倫敦 SUPERLOOP
相片由Alan提供跟一張黎緊可能會縮短嘅SL7 s3n370 發表於 2024-7-19 05:13
跟一張黎緊可能會縮短嘅SL7
唔講唔知 SL7 可能會縮去 Sutton，唔知到時會唔會仲係全 TfL 最長巴士線？
二月去英國旅遊果陣，最後一晚同朋友喺 Sutton 食完飯坐 SL7 返 Heathrow 附近酒店（實際係坐落 Hatton Cross 再轉 285），感覺沿路無乜站但都行左幾耐下，同埋部車比起我坐過其他 TfL 巴士都要殘。下層幾乎全行李架，但果晚發神經完全無影相。之後再上網搵資料，先知道 Superloop 尤其是 SL7 係咩來頭⋯
本帖最後由 s3n370 於 2024-7-20 00:05 編輯
S3BL100 發表於 2024-7-19 13:49
唔講唔知 SL7 可能會縮去 Sutton，唔知到時會唔會仲係全 TfL 最長巴士線？
二月去英國旅遊果陣，最後一 ...
呢個網頁嘅網主响三年前問過TfL索取巴士線嘅資料，
並列出TfL頭20長嘅路線。
https://diamondgeezer.blogspot.com/2021/06/londons-longestshortestfastestslowest.html?m=1
個人剩係遇過其中10條，亦無留意其他區嘅變動，估計變動不大。
之前流出嘅Superloop 2大計入面，縮短嘅Sutton到West Croydon一段長約六英里。
假若縮短成事，縮短後嘅SL7將唔再係倫敦（範圍內）最長嘅巴士線，
但仍然穩坐最長日間路線嘅寶座。
（註：第二及第三位嘅日間路線，有一段路離開佐Greater London範圍，
入佐隔離嘅Surrey。而個人估唔到111竟然排第四）
睇番你响鐵路版嘅分享，估計你搭果陣只係慢轆而無乜塞。
咁係非戰之罪---
SL7由Sutton去到Hatton Cross接近十五英里，呢段路大半限速得20mph，
係得Cheam - Worcester Park同埋Faltham - Hatton Cross兩段加埋唔夠5英里嘅路可以開30mph，
揸車跟合法車速都快唔到。
事實上如果唔兜遠路跑M25，全條SL7己經係近乎的士走線。
（而呢段M25出哂名繁忙易爆鑊，全程跟SL7條路慢轆好多時只係輸個馬鼻）
响日間搭就係另一回事---交通繁忙又唔多巴士專線，
塞車又加得巴士線嘅位都已經加哂。
而個人認為條SL7有D難搞---一方面縮短的確有助穩定班次，
皆因响早繁同中午都有表列由Wallington Green及New Malden起載去Heathrow嘅班次。
而實際因交通情況臨時整嘅中途起載同turn short嘅班次無日無之。
塞車路段亦無乜空間再加巴士線。
個人甚至懷疑背後嘅hidden agenda係，官方數字都顯示佐SL7嘅成績實在亮麗，
亮麗到有理由相信SL7嘅成功係引發modal shift，而唔係靠其他巴士客過檔。
而唔縮短就可以唔駛再改行李架車下加班。
個人本身就常搭X26，變SL7後搭得更多，
甚至經常搵佢黎轉其他交通工具，
包括另一條“倫敦最長嘅路線”（唔係排第二果條，而係724）。
而改組嘅卡關位在於
1. 擬延長替補Sutton到West Croydon一段嘅SL5，
因為高度限制用緊單層，改組後應該唔夠載。
2. Sutton - Croydon一段路嘅交通，對比起鄰近條件相若嘅區域都差一截，
講緊連通宵車都無架。
開SL線嘅其中一個目的係鼓勵居民揸少D車，俾架無咁有用甚至未必夠載嘅SL5，
好有可能defeat佐鼓勵揸少D車呢個目的。
睇番歷史，長度排第18嘅455早前被肢解後，繼而被其他路線瓜分。
同區排第13長嘅Sutton - Croydon - Caterham嘅407，
响同一個計劃內打算响Croydon斬斷變兩條線，
最終經諮詢後維持一線走天涯。
係計劃內少數經諮詢後維持原狀嘅路線。
甚至SL7嘅前身X26嘅再前身726，本來係客量低到要殺，但係最終獲保留並得以轉型。 本帖最後由 S3BL100 於 2024-7-20 22:42 編輯
s3n370 發表於 2024-7-20 07:46
呢個網頁嘅網主响三年前問過TfL索取巴士線嘅資料，
並列出TfL頭20長嘅路線。
https://diamondgeezer.blogs ...
多謝分享，估唔到原來 SL7 做到咁好成績，成功改變居民出行習慣。咁就好可能真係唔改好過改
咁講其實我果晚雖然感覺行得慢，覺得自己好似喺香港坐緊 74A 甚至 53 一類線，但實際已經比平均快好多。我肯定由 Sutton 去到 Hatton Cross 坐左唔到一粒鐘，因為當晚係可以畀我落車後拍同一張卡轉一分鐘之後到站果架 285 返酒店，唔使額外畀錢。時間無記錯應該係平日夜晚九點幾十點，全程部車座上客得十幾個
望返 TfL 網站，Sutton 去 Hatton Cross 非繁平時都要行 64 分
其實師兄帶出左好有趣一件事，就係 Greater London 本身要去到好出面先搵到 motorways，客觀條件亦唔可能喺已發展地區亂起，唔似香港可以開咁多行公路特快巴士線慳時間，變左好似 Superloop 呢類特快巴士線都要行返舊路慢慢塞但唔停站或者只停大站。倫敦北面鐵路網絡比較發達，想快捷往來兩個點都好少少。但南面更依賴巴士，變左點樣搭車都會係慢，揸車亦唔見得快，如果出發地同目的地都唔係 Zone 1 就更加
但如果平行時空入面可以喺 M25 入面再起多條 ring motorway，雖然對縮短行程時間可能有幫助，但對車流量同碳排放肯定係災難
似乎 Superloop 已經係無辦法之中既辦法
不過 TfL buses 全部劃一收 1.75 鎊，兼且可以 60 分鐘內任轉，重組要諗既野似乎已經少過香港好多
S3BL100 發表於 2024-7-20 22:40
但如果平行時空入面可以喺 M25 入面再起多條 ring motorway，雖然對縮短行程時間可能有幫助，但對車流量同碳排放肯定係災難
有種solution叫做bus-only highway
S3BL100 發表於 2024-7-20 14:40
多謝分享，估唔到原來 SL7 做到咁好成績，成功改變居民出行習慣。咁就好可能真係唔改好過改
咁講其實我果 ...
設想半世紀前嘅Ringway proposal起得成，我估落成初期幫到手，
但係捱到今日未必好得過而家。
除佐道路網好佐更吸引大眾揸車外，當局一定容許更高嘅發展密度，
交通需求亦隨之提高。
當然高嘅發展密度係有利集體運輸，
之不過Greater London大部分地區都係低密度發展，
並响汽車普及前甚至一、二次大戰前已經成型。
汽車嘅增長效應該會大D。
第一代Superloop解決穿梭外圍慢嘅問題。
而意外地流出/煞停公眾諮詢嘅第二期，似乎更側重提速去慳車及提升可靠程度。
始終往返town centre嘅道路日益繁忙，行車時間長佐亦唔可能齋靠加人加車解決。
小弟上文提嘅重組，其實都唔係客量低迷，而係藉重組提升可靠性 sunhoo 發表於 2024-7-22 03:49
有種solution叫做bus-only highway
如果有咁嘅流量，咁嘅預算同咁嘅空間，當局應該會諗輕鐵。
輕鐵做到站站停都快過limited stop巴士，對揸開車嘅吸引力更大。
而D巴士又可以調去更遠離鐵路嘅地方。 s3n370 發表於 2024-7-22 19:29
如果有咁嘅流量，咁嘅預算同咁嘅空間，當局應該會諗輕鐵。
輕鐵做到站站停都快過limited stop巴士，對揸 ...
LRT適合絕大多數發展都在條corridor之上嘅scenerio，而巴士適合有必要將網絡散開嘅scenerio。