本帖最後由 mckhgc 於 2026-2-11 22:21 編輯
tonyng 發表於 2026-2-9 17:04
有時講嘢可以大方啲，唔洗下下都"某些人"系列嘅。
回正題：
1. 裝APG預咗Dwell time會比冇APG之前慢，你 ...
1.冇AGP的話，一樣可以話，「因為冇AGP，安全原因，要較慢速入站出站」，要搬龍門嘅，總有得搬。
2.黃頭到而家，列車同訊號系統，都提升咗N次，連成日拎嚟做擋箭牌嘅直通車都冇埋喇，唔通你認為，呢條線咁樣提升N次都係永世長期班次不均，係冇問題、好合理？
3.十幾年前已多次討論呢個問題，有人就畫晒大餅，吹水吹到話9卡有34 tphpd。
事實上官方都話 12卡係20 tphpd ，9卡係27tphpd ，話34 tphpd，根本係冇腦護短 。
https://www.hkitalk.net/HKiTalk2/forum.php?mod=viewthread&tid=883854&page=2#pid3115192
17#
其實即使由20 tphpd 加到27 tphpd，以絕大多數乘客最常使用嘅普通等車廂嚟講，都仲係不加反減 。
20班 x 11卡 = 220 卡
27班 x 8卡= 216 卡
十幾年前，就畫大餅話東鐵過咗海之後，新車新信號系統點勁點大幅加班。
2022年過咗海，毫不意外咁走數，就話疫情導致需求減少 ，暫冇需要加班。
而家2026年，復常三年、過海四年，條數都仲未找， 又畫另一個大餅，將個龍門搬去買新車 。但連時間表都冇 ，仲係講緊「可能有需要在未來日子增購一些列車」，將一個原本2022年過海之時就應兌現嘅承諾，推向連預計年份都冇、甚至會唔會做都未知嘅遙遠未來。
係咪真係差到咁都冇問題？
就算今次如有神蹟，世界末日之前找到數，真係買咗新車，如報導所述做到最高兩分鐘一班車，30 tphpd（30班 x 8卡= 240卡，終於多過12卡年代了！嘩真係皇恩浩蕩！）到時又講緊古洞有新發展，喺古洞新客量之下（報導都話「應付新古洞站所帶來的新增乘客量」），就算30 tphpd，係咪真係又夠用呢？
仲未計，將粉嶺哥爾夫球場改為公屋，嗰D白痴冇腦民粹，一旦成事又一大場災難。
西邊就識得話喺錦上路整多條中鐵線，但東邊完全冇，乜新路線都唔諗，真係諗住無論點，都靠一條已嚴重飽和嘅萬年東鐵線，去硬食晒一切？
tonyng 發表於 2026-2-9 16:58
近期東鐵有新train crew出pool。
新仔停定到開門，或者關門到開車，會比老手慢5至10秒，如果前車新丁後車 ...
啊？
我聽講話，其他線係到站後自動開門(唔知真假)。
乜原來之前吹到咁勁嘅東鐵新信號系統，反而仲要車長手動開門？又乜原來按「關門」到按「開車」，新手老手係有分別？
長知識了。
mckhgc 發表於 2026-2-11 22:02
1.冇AGP的話，一樣可以話，「因為冇AGP，安全原因，要較慢速入站出站」，要搬龍門嘅，總有得搬。
東邊咪諗住靠屯馬綫
所以東鐵綫一過海即刻取消常規火炭特車
係睇幾時終於到河西火炭要過對面河上屯馬綫嗰日姐
甚至tony兄一早已經爆咗東鐵綫唔夠載嘅標準
係要去到沙田站都開始每日停扶手電梯閂入閘機先叫做唔夠載
不過我就認為早十年顧問估算過分樂觀
按當時預測屯馬綫西邊朗屏元朗錦上路開而家嘅班次已經嚴重超負荷要日日停扶手電梯閂入閘機
而家實際只係錦上路喺最peak嘅時間要等多一兩班
東邊沙田呢邊應該有排都唔會點唔夠載
既然尖東隧道改軌都係拖住黎做
中鐵綫而家都係畫定個大餅姐，可能到時一個唔該明日大嶼重啟，西邊多咗條重鐵，又會做咗北港島綫2.0呢
Ricky403 發表於 2026-2-12 15:16
東邊咪諗住靠屯馬綫
所以東鐵綫一過海即刻取消常規火炭特車
係睇幾時終於到河西火炭要過對面河上屯馬綫嗰 ...
我之前都講過，屯馬綫只幫到大圍以南，大圍以北呢一大段呢？古洞發展區，仲有東鐵綫獨家嗰兩個大毒瘤，屯馬綫可以點幫？
就算屯馬全通車之後，都已經唔止一次有報道話，東鐵綫最擠迫嘅樽頸位，仍然係大圍至九龍塘畢架山隧道一段，可見屯馬綫幫得唔多。
其實我十幾年前已經講過，東鐵過海唔係理想嘅做法，馬鐵過海會比較合理。因為馬鐵過海的話，至少城河東馬鞍山嘅過海客，有誘因馬鐵一程過唔轉東鐵。東鐵過海，即係將呢班客喺大圍推向東鐵，進一步加劇畢隧呢個東鐵樽頸位，仲要減3卡。而家睇返係咪中哂？
當年就劃晒大餅，話東鐵過海之後點勁點樣大幅加班，唔使擔心唔夠載。
好啦而家龍門又飄移，過咗海成4年，都仲話要等埋古洞站啟用至「可能有需要」增購列車、至加到（同當年大餅仍有距離）嘅班次？ 然後又走多個龍門出嚟，要每日間封扶手電梯同閘機，先至叫做「唔夠載」？
你哋係要堅持咁樣係好啱好合理嘅，咪係囉。
mckhgc 發表於 2026-2-11 22:13
啊？
我聽講話，其他線係到站後自動開門(唔知真假)。
聽聞個新訊號系統支援埋無人駕駛㗎
唔行，似係不為而唔係不可為囉
呀老人區板友
mckhgc 發表於 2026-2-22 10:17
我之前都講過，屯馬綫只幫到大圍以南，大圍以北呢一大段呢？古洞發展區，仲有東鐵綫獨家嗰兩個大毒瘤，屯 ...
即係你覺得東鐵應該駁西鐵，然後減到8卡 :)
teddybus 發表於 2026-2-22 21:28
即係你覺得東鐵應該駁西鐵，然後減到8卡
東鐵用37列列車明顯不足, 至少40列。另外之前新信號會加密班次,但冇咗影
teddybus 發表於 2026-2-22 21:28
即係你覺得東鐵應該駁西鐵，然後減到8卡
如果plan咗係東鐵駁西鐵，西鐵就會係9卡車，柯士甸站會起9卡月台。
mckhgc 發表於 2026-2-22 10:17
我之前都講過，屯馬綫只幫到大圍以南，大圍以北呢一大段呢？古洞發展區，仲有東鐵綫獨家嗰兩個大毒瘤，屯 ...
你又睇啲唔睇啲
所以咪話睇幾時輪到河西班人要過河上屯馬綫出市區
無可否認，連屯馬綫西段獨市位都懶懶閒，東鐵綫沙田段同屯馬綫東段幾乎平行咁劑，想靠呢段路嘅數據加班基本上係唔可能
其實東鐵綫唔理點樣都會斬走三卡，因為班次密集嗰陣大家都唔會行到一頭一尾上車，在商言商梗係塞落九卡效率高，從來嘈十二減九係無意義，因為無法律或合約規定東鐵綫車要有足十二卡
(就算有，到時咪研究每卡整短佢，結果每抽車載客量唔會比而家好幾多🤭)
而家三隧齊塞已經證明當年支持東鐵過海方案，過海交通會係最供不應求嘅估計完全正確，新西仲話有大量巴士出九龍分流尤其屯門南半邊
AVBWU291 發表於 2026-2-23 02:39
如果plan咗係東鐵駁西鐵，西鐵就會係9卡車，柯士甸站會起9卡月台。
即係結果都係9卡，仲要冇得過海
到時就真係要多謝老人區地主 :)