Man@MFHK 發表於 2026-4-24 18:22
西九龍站有佢嘅特殊性，除咗政治因素，佢本身都係一個鐵路站，只係同時附加埋口岸功能。
落馬洲支線管制 ...
港澳碼頭、中港碼頭，紅磡站 機場，其實港珠澳都係
全部例子出完境都係公海或至少物理上仲喺香港境內但你已完成出境手續
同西九龍 香園圍 落馬洲 深圳灣 出境後係中國國境唔同
而禁區只係香港法例上對香港居民施加嘅區域上限制同B線或過唔過境冇關
唔通以往禁區3K同羅湖居民搭火車羅湖上落又係過關？
本帖最後由 Man@MFHK 於 2026-4-24 18:46 編輯
ccchhhuuunnn 發表於 2026-4-24 18:33
港澳碼頭、中港碼頭，紅磡站 機場，其實港珠澳都係
全部例子出完境都係公海或至少物理上仲喺香港境內但你 ...
西九龍站正正就係你所講嘅「出完境」但「物理上仲喺香港境內」，只係法律上你已經入境內地，地理上仲喺香港境內。
我講嘅禁區係「邊境管制站」，深圳灣、落馬洲、香園圍、豬橋全部都係呢類。
本帖最後由 ccchhhuuunnn 於 2026-4-24 19:01 編輯
Man@MFHK 發表於 2026-4-24 18:42
西九龍站正正就係你所講嘅「出完境」但「物理上仲喺香港境內」，只係法律上你已經入境內地，地理上仲喺香 ...
你自己講咗重點咪就係入咗中國境而唔係公海，一個border/boundary左A右B先叫border/boundary
所以機場港澳碼頭紅磡站郵輪碼頭只係出境出咗公海或物理上喺香港境內而冇入境到其他地方
西九龍站同紅磡站大家都係出完境搭火車，但完全兩回事嚟
而實際分類全香港13個「出入境管制站」係全部同一group
如果話「邊境管制站」咁法例上西九龍樓上樓下就係邊境界線，同香園圍深圳灣落馬洲無異
ccchhhuuunnn 發表於 2026-4-24 18:47
你自己講咗重點咪就係入咗中國境而唔係公海，一個border/boundary左A右B先叫border/boundary所以機場港澳 ...
法律上入境中國內地，地理上仲未離開香港邊界。呢樣嘢已經好大分別。
樓上有版友講豬橋過完關仲有幾公里先地理上出境，但西九過完關上車仲有26公里先至地理上到達內地範圍。
就算深圳灣本身都係內地邊陲位，呢點已經同西九龍站好唔同。
雖然都係一地兩檢，但深圳灣係地理上出境，事實上身處兩地邊境地區，西九龍站係地理上身處市中心，法律上出入境。
正因為有如此獨特性，當年都要特登為佢修改法律去配合，咁俾佢一個獨立巴士編號字頭又有乜問題？
本帖最後由 ccchhhuuunnn 於 2026-4-24 20:07 編輯
Man@MFHK 發表於 2026-4-24 19:00
法律上入境中國內地，地理上仲未離開香港邊界。呢樣嘢已經好大分別。
樓上有版友講豬橋過完關仲有幾公里 ...
咪就係條線係司法管轄權界線出完境再已經入境
唔係平面邊界
同紅磡站等之流不同
樓下連埋成條隧道司法管轄權連埋營運中列車都係行中国法律嫁亲
深圳灣一樣遠離邊界嘅飛地（97後已經由中線變為后海灣一落水就係中國境內，係冇西九咁遠但一樣係有距離嘅飛地隔咗一整個后海灣）一樣司法管轄權不過鏡像咗
不過既然當年咁大爭議
咪起個新字頭避免PTSD呃下自己同深圳灣落馬洲唔同，唔怕洗頭艇
ccchhhuuunnn 發表於 2026-4-24 19:14
咪就係條線係司法管轄權界線出完境再已經入境
唔係平面邊界
同紅磡站等之流不同
簡單啲解釋，就係高鐵站同機場一樣，本質係「站」、大型跨境專用交通站點，公眾只能夠由各地前往高鐵站轉乘高鐵出境，口岸只係佢嘅附屬功能，一地兩檢只係增值服務，就算當年一地兩檢失敗變成要福田落車再過關都唔會影響呢一點。深圳灣、落馬洲、香園圍、豬橋以至嚟緊嘅新皇崗，口岸係莊，公共運輸交匯處只係附設喺口岸外面嘅附屬設施，係閒。而且，公眾無需搭乘指定交通工具過關，豬橋金巴同皇巴一樣只係口岸穿梭，大家都仲可以搭跑狗或者私家車過關。
Man@MFHK 發表於 2026-4-24 21:51
簡單啲解釋，就係高鐵站同機場一樣，本質係「站」、大型跨境專用交通站點，公眾只能夠由各地前往高鐵站轉 ...
完全唔一樣
B線就係比你過境唔係純粹比你去個站，去個站冇意思
你成功由A境去B境，就係成功過境
機場、港珠澳、港澳碼頭、中港碼頭、郵輪碼頭係出A境就完
高鐵站係出A境即時去埋B境
兩樣嘢嚟
正如點解B線可以話（接駁）蓮塘/福田口岸，因為基本上行過去甚至本身同一個地方，同樣道理西九龍站技術上係（接駁）西九龍站內地口岸區，但機場港珠澳係冇呢樣嘢
本帖最後由 Man@MFHK 於 2026-4-25 00:10 編輯
ccchhhuuunnn 發表於 2026-4-24 23:03
完全唔一樣
B線就係比你過境唔係純粹比你去個站，去個站冇意思
你成功由A境去B境，就係成功過境
你呢個解釋就更加錯。B線去香園圍、豬橋已經可以合法唔過境，因為落車位唔係禁區。
我講嘅係邊個莊邊個先係閒。
機場、高鐵站係莊，入面嘅口岸區係閒，所以佢哋本身並非一個口岸，西九龍站只係因為要方便旅客所以將一地兩檢嘅口岸包含其中，如果唔成事佢只係一個新版「九龍車站」。
B線去到嘅口岸，口岸係莊，巴士站係閒，先唔講仲有的士小巴可以入去，剩係跑狗私家車甚至貨車都可以使用該等口岸，所以嗰度先會叫做「口岸」而唔係「站」。
再深層次啲講，機場、高鐵站有送/接人大堂，任何非離境人士都可以去送行同接人，但任何一個「口岸管制站」都唔容許你以接送為目的進入，只可以出(入)境為目的進入，就算香園圍同豬橋都只係出面並非禁區，呢啲就係「口岸」同機場、高鐵站嘅本質上分別。
你自己都識講機場、港澳碼頭、中港碼頭、郵輪碼頭同港珠澳都係「出A境」，高鐵站只係多埋「入B境」，而呢樣嘢本身就唔係必然。
深圳灣就係一地兩檢，但落馬洲支線管制站、香園圍甚至現時嘅皇崗(落馬洲管制站)都係要先出境再前往另一方口岸入境，全部都有對接口岸，港珠澳都一樣要過去對面珠澳口岸入境，咁照你咁講所有非一地兩檢口岸都唔算係口岸？
我一再強調莊閒之分，就係要分清楚「口岸」本質係乜，高鐵站本質又係乜。深圳灣如果唔搞一地兩檢，其實港方口岸就應該喺白泥附近嘅后海灣一帶，咁就B2、B3只可以坐到港方口岸落車，出境後要再坐類似皇巴嘅物體過對岸入境。如果「口岸」本身只係同一個地方分開A、B兩方邊防管制站，咁點解咁多年嚟就算回歸後新起嘅陸路口岸都要故意同內地口岸用唔同名稱？
機場係有兼任口岸管制站，高鐵站亦然，但佢哋本質都係「站」，口岸只係副業。
本帖最後由 ccchhhuuunnn 於 2026-4-25 03:21 編輯
Man@MFHK 發表於 2026-4-24 23:34
你呢個解釋就更加錯。B線去香園圍、豬橋已經可以合法唔過境，因為落車位唔係禁區。
我講嘅係邊個莊邊個先 ...
越吹越亂
錯到離曬譜嗰個係你喎
可以合法唔過境同主要目的係過境已經混淆咗
可唔可以接送或者去到建築物裏面定外面定外面唔知幾多公里外先係禁區，更加唔會係一個口岸嘅定義，純粹係當區當地嘅本地立法下禁區限制嘅規條，同羅湖同3K禁區甚至青山操炮區無異，同邊唔邊境冇直接關係
出A境入B境，喺口岸線B線係必然
因為永遠1對1一出一入，你唔會港方口岸出完可以任揀去邊（除咗港珠澳1對2揀澳門定拱北）
但紅磡直通車可以出廣州上海北京等口岸
正如機場你可以去世界各地關口，郵輪碼頭中港碼頭港澳碼頭同理
而西九龍唯一對應兼即時入境嘅口岸係廣深港高鐵西九龍站鐵路口岸
廣深港高鐵西九龍站鐵路口岸
本身就屬於 廣東省 鐵路口岸
而其他
羅湖公路口岸
皇崗公路口岸
文錦渡公路口岸
沙頭角公路口岸
深圳灣公路口岸
福田公路口岸
蓮塘公路口岸
港珠澳大橋珠海公路口岸
亦屬於 廣東省 公路口岸
本身就同一個性質嘅口岸，同屬深圳/珠海出入境邊防檢查總站同深圳海關/拱北海關管理（除咗交通模式唔同）
咩站咩口岸莊閒全部都係你堆砌出嚟
紅磡直通車同機場等係冇現場對接口岸
唔使簡單複雜化，就係冇過境，只係出境
唔使講港珠澳，羅湖同落馬洲福田本身就唔係一地兩檢
你呢個係幫我亂砌defintion入我口，我冇講過喎
有對接口岸唔等於係一地兩檢喎，有冇咁難分？你唔好夾硬為咗排除西九龍而幫人亂劃線好喎
一地兩檢係definition的話咁B1你食咗落肚？
唔係故意
係本身兩地隔住深圳河就係唔同名，除咗羅湖本身就同名同深圳灣/新皇崗本身就同一個地方
羅湖可以同名、深圳灣/新皇崗因為同一個地方所以同名、其他地方可以唔同名，但大家都有B線（除咗羅湖，就算羅湖港鐵站有巴士都只會同落馬洲港鐵站架B1一樣係B線），同名唔同名都可以有B線所以完全唔關事
本帖最後由 Man@MFHK 於 2026-4-25 03:38 編輯
ccchhhuuunnn 發表於 2026-4-25 02:32
越吹越亂
錯到離曬譜嗰個係你喎
可以合法唔過境同主要目的係過境已經混淆咗
係你自己亂。
我講深圳灣，係因為佢係一地兩檢，高鐵站亦係一地兩檢，有可比性，但佢哋嘅分別就係一個本身就係口岸，另一個只係喺車站入面附設一地兩檢口岸。
深圳灣由起嗰日已經係一個口岸，所以口岸就係佢嘅基礎，口岸係莊，出面嘅交通配套係閒。
西九龍站起緊嗰陣仲拗緊做唔做一地兩檢(當然有關當局有無預設立場不在此討論範圍)，高鐵站先係佢嘅根本，入面可以如同機場、港澳碼頭、中港碼頭、仲有直通車嘅紅磡站一樣，只配有出境管制區。
口岸同交通樞紐最大嘅分別，就係出入有限制。深圳灣、落馬洲支線管制站、落馬洲管制站、香園圍，甚至文錦渡呢啲，全部都只可以搭公共交通工具前往，私家車除非有有效禁區紙或有關批准，否則唔可以隨便駛入呢啲口岸區，呢一點反而港珠澳比較特殊，可以容許私家車入去上落客，同機場、高鐵站相似。
你覺得唔應該咁樣定義，但事實就係依家人哋就係咁樣定義。
你可以話特登開W線招呼高鐵站係多此一舉，事實上亦然，所以W1摺埋，W2、W3不務正業，得W4先係比較接近做返佢應有功能，但明明附近已經一大堆普通線經過高鐵站⋯⋯
但如果話高鐵站入面有個一地兩檢口岸就應該視為「口岸」而無視佢本身係「高鐵站」嘅身份，咁係本末倒置。
再講遠啲，他朝中港兩地再無口岸相隔，所有B線可以功成身退摺埋或者用另一身份繼續服務，但西九龍站仍然係一個高鐵站，W線仍然服務West Kowloon Station，正如A線仍然會繼續服務Airport一樣。