其實討論國標有乜意義？
講R&D同生產線，出口去歐美澳洲想點訂製就點訂製
再講輕鐵個規模一啲都唔細，有心點會訂製唔到？海外定內地廠商都係咁話
到頭來只係講緊氫鐵依個business model work 唔work 咁解
slsso 發表於 2025-1-9 15:47
其實討論國標有乜意義？
講R&D同生產線，出口去歐美澳洲想點訂製就點訂製
珍呀，有錢就乜都做到
但宜家人人心繫家國，龜龜又講緊發債先可以夠錢做upgrade
你仲想搵西洋鬼子幫你做？
Danny.lin 發表於 2025-1-9 15:25
輕鐵車輛數據參考
長度：20,200mm
我想 GB/T 40075-2021 只是針對 GB/T 23431-2009 中有關C-II輕軌嘅部分進行補充和延伸，
原因可能係因為2016年~2019年左右，大批國內城市興起建造有軌電車嘅熱潮，而且絕大部分都係用C-II(D)輕軌標準去砌。
成件事其實有點諷刺——這些起電車嘅地方，有一部分原本係想起地鐵，
但因政策收緊而未能獲批；而與此同時對起電車嘅審批較寬鬆，所以有位走盞。
最經典莫過於花名“心絞痛”嘅佛山南海有軌電車，起到成條地鐵線咁——
全線獨立高架or落地底，兼有同地鐵線做不出閘轉乘;P
（後來新冠疫情令需求放緩，加上當局進一步收緊審批，搞電車嘅地方已經少咗好多，甚至要拆......）
至於C-I型輕軌，因為無進一步嘅定義延伸，只係跟 GB/T 23431-2009 嘅定義去睇較合適。
但係會好快發現有啲唔啱：例如上海地鐵5、6號線嘅4C列車，每列一共可以載客1160人。
除返即係每卡車可以裝290人，已經爆曬GB/T 23431-2009 中，C-I型車核定載客不超過160人嘅標準。
而完全符合C-I(G)型輕軌標準嘅，可能就只有位於長春嘅兩條“古董電車”：G54和G55。
再睇返輕鐵，只係比C-I(G)標準長小小、載客量爆小小——據說所有輕鐵單卡車的實際載客量，都不超過200人。
只係C-I(G)在國內確實太過“少數民族”，而輕鐵要在此基礎上做進一步嘅定制——
尺寸反而係小問題，信號系統先至大鑊；也莫怪中車任何廠房都不太願意“發大黎搞”......
其實大家會唔諗錯方向呢 版友既路面龜殼消息我就做唔到。但係聽聞呢係入氣果到出事，如果有氫車要入氣，成間廠既天線要收皮。做 check放氫又係成氣天線收皮。配合唔到，除非多間廠先有調件諗下
tt777 發表於 2024-12-22 14:08
輕鐵注定唔會再擴展，港鐵亦唔想再搞一大堆類似751/610呢D長途輕鐵，所以之前先想cut 614/615，長途輕鐵對 ...
點解輕鐵注定唔會再擴展？
cky 發表於 2024-12-24 23:16
唔會可能
讀返少少鐵路歷史和世界歷史
就知統一路軌闊度會引發乜嘢危機
可以講下嗎？
petershum0711 發表於 2025-2-9 10:00
可以講下嗎？
外國軍隊可以一車車衝入國境
cruisesnet 發表於 2025-2-9 10:15
外國軍隊可以一車車衝入國境
以前講高鐵起入九龍單嘢都已經提過其軍事用途
cky 發表於 2025-2-9 22:10
以前講高鐵起入九龍單嘢都已經提過其軍事用途
其實果時聽呢D真係笑鬼死，唔計香港用海運或公路都非常方便，咁大條東鐵係度，點會用高鐵，貪高鐵無得隨時落貨兼容易比人封死？一話怕打仗時阻住香港人返工？:L
Toz 發表於 2025-2-21 13:45
其實果時聽呢D真係笑鬼死，唔計香港用海運或公路都非常方便，咁大條東鐵係度，點會用高鐵，貪高鐵無得隨時 ...
因為沿用蘇式軍事想法
同埋唔係對付外國
只係假設香港出現類似布拉格之春的民主化運動等
不受控的情況
可以利用高鐵可以高速調動軍隊
台灣軍方有研究過中國高鐵的軍事用途：(用VPN才能進入)
中共鐵路建設之國防軍事用途研究
而且首批部隊唔洗帶重型武器
所以無落貨需要
最近例子有安托諾夫機場爭奪戰