sunhoo 發表於 2024-8-26 13:56
應該炒嗮凱婷果班traffic engineer。如果無高層主動負責，就申訴專員見。
如果你覺得咁樣都會有人負責，你實在太過天真，佢哋坐得穩陣過你
sunhoo 發表於 2024-8-26 13:56
應該炒嗮凱婷果班traffic engineer。如果無高層主動負責，就申訴專員見。
唔會炒嫁，份野係由第三方顧問公司做，
而次次叫人做既 Trafic Vol Study 都 100% 中伏。
sunhoo 發表於 2024-8-26 13:56
應該炒嗮凱婷果班traffic engineer。如果無高層主動負責，就申訴專員見。
少年，你太年輕了
rheneaschoi 發表於 2024-8-26 13:43
結果: 大塞車
雖然未去現場睇過, 在取消迴旋處後, 開源道盡頭可以去三個方向計, 其實係需要三條行車線應付, 因為以往入迴旋處只得左轉同靠右, 兩線就能夠應付晒三個方向.
觀塘碼頭巴士及小巴出站, 從以往要入迴旋處, 變成直接轉出宏利, 在偉業街東行塞車時才有捷徑效果, 但非塞車時就會變成偉業街東行塞車元兇, 因為呢度一個新路口, 後面不遠已經係開源道, 燈號係咪配合車流成為一大關鍵.
當早繁巴士到達碼頭後私走, 會由以往巴士站直接左轉出去偉業街西行, 改為經通道離開, 但通道入面需要同時應付巴士入站同出站(不論載客或私牌), 通道內累積雙方向巴士要清得切, 就要加長離站出偉業街的燈號, 不過就要犧牲偉業街來回方向車輛通行時間.
如果唔理客量增長, 純粹以行車時間的影響去睇, 40荃灣方向係好應該改番入碼頭, 睇番塞車情況, 行碼頭通道影響人地多過巴士自身, 意思即係對巴士有利.
照咁估計, 情況同觀塘市中心改康寧道行車方向, 同時更改燈號次序同行人過路設施配置一樣混亂, 死因都係短短一段路, 路口多咗造成.
sunhoo 發表於 2024-8-26 13:56
應該炒嗮凱婷果班traffic engineer。如果無高層主動負責，就申訴專員見。
繼會展站後又一自轉塞死傑作
EvilKo 發表於 2024-8-26 16:38
繼會展站後又一自轉塞死傑作
極度懷疑背後有保鐵陰謀
Toz 發表於 2024-8-25 21:12
講開又講， 以前觀塘碼頭係咪試過可以靠宏利果邊通道直接轉右去敬業街？
（已confirm 2003年時果條通道已 ...
以前係偉業街茶果嶺方向喺呢個路口右轉入總站
dennis28a 發表於 2024-8-26 14:21
唔會炒嫁，份野係由第三方顧問公司做，
而次次叫人做既 Trafic Vol Study 都 100% 中伏。 ...
第三方顧問又咪係聽運吉枝笛
你試吓話佢咁樣畫有問題丫
剛才18:13落北角船行返入觀塘, 果然不出所料, 塞死咗, 連平時車都唔多架嘅偉業街西行都塞埋一份, 所以一出到振萬見到269S, 你大概估到, 由碼頭總站駛到出嚟要用幾耐.
開線至今第一次見269S, 因為尾班開18:00, 平時冇可能見到, 頭先架車18:15先啱啱轉出偉業街, 但被入碼頭通道的巴士頂住, 皆因條巴士通道如我上面所講, 去唔切咁龐大的巴士流量.
同時仲有一架80 11D 23 74E等緊轉出偉業街, 但一轉綠燈只夠三架巴士離開, 你又可以諗吓, 佢用以前宏利行人綠燈得10秒左右時間嚟畀巴士離站, 出到三架已經好叻, 仲要原來出偉業街嘅分支轉左轉右之前係冇分岔, 係到轉嘅一刻先分.:L:L;P
真係唔知好嬲定好笑, 你不如唔好分丫笨!:lol
直到我行入宏利前, 269S仲未過十字路口, 後續唔知點!
另一邊廂, 我橫過新路口去宏利方向前, 23終於轉到出偉業街, 我唔清楚呢班車係咪同269S一樣開6點, 因為兩線泊位相近, 只知道我人行到出翠屏道行人天橋, 架SW5910@23先駛到我腳下, 敬業街排隊上車人龍, 長到我行過咗個站, 仲有十幾個未上, 平時同樣時間應該係有班車走咗10分鐘咁上下.
74E站坑對正碼頭通道應該最著數, 假設呢班係開18:10, 比平時遲咗大約5分鐘到敬業街, 真係好難想像其他路線(舊站位嗰啲)要迫幾耐先出到偉業街, 而開源道出碼頭的巴士小巴又要幾耐先入到總站, 要加幾多車先做到正常班次.
就以上所見, 巴士公司應考慮將268P 269S 258X 259X X89D 16P 55上客站臨時改到駿業街臨時巴士站, 免加劇塞車之餘, 亦避免增加額外行車時間, 上繁74B 80A 16P 55 258X 259X 268P 269S X89D亦應改往敬業街清客, 不應駛入碼頭總站.