原帖由 ~誰@359~ 於 2008-10-15 22:49 發表 http://www.hkitalk.net/HKiTalk2/images/common/back.gif
唔想食廢氣，就應該選擇鐵路
呢個並唔係一個要執線既理由…
而且，駁腳唔係下下去到車站就有車，去到轉車站就更加
所以就算執左線要轉車，你仍然要吸廢氣 ...
我都估到有人咁講....
係咪事事要ALL or nothing呢﹖
乜唔係話，巴士好方便，好過鐵路，四通八達又方便，唔駛轉黎轉去，
但係對於巴士放廢氣，就當無件咁既事，
一於話之理，「係呀，就係有廢氣，你唔鐘意廢氣，咪唔好坐囉」
對於巴士既「惡」就完全唔想去改善...唉。
咁樣討論真係好無瘾....
原帖由 bombmanhk 於 2008-10-15 22:18 發表 http://www.hkitalk.net/HKiTalk2/images/common/back.gif
有時覺得歷史定落ge線就唔可以有大改動咁
話就話去某某區有好多選擇,, 乘客隨意選
但多選擇ge同時就搞到條條線都有車, 仲要個個站停
最終就係塞車,
我好明白上面板友講, 淨係8x/8p/8/789 呢組都好啦, 兩巴各有車
...
又係用番小西灣做例子, 新巴8號夠晒歷史悠久, 要改的話一樣改到, 問題只係巴士公司有無心做.
如果俾九巴做小西灣, 分分鐘係一條8號出灣仔, 再加一條80號去中環, 搞掂, 分分鐘連東廊線都未必有...
九龍西同港島北比，有兩處要留意：
1. 西九龍走廊如果可以全日行大量巴士的話，你估九記唔想？
西九龍公路促成260X、268/9B的出現，而家265B vs 269B亦係一個唔錯的互補例子。但本身去佐敦的車如何快？一出公路就到總站？
再者，以上三線往新界方向要入眾坊街等窄街，全盤推行南北分線，道路是否可以應付？
2. 由佐敦道至梳士巴利道，沒有特快道路，一係行彌敦道，一係行廣東道，連翔道入廣東道日日都塞，如何加巴士？
都幾難諗。
原帖由 PB602 於 2008-10-15 23:00 發表 http://www.hkitalk.net/HKiTalk2/images/common/back.gif
又係用番小西灣做例子, 新巴8號夠晒歷史悠久, 要改的話一樣改到, 問題只係巴士公司有無心做.
如果俾九巴做小西灣, 分分鐘係一條8號出灣仔, 再加一條80號去中環, 搞掂, 分分鐘連東廊線都未必有... ...
太誇張了吧
雖然西九龍走廊冇九巴全日線行
但另一邊東九龍走廊都一大堆線行丫
新界西線雖然話就話條條都碌晒成條長沙灣道
但係冇乜邊條深水埗有替代,可以比原本堆線旺角就上西廊
之前想改條幾乎全部有替代既41上西廊都過唔到
改堆冇替代既X線難度更高
九龍西去新界西唔同港島北去東區,一早分晒家
[ 本帖最後由 gn3509 於 2008-10-15 23:17 編輯 ]
再講多句，其實而家九巴就算想改菩服務，
但係彌敦道巴士線已經死實實，
新區想有線落去彌敦道真係唔駛點旨意，
咁樣坐開現有線既就好方便，入唔到既又點方便...即係唔公平。
不特只南行吉車遊街，尖沙咀等上車客，下下要行暈彌敦道先上公路，
也是一種浪費，
巴士優勢係點到點，係8p同2x，
唔係將2號拉長到屯門、馬鞍山.....
原帖由 Maltesers 於 2008-10-15 22:42 發表 http://www.hkitalk.net/HKiTalk2/images/common/back.gif
我情願唔駛揀車上，快快手手有車就上，去到轉車站上快線好過，O-`F!xByN(NC
總好過喺條街，見到幾十架巴士喺我側邊噴野，都走唔到。
若果同一時間有一堆駁腳線等埋站,你咪一樣食果堆駁腳線的廢氣!(除非你排頭位)
咁你係小巴總站同的士站等上車,難道又唔駛食佢哋d廢氣?
(不是個個好似巴士咁到總站會熄匙的)
現在彌敦道有一堆違例等客的的士，難道佢哋又唔會噴廢氣?
(我成日行彌敦道，所以食唔少佢哋d廢氣，仲有一點，
巴士冇客上車時會即刻走,的士冇客時會繼續着匙等客，除非俾白鮓趕)
原帖由 5號的前fans 於 2008-10-15 23:16 發表 http://www.hkitalk.net/HKiTalk2/images/common/back.gif
若果同一時間有一堆駁腳線等埋站,你咪一樣食果堆駁腳線的廢氣!(除非你排頭位)
咁你係小巴總站同的士站等上車,難道又唔駛食佢哋d廢氣?
(不是個個好似巴士咁到總站會熄匙的)
現在彌敦道有一堆違例等客的的士，難道 ...
如果駁腳線係簡單既，係車就上得既，點解巴士要排排隊等埋站﹖
打開門就上得，都不存在先後上車問題。
班次係密既，點解會咁長隊﹖
(其實外國好少個個巴士站都幾十人排隊上車，其一乃因為雙向分段，其二係唔駛等死一條線，本身每線班次一啲都唔密)
原帖由 Maltesers 於 15/10/2008 23:28 發表 http://hkitalk.net/HKiTalk2/images/common/back.gif
如果駁腳線係簡單既，係車就上得既，點解巴士要排排隊等埋站﹖
打開門就上得，都不存在先後上車問題。
廣州就係咁，鄙人親身經歷，唔睇清楚每一架巴士
好有機會苦等大半個鐘，果種「打開門就上得」法
真係不敢恭維。
原帖由 Maltesers 於 2008-10-15 23:12 發表 http://www.hkitalk.net/HKiTalk2/images/common/back.gif
巴士優勢係點到點，係8p同2x，www.hkitalk.net9 r: J) H' S- S2 _@/ ?
唔係將2號拉長到屯門、馬鞍山.....
好一句將2號拉長到屯門、馬鞍山, 呢個就係九龍巴士作風
其實即使係快線260X, 以港島標準睇都唔算係好快, 條線服務屯門多個主要區域, 其實只去尖沙咀同佐敦都得啦, 九龍又要佢回程時兜埋油麻地, 可見九巴對於開快線真係信心不足.
最離譜係旺角咁大個區, 竟然無一條特快線去大西北(你唔好同我話68X唔入就叫特快). 由佐敦轆到美孚既車程, 既浪費大西北居民既時間, 又令彌敦道擠塞, 對九巴黎講又用多左車, 真係三輸.
原帖由 Maltesers 於 2008-10-15 23:28 發表 http://www.hkitalk.net/HKiTalk2/images/common/back.gif
(其實外國好少個個巴士站都幾十人排隊上車，其一乃因為雙向分段，其二係唔駛等死一條線，本身每線班 ...
除左香港外有咩大城市咁依賴巴士?