁我想問大中班客唔係客，諗深一層改咗分分鐘好大影響，為咗一條自己邨嘅線，走去夾硬改人哋嘅線，我真係唔知亦都唔識點去形容呢啲人
Peter03145212 發表於 2024-7-9 18:06
睇你哋嘈咗咁耐，個重點應該係有位化蝶版友幾個月入嚟呢個壇申訴，想72K入大中，為咗72K入大中，夾硬去改現 ...
未入伙之前成個大埔已經話呢條邨會係大埔寄生蟲，所以先祝佢哋化蝶咋嘛
製造地區對立，凱婷難辭其咎
sunhoo 發表於 2024-7-9 18:23
製造地區對立，凱婷難辭其咎
要唔要出動平機會，禁止 “區內歧視” ?
Waiyin12 發表於 2024-7-9 21:05
要唔要出動平機會，禁止 “區內歧視” ?
天水圍南北對立，坑口寶琳之爭，大埔vs白石角世仇，全部都係凱婷一手造成，凱婷係無可辯駁嘅罪魁禍首。
sunhoo 發表於 2024-7-9 22:32
天水圍南北對立，坑口寶琳之爭，大埔vs白石角世仇，全部都係凱婷一手造成，凱婷係無可辯駁嘅罪魁禍首。
...
天南本身早發展早佔先機兼出入必經之路，而天北少資源但堀頭路兼欠商業化，本身格局就係咁
坑口寶林除咗大帝之外都冇乜好爭
只得大埔強行分享資拖慢先係問題
屯門線都唔會強行拉線落下路
70X都收埋皮
白石角呢堆真係逆操作，可能真係嫌大埔中心直出廣福實在太快
ccchhhuuunnn 發表於 2024-7-9 15:17
天南本身早發展早佔先機兼出入必經之路，而天北少資源但堀頭路兼欠商業化，本身格局就係咁
坑口寶林除咗 ...
白石角 正確做法應該係用大埔市新區或外圍邨去連埋，咁就大家都順氣少少。下下都仲用返簿中經廣福出白石角點會有客啊