建議合併九巴W4+8A
本帖最後由 hellomato 於 2025-10-12 12:06 編輯九巴W4線近日延長至尖沙咀海濱，並於十一黃金周期間提供每日服務。
改動後W4使用率似乎不錯——小弟早前（10月1日）在廣東道親眼目睹，有不少乘客下車。
另一方面，8A是紅磡（黃埔花園）往返尖沙咀碼頭的老牌短途穿梭路線。
但是班次疏落，加上來自小巴和鐵路的競爭、以及走線更直接的支線8P開辦等原因，客量逐漸流失。
只是尚有一些獨市位（例如漆咸道南往紅磡、紅磡南道往尖東），尚能苟然殘喘。
兩線在尖沙咀海濱（梳士巴利道）重疊，客量此消彼長，加上班次接近，似乎可以進行整合。
之前W4延長消息公佈時，就有師兄提出此項建議。現小弟嘗試把詳細方案寫出來。
新8A 高鐵西九龍站（匯民道）——黃埔花園【循環線】，經西九龍文化區（雙向）
路線特點：
- 循環點設在黃埔花園（原8A總站單坑），解決8A停站時如果8P入場，無法入坑的尷尬；並繼續途徑紅樂路，解決當地因道路設計“有出無入”的情況。
- 往黃埔方向跟原8A經漆咸道南北行，把旅客帶到歷史博物館、科學館等景點。（擦邊尖沙咀中心街道）
- 回程則跟W4停永安廣場（尖沙咀海傍），加快回車並方便旅客前往西九龍站。
- 紅磡站為百年九廣鐵路的終點站，目前正在舉辦《站見》展覽，展示香港鐵路發展史；如今終於有巴士線讓新老鐵路長途客運站直接牽手，別具像徵意義。
（其實8仔都算，但需要繞經油麻地和何文田）
詳細路線
往黃埔花園：https://maps.app.goo.gl/w1zxSvcpWLFprG1y5 （約7.7km）
往西九龍站：https://maps.app.goo.gl/YXtGpS6JPidofV6RA（約9.3km）
停站：
~ 西九龍站 至 尖東站 【跟原W4，繞經西九龍文化區及廣東道】
~ 麼地道（漆咸道南） 至 黃埔花園【跟原8A】
~ 紅樂道 至 紅磡站【跟原8A。紅磡站站位改到268B/269B站柱】
~ 永安廣場 至 尖沙咀碼頭【跟8P】
~ 九龍公園徑 至 西九龍站【跟原W4，繞經西九龍文化區】
晨早特別班次：黃埔花園 → 西九龍站（單向，跟原8A經漆咸道南南行，接續前往西九龍站）
全程收費：$5.7
分段/短途收費：
M+ 往 故宮文化博物館$4.3
北京道（廣東道） 往 紅磡南路 $5.1
機利士南路 往 尖沙咀碼頭 $5.1
M+ 往 西九龍站 $4.3
車費設定：
始發$5.7，實施M+ 往 故宮文化博物館短途優惠
北京道 開始分段收費$5.1，如果乘客在紅磡站 前上車，需要在紅磡站 重新繳付全程車資。
機利士南路 還原全程收費，並實施往尖沙咀碼頭 $5.1短途優惠。
M+ 實施分段收費$4.3，至終點站。
班次（每日）
06:00 - 08:00 @ 30 【晨早特別班次】
08:00 - 09:30 @ 30（頭班車跟上述晨早特別班次同時開出）
09:50 - 20:30 @ 20
21:00 - 23:30 @ 30
本線跟8P共用車隊，一共7~8輛（即原8A + 原W4車隊結合）
敬請指教！
8A 拿拿臨摺左佢算啦
8A 出尖沙咀兜去紅灣半島 半島豪庭先出 8P 一早走到尖沙咀
諗計比 8P 德民街開巴士專用路口兜入黃埔就算
天空之神 發表於 2025-10-12 13:33
8A 拿拿臨摺左佢算啦
8A 出尖沙咀兜去紅灣半島 半島豪庭先出 8P 一早走到尖沙咀
回程漆咸道南有班忠粉，一係拉 8 號入黃埔再上何文田
本帖最後由 hellomato 於 2025-10-13 22:02 編輯
andy92 發表於 2025-10-13 09:28
回程漆咸道南有班忠粉，一係拉 8 號入黃埔再上何文田
8仔已經兜到咁仲入埋黃埔:Q
咁即係話，假如有條線可以拉去補黃埔往返漆咸道南，8A就可以功成身退。原本想搵11K/21其中一條，後來想想好似5D仲啱玩——
原線到黃埔花園，出總站後改為左轉，紅磡繞道直出尖東轉漆咸道南北行（=796X行法，optional兜入尖麼做循環點），之後跟原8A去紅磡站，落紅荔道（11K/21行法，做紅灣半島），轉右出返紅磡道，直落黃埔花園+紅磡邨，駁返原線返九龍灣。
原理：5D本身係流水循環線而且相當短，來回一轉只有12.6公里，但係收到$6.7，即係單程10公里線嘅價位，所以唔怕進一步拉長，最多補返黃埔往返尖東短途$5.1
那邊廂，W4拉上紅磡站就得，跟268B/269B行法。（剛好接收8A嘅車每天服務）
其實覺得W4+8A合併
似乎想包裝成戲曲專線
(戲曲中心+新光黃埔) 本帖最後由 hellomato 於 2025-10-16 09:42 編輯
KG1428 發表於 2025-10-15 22:49
其實覺得W4+8A合併
似乎想包裝成戲曲專線
(戲曲中心+新光黃埔)
確實有呢個意思。更準確講，係博物館及文藝演出專線。
博物館有：M+、故宮博物館、太空館、美術館、科學館、歷史博物館、紅磡站《站見》
以及你提到嘅戲曲中心、新光黃埔、再加文化中心、紅館（=紅磡站）。
一共11個點，W4+8A確實係可以一次過全部途徑。:D
出post前想過另一種走法：往黃埔方向，紅磡站後改落紅荔道，跟5C、11K、21出寶其利街，去返黃埔花園。
之後跟8P行紅磡繞道直出尖沙咀海傍。黃埔花園和紅灣半島上紅磡站，索性全部送俾小巴
頁:
[1]