James116 發表於 2025-10-5 00:13
返工返學趕時間
大家會比較願意用錢買時間
學生嘅話九成都係唔識搭巴士多過買時間先會揀個貴嘅去坐🤭
Ricky403 發表於 2025-10-4 21:07
大河道青公交界基本上放咗比較長時間畀西樓角路南行，青公西行左轉同直行都叫放得耐嘅
大河道北行就真係 ...
睇其他片，大河道青公交界西樓角路南行綠燈得15秒，大河道北行綠燈25秒（夜晚得12秒）。
估計大部分時間放俾青公直去啲車，大河道北行送燈尾要等約1分40秒。
去到青公同關門口街交界，日間青公東行綠燈放30秒，城門道南行得22秒左右，但關門口街北行放50秒（夜晚就35秒）。
青公東行／直去啲車送燈尾要等分半鐘。
基本上，荃灣西經大河道出青公東行啲線，食正等燈最耐嘅cycle。
有日朝早荃灣路大塞，可能多咗車兜荃灣出市區，去到青公同關門口街交界就塞燈。
燈位冇記錯第三轉先過到，等咗3-4分鐘。
至於青公西行近荃景圍天橋個直去燈位，日間送燈尾要等1分25秒。
但感覺好少要等燈，唔知夜晚順燈啲定放燈時間又唔係好短。