本帖最後由 Toz 於 2026-10-19 01:17 編輯
天空之神 發表於 2026-10-19 00:32
而家香港既規劃就係咁智障
Park and ride 你鐵路都無capacity 載更多既客
條路塞爆一係起路一係限車，限車唔通走去限巴士咩
如果唔限私家車，咁政府個鐵路優先就係唯一解法，逼晒落地底算數，反正路面起幾多路就多幾多車，香港既車主佔比仍然好低，起多兩倍路都遠遠無法滿足
其他玩比如限號入市區，電子收費系統，甚至比較極端既將大量路段劃為繁時巴士專線，對現有車主黎講，真係比限制泊位增長好咩？
Toz 發表於 2026-10-19 01:03
派公屋同私家車可以放埋一齊講，好野，我都想知邊個離地D，養車貴過日日搭的士
你買樓前唔諗清楚自己有乜 ...
你聽唔明中文？咩叫想渣車之後決定買樓？屋企都冇 工都冇 點會有錢去諗想唔想渣車？
一個正常嘅打工仔，就係有工/轉工、然後新公司同屋企唔近，先至要諗渣唔渣車。
我自問唔係天之驕子，同好多香港社畜一樣，冇能力轉一次公司搬一次屋，冇牙力只係搵近屋企嘅工。
冇辦法好似師兄咁好運，天跌錢落嚟，然後指手劃腳要禁私家車益九巴城巴。
如果要限制私家車，首要條件係大西北大東北各至少3至5條鐵路，直通運行/轉一兩程車可以由小區到至少2個商業區。當中有特急同劃位green car 。
本帖最後由 Toz 於 2026-10-19 06:45 編輯
starsessions 發表於 2026-10-19 02:19
你聽唔明中文？咩叫想渣車之後決定買樓？屋企都冇 工都冇 點會有錢去諗想唔想渣車？
一個正常嘅打工仔， ...
我覺得係你睇唔明中文多Ｄ
唔通宜家打工仔想買車發覺無車位可以賴發展商幾廿年前唔起埋？有乜分別?
我只係話有幾多路比幾多車位, 唔好無節制加到一齊塞死, 只要減返5-10%高峰期車流量, 塞車同慢車浪費既時間已經可以減好多
按你邏輯朝朝塞到PK宜家班司機一定好開心啦, 代表開車自由鳥
另外屯馬線到今日都未加班到極限，港鐵只係覺得你班客唔親密Ｄ佢會蝕錢，起多三條鐵都無分別
要坐得舒服答案一定係道路公共交通, 巴士小巴村巴，然後要道路公共交通穩定可靠自然必須控制路上車輛數目
唔限私家車又要巴士行得快, 都得, 朝朝十點前全香港主要道路劃每個方向一條行車線做巴士專線, 等班私家車司機塞到頂唔順棄車, 又點?
你睇唔明中文無謂再駁, 我當你部車識得飛唔洗行馬路算了;P
Toz 發表於 2026-10-19 06:33
我覺得係你睇唔明中文多Ｄ
唔通宜家打工仔想買車發覺無車位可以賴發展商幾廿年前唔起埋？有乜分別?
我只係 ...
限私家車會唔會更不切實際
本帖最後由 Toz 於 2026-10-20 02:01 編輯
kay 發表於 2026-10-19 12:21
限私家車會唔會更不切實際
限住宅區泊位咪得，宜家一樣有規劃數量，但明顯基建完全追唔上，要按交通承載能力收緊返將來新增量
一般黎講只要道路使用率超過九成，平均車速就會開始大幅降低，或者相反，起新路分流後再規劃停車位令到使用率八成左右封頂，幾時都咁順暢
其他辦法，唔通限號過隧道會簡單Ｄ咩？一話主要道路全部左線劃做巴士專線會簡單Ｄ？一話只要繁時上路就每六秒六毫？
如果唔對私家車設任何限制，道路公共交通唔會有得救，政府鐵路優先齊齊逼沙甸魚已係最優解
香港起多兩三倍路都頂唔順每個家庭一部車
本帖最後由 天空之神 於 2026-10-20 18:45 編輯
Toz 發表於 2026-10-19 01:04
條路塞爆一係起路一係限車，限車唔通走去限巴士咩
如果唔限私家車，咁政府個鐵路優先就係唯一解法，逼晒 ...
其實政府而家邊有錢？直接加車輛牌費
然後搵錢再起鐵路啦
巴士其實都已經唔係最有效率既東西，公路要加巴士專線
但唔係比巴士公司咁營運路線
天空之神 發表於 2026-10-20 18:44
其實政府而家邊有錢？直接加車輛牌費
然後搵錢再起鐵路啦
新鐵路要入市區成本過高
巴士都係做到幾多得幾多, 留多少少margin比鐵路, 起碼無咁易炒鑊金
同埋就算係市區鐵路都唔係百份百覆蓋
巴士專線理應可以比綠van同營運中既居民巴士行