s3n370 發表於 2024-9-20 03:26
演唱會一般係夜晚放工時間進場，疊正放工時間人潮。
大型球賽一般係週末日間。
放工+入場兩個人潮加埋都應 ...
啟德呢個情況，以上列條件推論，大部分觀眾都要短時間內搭屯馬線，保守估計會有超過3萬人喺一小時內搭屯馬線
呢度講緊起碼要額外十幾列車，加車規模唔係博覽館嗰隻
臨收車時段先開番繁時（甚至超繁時）班次，仲要日子唔固定
相信唔係做唔到，但要非常well planned囉
而啟德行去鑽石山彩虹，你覺得真係易過Wembley球場行去Wembley Central？
我叫做兩邊都行過，可以答你一定係前者
後者仲要穿過唔少住宅區，真係咁易管理？
sunhoo 發表於 2024-9-20 09:41
GO PARK同郵碼，以巴士爲主係搞得掂嘅，只要班次足，同埋走綫同目的地符合乘客需要。
GO PARK有多樣野要 ...
所以郵碼有幾次上報都係衰響的士度
GO PARK就因為個場本身頹，巴士一兩次有客時吉車走都無咩人講
今次啟德咁大規模
只望管理公司響安排同訓練人手方面唔好跟上面兩個咁
而係盡量俾多啲清楚交通嘅前線人員臨場幫手
另外巴士散場線劃線時都最好學機場咁盡量避開同一地區嘅競爭
唔好似紅館咁有幾條重疊都照開
巴士公司職員少左拉客任務，應該都可以分啲心幫手指導交通
雖則都見識過港鐵停駛嗰陣，仲有人會厚顏無恥咁話人地指示唔清晰
但旅客本身就係好易隔開少少，已經睇唔到或聽唔到佢地應該留意嘅資訊
依方面真係寧願頭一兩次洗多左都唔好慳
天空之神 發表於 2024-9-20 01:38
呢個問題，海外既有經驗梗係無問題
但呢度係香港，每次有盛事都係總有野有問題，仲要單單都大鑊野
咁老貓都會燒鬚、舖王可以俾個仔慢慢輸清光、
幾十年嘅努力血汗建立嘅金融中心，可以幾年變遺址。
而家大家質疑緊先天問題，咪比較番其他類似地方。
就算設計問題，都係體育場入面出事先都未輪到出面。
更何況啟德多人極都係果五萬，D觀眾都係咁黎係咁走，
唔似倒數咁年年响唔同位搞活動。
就算開頭出事都易搵到問題修正。
搞乜都出事嘅，呢度點俾意見，甚至起多十條鐵路車站都一樣會出事啦係咪？
HV7025 發表於 2024-9-20 13:09
啟德呢個情況，以上列條件推論，大部分觀眾都要短時間內搭屯馬線，保守估計會有超過3萬人喺一小時內搭屯 ...
其實50000人，真係還好
最值得參考應該係而家北海道火腿鬥士 Escon field 個散場方法，不輪地理同交通模式都有參考作用
Escon Field 距離北廣島站約2km，散場最高35000人同時走人，有巴士送你去附近的鐵路站/遠少少ge大站，JR加班/臨時停車清客
啟德體育園區本身就預左有高架走廊直接送觀眾啟德/宋皇臺兩個站出入，觀眾腳程已經幫手分開人潮，加上散場時間通常都係非繁忙時間，大多都係6分鐘一部。係紅磡/大圍直接射車加密到3分鐘一班去清客其實唔難。
簡單計之下單方向運力其實已經double up: 每列車最高載2000人 x 12 =24000人，雙向就48000，仲未計正車剩餘運力。
反而係巴士公司要思考一下點樣佈線，一條屯馬轉一次車已經接近KO哂除左港島區/將軍澳大部份人口，兜又無人上釣。要唔要學hk7s 送人去老蘭/尖沙咀下半場就另一個故事。
s3n370 發表於 2024-9-20 14:27
咁老貓都會燒鬚、舖王可以俾個仔慢慢輸清光、
幾十年嘅努力血汗建立嘅金融中心，可以幾年變遺址。
隔離咪有個地方次次都爆鑊
蹂躪碼頭
D201 發表於 2024-9-20 14:36
其實50000人，真係還好
最值得參考應該係而家北海道火腿鬥士 Escon field 個散場方法，不輪地理同交通模 ...
條鐵真係開番繁時班次，載客量就應該應付到
5萬人話多好似唔係好多，但始終香港無咩經驗由單一路線短時間上咁多客
宋王台啟德本身都係民居車站，有逆向人流，實際運作稍有甩漏，對附近民居都已經好大影響，地區議員同居民有擔心係合理
除咗屯馬線要大手加班，轉乘路線都要適量加班，而且呢類活動唔係好似節日／跑馬咁定期，可以連開一星期mirror演講會晚晚多5萬人，對鐵路人手同維修安排都會係挑戰
當紅館已經係兩鐵交匯，得1萬鬆少少人，都開到十幾架散場巴士
啟德規模開3、40架巴士係好合理，亦可以減輕鐵路同民居壓力
屯馬非繁六七分一班肯定窄窄地，應該要臨時加班車。
本帖最後由 s3n370 於 2024-9-20 07:54 編輯
HV7025 發表於 2024-9-20 05:09
啟德呢個情況，以上列條件推論，大部分觀眾都要短時間內搭屯馬線，保守估計會有超過3萬人喺一小時內搭屯 ...
以2019年港鐵提供俾立法會嘅數字，
西鐵繁時單向載客量係每小時56,000人次（6人/米方米）。
換算番做4人/平方米係47,500/人/方向。
要每小時處理30,000人仲要係雙向，就算架車六成滿都應付到。
問題係就算係醜陋舊香港去到夜晚，都無咁嘅客量啦。
番番去溫布萊，你行到去Wembley Central先至係惡夢嘅開始。
你無理由唔知Overground開緊幾多班車每抽幾多卡（都未計每卡車載客量細好多），
條Bakerloo Line大部分嘅車根本連Wembley Central都去唔到架喎。
少到係連列車入面都印埋句野去提醒乘客，而其他線唔會有呢句。
又番去香港，計死數屯馬兩站都搞得掂，唔似溫布萊計哂四線三站都仲差一截。
到時真係要人行去彩虹鑽石山，搵人指引擺定臨時牌真係咁大問題？
不如擔心下未有六幹，散場車海離開啓德會唔會塞死周邊路網好過。
天空之神 發表於 2024-9-20 06:38
隔離咪有個地方次次都爆鑊
蹂躪碼頭
之前泊葵涌貨櫃碼頭，自己安排接送相安無事。
郵輪碼頭不如話根本係旅遊業界自己唔爭氣，錢要賺但連豉油都唔肯出。