s3n370 發表於 2024-9-24 23:37
我幾時話過呢個係室外機？
你不如問下樓上識果個。我都想知如果呢部係室外機，可以點運作？ ...
#9咪講咗係散熱機囉
jpoon 發表於 2024-9-24 15:40
#9咪講咗係散熱機囉
咁你問#9果位仁兄啦。
我就一路認為呢部係無乜熱力嘅fan coil，唔係一般認知嘅室外機。
就算唔係，大型設施嘅冷氣唔係咁玩、要散熱嘅機點會响個散唔到熱嘅位出現？
s3n370 發表於 2024-9-24 23:46
咁你問#9果位仁兄啦。
我就一路認為呢部係無乜熱力嘅fan coil，唔係一般認知嘅室外機。
唔使拗啦
Google大神話係Hitachi冷氣嚟
一樣樣的
本帖最後由 s3n370 於 2024-9-27 06:56 編輯
ccchhhuuunnn 發表於 2024-9-26 20:29
唔使拗啦
Google大神話係Hitachi冷氣嚟
一樣樣的
可摸耳叫Google大神講解埋點解隻室外機要塞落個唔通風嘅死位呢
Google極都係話要放响通風位:dizzy:
s3n370 發表於 2024-9-27 14:41
可摸耳叫Google大神講解埋點解隻室外機要塞落個唔通風嘅死位呢
Google極都係話要放响通風位
Copilot咁講
ccchhhuuunnn 發表於 2024-9-27 07:27
Copilot咁講
同樓上講嘅要點一樣🤷🏻
冷氣佬都話就算係風扇把把一樣條條喉都係一Q樣，
最好睇清楚有冇mark住係D乜，最穩陣就梗係拎份圖望望🤷🏻
本帖最後由 ccchhhuuunnn 於 2024-9-27 18:06 編輯
s3n370 發表於 2024-9-27 14:41
可摸耳叫Google大神講解埋點解隻室外機要塞落個唔通風嘅死位呢
Google極都係話要放响通風位
認真答
大型建築物，特別呢啲新少少嘅鐵路站，假天花上面嘅空間其實非常多。唔通風一般講緊相對密閉空間令熱氣/死氣積聚，而樓主可以輕鬆由地面影出室外機外觀並由Google大神辨認出，證明通風冇受阻。
至於話喺冷氣地方散熱氣，其實不然，大型建築物每層樓底非常高，而冷氣唔會充斥住整個室內，因為非常嘥冷氣，而假天花以上係唔預有人活動所以冇冷氣。以圖中西鐵站大堂為例冷氣出風同入風係裝喺假天花水平位置（例如圖中見隔離回字型嘅出／入風口），然後因為冷空氣向下聚熱空氣向上升嘅原理，冷氣只會喺假天花以下level循環，佢唔係裝喺假天花以下已經算正常設定。當然有冷氣同冇冷氣嘅地方唔係100%各自air tight，大型漏氣位置，例如圖中屯門站F出口，就裝咗風閘；但小型漏氣位置，例如上面提到地面大堂假天花以上無冷氣地方，其實西鐵站大堂同月台之間嘅樓梯中間部份就會同該部份相遇，只係範圍相對少，而且本身兩邊都係室內温差唔算大，未致於有個風閘。
總括嚟講，大型建築物HVAC唔係屋企閂曬門閂曬窗近乎air tight（最多開埋冷氣機換風）然後啪個掣開冷氣，而圖中設定亦唔見得有大問題。（純粹9估）
本帖最後由 s3n370 於 2024-9-27 10:39 編輯
ccchhhuuunnn 發表於 2024-9-27 08:31
認真答
大型建築物，特別呢啲新少少嘅鐵路站，假天花上面嘅空間其實非常多。唔通風一般講緊相對密閉空間 ...
部分同意，如冷氣唔會充斥整個大堂。
問題始終係
1. 熱氣上升但谷响天花始終走唔到，你話兩三層樓底、機場客運大樓咁高就話有排先至傳到落去。
屯門站樓底係高過家居但係仍然算矮，响室內天花下一來谷住佐無咁易走，甚至好易內循環*，就算風閘外就可以落去睇下2.
甚至去到機場客運大樓、朗豪坊咁高開揚都唔會整部室外機响天花。
就算run得掂，部機嘅D聲浪响有蓋位都唔理想。
2. 大站嘅冷凍一般都係規劃好哂，室外機真係擺室外散熱，再用冷水run勻全站。
就算內部間隔點改，只需要改過D喉同室內機位就得。
就算係入面加佐個heat source say server房要額外機組，呢個位拉遠D去到的士站先至係正路做法。
（地底車站隧道會麻煩D，D室外機唔可以太近鐵路通風排煙口。屯門站係地面站問題無咁大添）
3. 天花唔係得冷氣，風火水電有邊範鐘意有個heat source响度？
大部分一熱都無咁襟啦
（*內循環都係順口up，大型空間夠高個temperature gradient夠細傳導唔到落去。
就算熱氣上升，响屋頂擺室外機咪即係加大個temperature gradient，咪一樣要多D冷氣）
本帖最後由 ccchhhuuunnn 於 2024-9-27 22:14 編輯
s3n370 發表於 2024-9-27 18:20
部分同意，如冷氣唔會充斥整個大堂。
問題始終係
講到好大舊好多熱氣咁，但睇返hitachi spec應該係25kW，十匹左右冷氣
如果一個屋企客飯廳要兩匹冷氣，咁呢到大概係5個客飯廳
估計係比商鋪或某啲設備房需要較大冷氣用
至於係咪真係好多熱氣，好視乎自身功率同散熱空間
例如屋企個雪櫃後面同樣有coil散熱，但大家唔會諗因為着咗雪櫃而唔開冷氣
反而屋企開大煮食爐打邊爐等，要同時開冷氣大家會hesitate（但出街食飯就唔怕）
如果呢個case西鐵站大堂假天花以上保守估計可能都有兩米高度，
而成個西鐵站幾百米長幾十米闊，所謂熱氣都可能微不足道
大概等於福島排放核廢水大量稀釋嘅概念
而再上一層月台，雖然本身有冷氣但層與層之間唔係100% heat insulated
只要heat loss快過heat gain冇熱氣積聚就唔會有問題
等同置入式雪櫃，密封啲美觀啲同廚櫃款式一致啲，散熱確實差啲但又存在喺呢個世上
至於駁喉出室外，室外機去到呢個位可能已經同出風位有幾米甚至十幾米距離
要將雪種喉駁到出面的士站，雖然望落去門口可能十米左右直線距離，但沿牆身天花等行就可能十幾二十米以上
加加埋埋可能要二三十米以上雪種喉
記得屋企裝分體條銅喉都唔會太長，一來加錢二來效能減低
而無論室外機要好長銅喉先放到真室外 定而家個setup都係效能減低嘅時候
而家個setup效能減低嘅程度未必多過拉條喉出去
大型購物商場基本上無論商鋪定中庭定通道都有足夠冷氣，但鐵路站大堂月台一般只需要通風弱冷，個別地方要強冷氣而有另一種setup不足為奇。
ccchhhuuunnn 發表於 2024-9-27 12:09
講到好大舊好多熱氣咁，但睇返hitachi spec應該係25kW，十匹左右冷氣
如果一個屋企客飯廳要兩匹冷氣，咁呢 ...
理論無錯但係要考慮scale
第一冷氣，要俾哂車站月台大堂，保守估計無十萬呎都五六萬，
已經唔駛預列車摩打冷氣散熱。一個客廳兩匹頂盡俾二百呎，都有三百個廳咁多。
仲未計呢度樓底高好多同埋人流都高好多。
呢款機就算係只要弱冷，用落個站完全係杯水車薪，
無一百都要幾十部先至掂。
第二雪櫃，雪櫃係好冷凍但係佢隔熱做得好，
耗電同散熱量反而唔高。所以雪櫃可以做隱藏式，室外機唔得。
第三散熱，核廢水係會稀釋，首先要時間而唔係秒速稀釋。
廢水vs大海同室外機vs車站空間個比例差好遠下話。
另外廢水都係排去外界，室外機廢熱排番入自己度喎。
第四系統，家用分體條喉都唔係入雪種而係入水，商用就更加。
機場客運大樓咁大咁闊都搞得掂，車站駛乜怕。
黎到呢度暫時有小結，雖然你同樓上一樣都係認為呢部係室外機，
但係其他人認為龜龜咁做唔啱數甚至係硬膠。
我同你雖然對呢部機係乜嘅睇法都唔同，至少唔認為呢度做緊硬膠野。