s3n370 發表於 2025-1-18 01:19
呢個迴旋處嘅主車流正正係新田公路右轉入元朗，及元朗公路右轉入錦田。
去到呢兩個出口咁劃，先至啱哂主車 ...
唔係囉，自從屯赤通車後，好多市中心、Yoho一帶嘅車都會用博愛經十八鄉支路上元朗公路。
而家佢咁畫法，反而只會重複十八鄉螺旋處大棠出口個問題
s3n370 發表於 2025-1-17 23:51
得罪都要講句，“咩野外圈L根本亂咁安個名比人”呢句真係恕難認同。
相比起外地，外地好少見司機用死外圈 ...
因為大吉利事係迴旋處內線出出口（講緊6點入，3點出嘅情況下) 同外圈車撞咗出意外，去到法庭時，會被認為內圈出出口係切線，要避免同外線車碰撞。
無理到內圈出出口嘅觀點。即係外圈係有權不斷兜圈搵食。
而運輸署本道路使用者守則關於使用迴旋處個part就只係指引，唔係法例。
咁耐咗之後，大部分駕駛者都會淨係用外圈，因為撞咗係收錢嘛。
所以應該全部迴旋處都改做螺旋處先可以提高道路容量，同提供法律觀點畀內圈嘅車出出口。
非專業Ref: https://www.facebook.com/share/p/15hQLaRUak/業化
arthur 發表於 2025-1-18 11:31
因為大吉利事係迴旋處內線出出口（講緊6點入，3點出嘅情況下) 同外圈車撞咗出意外，去到法庭時，會被認為 ...
無錯，長官按線位去告老不，咁保障自己角度下，迴旋處行外線係舒適又穩陣。
改晒螺旋處呢個建議其實贊成，不過要加入埋外圈出口劃實線，如果唔係就會出現將軍澳巴士多次6點行外圈出12點位，但比6點入，9點出嘅車撞，迫唔係第一個出口出嘅行晒內圈。(不過12.8米車、40呎貨櫃夠唔夠扭就...)
而家博愛咁樣重組係最差，一半舊一半新:L
rickywk 發表於 2025-1-18 02:20
唔係囉，自從屯赤通車後，好多市中心、Yoho一帶嘅車都會用博愛經十八鄉支路上元朗公路。
而家佢咁畫法， ...
你講嘅多只係小區去大區，點都唔夠新田公路整個新界東落元朗呢個大區多。
本帖最後由 s3n370 於 2025-1-18 11:27 編輯
arthur 發表於 2025-1-18 03:31
因為大吉利事係迴旋處內線出出口（講緊6點入，3點出嘅情況下) 同外圈車撞咗出意外，去到法庭時，會被認為 ...
咁返返去基本問題，點解會撞車？就梗係有人唔小心無留意交通情況。
一般情況下，迴旋處六點入十二點出或者三點出呢個情況，
過佐九點後已經要搵定位cut出外圈，
正如你離開大路、不論係公路離開路口，定係十字路口左轉，
都應該係預早入定左線，而唔係臨去到十二點/三點/路口先黎硬cut係咪？
又返返去基本問題，乜學車時師傅無教，揸車時要一眼關七，唔夠位時唔應該切？
我師傅同長輩直頭教cut唔到咪cut唔到，最壞情況都只係兜遠D，總好過硬cut搞到出事？
如果係咁怕切線出意外，我地應該見到快速公路、隧道個個行哂左線，
而唔會成堆車長期慢速行快線，搞到好多時尤其是假日，左中線先至最順最快？
都係果句，新手初期未習慣顧咁多野不應苛責，但係香港乜個個都新牌？
更基本嘅問題係，好多揸車嘅點解唔係安全第一，而係著重邊個啱邊個錯，下下一句撞埋去收錢？
見前車打燈轉線驚死蝕底，就算揸K car都要篤油封住個位又可以怪邊個？
就算對家錯，撞埋去收錢真係好過讓一讓？
本帖最後由 kbh 於 2025-1-18 22:54 編輯
arthur 發表於 2025-1-18 11:31
因為大吉利事係迴旋處內線出出口（講緊6點入，3點出嘅情況下) 同外圈車撞咗出意外，去到法庭時，會被認為 ...
運輸署出果本《道路使用者守則》有法律效力。
詳見374章第109條。
109. 道路使用者守則及實務守則
(1) 局長可安排編訂一份守則(在本條內稱為 道路使用者守則 )，其中包括他覺得可適當指導使用道路的人的指示，並可不時按照他認為適當的方式撤銷、更改、修訂或增補其中的指示，以修改該守則。 (由 1994年第89號第24條 修訂；由 1997年第362號法律公告 修訂；由 2002年第106號法律公告 修訂；由 2007年第130號法律公告 修訂；由 2012年第6號第2條 修訂)
(2) 道路使用者守則及任何於修改該守則時擬對守則條文作出的任何更改，在局長批准後，須盡快提交立法會。 (由 1994年第89號第24條 修訂；由 1997年第362號法律公告 修訂；由 2002年第3號第15條 修訂；由 2002年第106號法律公告 修訂；由 2007年第130號法律公告 修訂；由 2012年第6號第2條 修訂)
(3) 路政署署長可藉憲報刊登的公告，訂明及不時修改關於道路工程的照明、標誌及防護方面的實務守則。 (由 1984年第66號第11條 修訂；由 1986年第127號法律公告 修訂)
(4) 署長可藉憲報刊登的公告，訂明及不時修改車輛負載方面的實務守則。
(4A) 署長可藉憲報刊登的公告，訂明及不時修改實務守則，包括就任何根據以下各條所訂立的規例，作出他覺得可適當指導私家路擁有人的指示——
(a) 第11條 關於交通標誌或道路標記者；或
(b) 第121條 關於該條所指的標誌或道路標記者。 (由 1988年第80號第10條 增補)
(5) 任何人如沒有遵從道路使用者守則的條文及任何根據第(3)或(4)款所訂明守則的條文，該人不會純粹因不遵從這些條文而招致任何類別的刑事法律程序，但在任何民事或刑事法律程序，包括本條例所訂罪行的法律程序中，不遵從條文一事，可被法律程序的任何一方賴以確立或否定該等法律程序中所爭議的法律責任問題。
(6) 為施行《釋義及通則條例》( 第1章 ) 第34條 ，根據第(1)款訂明的道路使用者守則、《1994年道路交通(修訂)(第2號)條例》( 1994年第89號 )生效日期*後發出的任何守則，以及該等道路使用者守則的任何更改，須當作為附屬法例。 (由 1994年第89號第24條 增補)
(由 1984年第20號第2條 修訂)
根據《道路交通條例》，不遵守《道路使用者守則》所載的規則或指示，不算違法。不過，在處理訴訟時（不論屬民事或刑事，包括觸犯《道路交通條例》的訴訟），法庭在衡量道路使用者是否犯錯，以及其錯誤程度時，則可能會把當事人不遵守《道路使用者守則》這一點考慮在內，從而賴以確立或否定該等訴訟中所爭議的法律責任問題。
但請留意，《道路使用者守則》所載規則大多直接反映法律規定，如不遵守這些規則，可能觸犯法律。
rickywk 發表於 2025-1-18 04:18
無錯，長官按線位去告老不，咁保障自己角度下，迴旋處行外線係舒適又穩陣。
改晒螺旋處呢個建議其實贊成 ...
就住博愛迴旋處而言，所有直去同轉左嘅車基本上唔駛入迴旋處，
要入去嘅車基本上係右轉。
呢個pattern同一般迴旋處全方向都要處理嘅好唔同。
如果夾硬為統一而統一，當迴旋處畫，搞到多車嘅出口內圈嘅車要同外圈爭路。
當螺旋處畫呢，堆車未去到應該出嘅出口，外圈要夾硬cut番响個圈內，
是但一樣其實仲危險。
真係咁怕老不，啱線咪行（兼且留心有冇人硬cut）
要cut咪打定燈留意夠唔夠位，安全先至去囉。
你自己都建議迴旋處畫雙白，咪一樣要望住地面D線點畫。
迴旋定螺旋都只係粗糙嘅大分類。
出、入口、入面幾多線甚至係邊個方位，個個迴旋處都唔同。一本通書睇到老點揸得掂？
s3n370 發表於 2025-1-19 01:17
就住博愛迴旋處而言，所有直去同轉左嘅車基本上唔駛入迴旋處，
要入去嘅車基本上係右轉。
呢個pattern同 ...
左轉: 由十八鄉支路入元朗東、Yoho都要入交匯處。
直去：由凹頭去Yoho都要經交匯處。或者由元朗東、Yoho去博愛醫院都要入交匯處。
即使加紅綠燈、改線位都改唔到呢兩條路線，正苦要做嘅應該起一條新隧道，引導由由元朗東、Yoho去博愛醫院嘅車可以唔駛經交匯處先，始終呢條路最多緊急車輛用，好應該花d錢收地起。
Yoho問題就死症黎，咁大個樓盤喺正出口位。
rickywk 發表於 2025-1-19 09:48
左轉: 由十八鄉支路入元朗東、Yoho都要入交匯處。
直去：由凹頭去Yoho都要經交匯處。或者由元朗東、Yoho ...
使到咁多錢就索性唔好要迴旋處，在元朗公路/新田公路個交匯處起一個元朗公路嘅U形橋算。
十八鄉入口只能左轉入元朗市，要轉右就行新路調頭。
Yoho入口只能左轉上公路，三線轉左，要轉右都係行調頭。
元朗公路西行落元朗市會快咗，因為只有十八鄉過嚟嘅車匯入。
東成里入博愛迴旋處只能去十八鄉路方向，要轉右用十八鄉路迴旋處調頭。
至於醫院出博愛條支路可以考慮只俾巴士同救護車用，其他車經青公出口出東成里個迴旋處處理。
rickywk 發表於 2025-1-19 01:48
左轉: 由十八鄉支路入元朗東、Yoho都要入交匯處。
直去：由凹頭去Yoho都要經交匯處。或者由元朗東、Yoho ...
你啱，諗漏佐出口一出就有支路嘅case。
不過呢兩個case都係用最多車出嘅出口，
呢兩個（往青山公路）畫螺旋同往元朗公路/新田公路唔畫螺旋，
仍然夾到主車流。