體驗新加坡實里達機場之旅：Firefly SZB > XSP
吉隆坡 - 新加坡航線向來都係列入 N 大最繁忙航線之列，航空公司選擇之多，而且有唔同機場選擇（吉隆坡同新加坡都各有兩座機場）搵過同一日出發的最平單程只需 $128 就可以飛到，當中小弟偏好乘搭飛螢航空（Firefly），除咗得佢係派螺旋漿機之外，更加係得佢係飛去實里達機場。
實里達機場（Seletar Airport）係新加坡繼樟宜機場外另一座國際機場，主要服務對象係私人飛機，2018 年重建咗個新客運大樓，亦強迫咗飛螢航空轉用去實里達機場。
今次呢程機票連埋 20 KG 行李單程埋單 $450 左右，未算係最平，而且吉隆坡係用梳邦機場起飛。
梳邦國際機場係舊時的吉隆坡國際機場
新機場落成後就變成次要啲機場，係飛螢航空的樞紐。
客運大樓面積唔大，但都有唔少餐廳便利店同商店
Check in 櫃位就係哂度，需要再過一次安檢先入到去
使用梳邦機場的航空公司唔係好多。
Firefly 定位好似係 LCC，但都會有傳統的硬紙機票。
Check in 完有啲時間行下出去
梳邦機場的公共交通係極度不便
曾經係 2018 年開咗條 Skypark Line 的 KTM 火車，可以直達吉隆坡市中心
不過就因為客量偏低而係 2023 年停駛
如今火車站建築仍然荒廢緊。
雖然機場外面有 772 線巴士去到吉隆坡市中心
不過無定向的班次同埋站站停的旅程 ... 起碼要坐個半鐘
自己都係 Call Grab 過去，係吉隆坡 call 車唔係好貴，唔好慳呢啲
機場 2 樓有寫住「觀景台」的地方
實際上係隔住玻璃望出去
梳邦機場都有 Scoot 飛去新加坡
機場航班數量唔多
國際線更加係寥寥可數
入咗禁區後，國際線閘口就只得三個，非常之夠用
梳邦機場的國際線主要都係飛去新加坡同埋印尼。
禁區內店舖完全欠奉，只得一部 Family Mart 的販賣機
不過就唔係賣自家的飯團三文治
只係賣普通的零食。
登機閘口
留意返佢地只係寫 Seletar，冇提及 Singapore
之後就行出去上機
螺旋漿機自己只係搭過 Dash-8
ATR72 都係第一次搭
原來係從機尾上去
難怪揀位果時發現前面冇人坐 ;P
日期：10-10-2024
航班：FY3130 Sultan Abdul Aziz Shah Airport (SZB)> Seletar Airport (XSP)
預計起飛時間：14:40 (UTC+8)
預計降落時間：16:05 (UTC+8)
機型：ATR72-500 (9M-FTG)
座位：3F
揀咗最前面的 3F 位
窗外極度污糟
安全卡
無耐就起飛
短短的機程都有派支水 + 曲奇同花生
廁所位於機尾，空間峽窄只足夠一人原地轉身
準備降落新加坡
到達實里達機場
沿路都只見到私人飛機
落地後都係要自己行返入客運大樓
入境設施清一色都係自助機
唔使 1 分鐘就搞掂（BNO都用得），唔使排隊
攞行李的運輸帶就只得一條
攞完行李後就參觀下實里達機場的客運大樓
入面唔係好大，新落成的佢亦有點樟宜機場的設計味道
Check in 櫃位就只得咁多
Check 完 in 後轉右就可以入去禁區
一眼望埋登機的位置 ;P
大部分落機後都係坐 Grab／行去停車場攞車
自己就行出去搭巴士走
係巴士站望返去機場客運大樓
實里達機場只得一條 102 巴士線
途經盛港去到后港中
班次頻密（10分鐘班）
坐 20 分鐘去到盛港之後就可以轉搭地鐵東北綫去到市區
今次呢個旅程可以試到一直都想試的實里達機場
又可以益下 ATR 飛機
雖然兩邊機場去市區都未算方便
價錢都未有好大優勢
不過人少過關快都可以追返啲時間
謝謝點閱 多謝分享。上兩個 weekend 飛 SIN-KUL 都差少少諗過坐 Firefly SZB-XSP 益下 ATR-72，但一來價錢有明顯差距，二來 SZB 同 XSP 真心唔方便，尤其是帶住老人家，見到 XSP 出巿區條鐵路無開已經投降
之後離開吉隆坡果陣都有諗過經 XSP 走，坐 ATR-72，但一來價錢爭成倍，二來酒店喺正火車站上面，結果走左去坐火車:L（未出 report）
SZB 我好細過去過（當年新KLIA 仲未開）仲記得飛SiN shuttle flight 有自己terminal, 勁細但勁快入境 Firefly 呢條線係我wish list 之一，XSP 感覺夠神秘 成日覺得新加坡咁細地方可以有咁多個機場呢件事好神奇
不過去過新加坡旅行會感覺呢個地方比實際面積大，明明數字上細過香港但唔知點解硬係覺得搭車去唔同景點都要用唔少時間 clivetock 發表於 2024-10-28 20:37
成日覺得新加坡咁細地方可以有咁多個機場呢件事好神奇
不過去過新加坡旅行會感覺呢個地方比實際面積大，明 ...
因為新加坡車速限制嚴過香港，超速罸則又重過香港，冇乜司機會違例
新加坡巴士線又係左兜右兜
clivetock 發表於 2024-10-28 20:37
成日覺得新加坡咁細地方可以有咁多個機場呢件事好神奇
不過去過新加坡旅行會感覺呢個地方比實際面積大，明 ...
一嚟新加坡實用面積大
二嚟作為一個獨立國家需要防衛自身，有條件嘅話留多幾個機場都冇壞，同埋其實好多城市都有幾個機場，除咗呢篇嘅KL同SG，仲有臺北 大阪 首爾 墨爾本等等
如果大家唔介意本人重複嘅話, 有一條問題想煩請大家解答: 有無人知道點解會無螺旋槳客機執飛來往香港嘅航班呢? SPkent 發表於 2024-10-28 20:50
因為新加坡車速限制嚴過香港，超速罸則又重過香港，冇乜司機會違例
新加坡巴士線又係左兜右兜
...
可唔可以咁講, 香港嘅巴士服務就算"退步"到俾巴士討論分區嘅版友狂插都好, 至少仲有一方面係亞洲甚至全世界嘅城市巴士網絡絕無僅有: 跨區特快巴士路線嘅數量同頻密程度近乎無敵? ECBuzz 發表於 2024-10-29 08:31
如果大家唔介意本人重複嘅話, 有一條問題想煩請大家解答: 有無人知道點解會無螺旋槳客機執飛來往香港嘅航班 ...
點會冇，國泰以前都有大把螺旋槳客機:handshake
不過相信而家同冇支線客機飛香港嘅原因一樣，機場費用 又加價 發表於 2024-10-29 11:27
點會冇，國泰以前都有大把螺旋槳客機
不過相信而家同冇支線客機飛香港嘅原因一樣，機場費用 ...
因此飛香港嘅航班用機細極都係B737/A320 family (除咗KE嘅A220)?