愚問, 點解沙田來往將軍澳有一定需求
需求係來自... ?
(真係唔知所以好奇問下)
我唸樓主係覺得會有D需求姐!
其實照我平時所見,沙田出觀塘轉98A/296A入將軍澳的人係有一定數目
真係有一定的需求
而且沙田區議會提出話開辦沙田至將軍澳新線好耐
而我自己覺得多條線當然無壞(我自己住沙田,但建議的路線唔經)
但係我覺得收費太貴
80X轉98A都係要$7.6
收$10.5貴成三蚊,我就未必會搭
但係可能板友都覺得$10.5屬快線,收費貴係正常
我雖然唔可以代表普羅大眾
但係我自己就真係覺得貴左D,價錢差得太遠,未必會搭
我就認為都總會有D人會因為此收費而卻步
不過無論如何,我就有D小建議
我認為應該同大老山隧道(沙田)線加大轉乘
我的意思即係咁
289-->其他大老山隧道線 第二程減收$4.6
其他大老山隧道線-->289第二程減收$4.6(82X/84M/286M)/$6.1
唔知得唔得呢?我希望可以吸引到此線服務範圍外的乘客轉乘本線
[ 本帖最後由 fishballkwok 於 2009-11-29 23:48 編輯 ]
回復 11# 的帖子
其實 263 點解咁多人搭 , 相信閣下亦都明白而呢個正正係 289 比起落觀塘轉車優勝而且收得更貴之處 :) 原帖由 fishballkwok 於 2009-11-29 23:46 發表 http://www.hkitalk.net/HKiTalk2/images/common/back.gif
我唸樓主係覺得會有D需求姐!
其實照我平時所見,沙田出觀塘轉98A/296A入將軍澳的人係有一定數目
真係有一定的需求
而且沙田區議會提出話開辦沙田至將軍澳新線好耐
而我自己覺得多條線當然無壞(我自己住沙田,但建議 ...
之前有人問過（好似立法會提問定唔知邊度）轉乘優惠組合最多人用係乜野
運輸署／九巴（唔記得邊個）答過最多人用：
第一位：屯門線城隧轉乘（間接促使263成事）
第二位：將軍澳線轉乘與沙田組別......
另一方面，天空之神兄講的比喻合理，現時有似263，收$13.00，
城隧線轉乘計劃屯門組別最平收$10.70，到現在都一樣多人使用。
收$11.50的將軍澳沙田線，考慮到行車距離超過30公里，已經算平（跟278x咁樣價錢參巧）
而只係講不停站路段都超過15公里。事實上真係收平左。
[ 本帖最後由 KC3555 於 2009-11-30 12:38 編輯 ] 有條問題係設計路線上有困難... 想問下師兄
1. 如果根據呢條線同修改前, 你覺得先經沙田市中心,後到乙明沙角 定相反(即現時建議)呢?
2. 如果加轉乘優惠, 需要加邊幾條?
3.有冇需要再加分段收費?
4.如果好似修改前建議(火炭開,經禾輋瀝源,市中心再行乙明沙角) 有咩好處同壞處 & 如果禾輋同瀝源真係無大隧線既需求 經,定係吾經既好處多d ?
5.如果想服務更多地方, 最適合此在沙田哪個總站?
6.沙田邊個地方比乙明沙角更有需求?
謝師兄 原帖由 初級巴士迷 於 2009-12-1 18:23 發表 http://www.hkitalk.net/HKiTalk2/images/common/back.gif
有條問題係設計路線上有困難... 想問下師兄
1. 如果根據呢條線同修改前, 你覺得先經沙田市中心,後到乙明沙角 定相反(即現時建議)呢?
2. 如果加轉乘優惠, 需要加邊幾條?
3.有冇需要再加分段收費?
4.如果好似修改前建 ...
1. 我認為路線設計第一係感覺直接，唔好俾人覺得有返轉頭的成份。
第二，考慮潛在競爭對手的服務，儘量取捨最大優勢，劣勢就一定有。而時間就永遠係大多數乘客關注的要點。
2. 路線經大老山隧道，就當然配合原本的情況，一條都唔放過，如果太多優惠價錢階級，乘客很難適從。
3. 如非必要，根據現時各路線的收費基準。
4. 正如點一回覆，儘量避免給乘客有兜路的感覺，乙明及沙角可以步行過去沙田市中心坐車都不過份。
還有攪清楚一樣，乘客立場永遠都係他們附近有甚麼路線可以最快到達及最直接到達目的地，而並非有邊條道路可以用。
還有一方面必須要考慮巴士總站現況，山尾街這個舊式設計的總站，現時稍長一點的巴士入站都有困難，而且小巴阻塞。
很難增加一條全日對外路線。
5. 我當然撐自己的建議，不贅。
6. 全個沙田都有需求（有人住及用的地方就有需求），所以要如何抉擇取捨。
還有路線設計不宜過份主觀，例如你經常圍繞住乙明及沙角去轉，就知道你主觀並且你可能家住那裡，
或者與那地方有緊密關係。
我用我對我自己的293X詳細構想去讓你明白我如何去規劃這條路線：
第一：我首先將沙田及將軍澳的工作地方，消閑地方及居住地方分開。
第二：考慮大老山隧道的資源。
第三：大多數市民不願意轉車，而大多數市民又不願意行車時間太長，通常在區內行超過30分鐘都會令乘客不滿。
而且沙田將軍澳線構思亦建基於盡量照顧最大需要。
閣下的火炭計劃：Google Map顯示行車時間約21分鐘，行車里數7.1公里
服務範圍：火炭工業區，禾輋，瀝源，沙田市中心，乙明／愉城苑，博康，沙角，花園城一帶，威爾斯。
服務一個工貿區（將軍澳上班通勤），五個公共屋邨，一個居屋屋苑（沙田返工），一個市中心區（日間乘客上落要點）
閣下的沙田圍計劃：Google Map顯示行車時間約19分鐘，行車里數6公里
服務範圍：沙田市中心，乙明／愉城苑，博康，沙角，花園城一帶，威爾斯。
服務０個工貿區（將軍澳上班通勤），三個公共屋邨，一個居屋屋苑（沙田返工），一個市中心區（日間乘客上落要點）
好明顯計劃二更差。還要無啦啦兜一個圈，沙田圍至博康段路浪費左（做唔到客）。
我的大圍計劃：Google Map顯示行車時間約24分鐘，行車里數8.2公里
服務範圍：新翠邨，田心村，海福一帶，美林，成全路工廠區，沙田市中心，沙角邨，花園城一帶，
威爾斯／愉田苑，愉翠苑，沙田第一城／欣廷軒，插桅杆工業區，石門工業區（勉強）。
服務三個工貿區（將軍澳上班通勤），三個公共屋邨，兩個居屋屋苑（沙田返工），
比你多一堆的私人樓，一個市中心區（日間乘客上落要點）
還有潛在的隆亨，雲疊，博康，乙明都成為我的服務網。
咁你就知，行車時間相差很少，服務範圍我比你大很多，自然我條路線效益會比你大。
正如我之前講，先服務左返工市民。所以我將兩個工貿區擺最後，（即反方向一出就係）
大大縮短左返工時間。
市中心方面，只要比鐵路有競爭優勢的話（時間不會慢鐵路超過10分鐘），市民都會很樂意坐巴士，
起碼唔使轉來轉去之餘，轉車時間都係返度。
至於將軍澳定線：先到坑口就係方便到工業邨通勤，而且一定會比鐵路更快。
然後到將軍澳市中心區住宅密集地方，最後為才寶林做總站，方便山上乘客用轉小巴來回，
唔再上山的原因係行車時間會太長，對將軍澳乘客吸引力減弱之餘，而估計沙田乘客會較少。
因為去觀塘轉車可能仲快。
呢一個就係我的設計意念。全程行車時間約75分鐘，全程行車里數約32-33公里，但服務範圍就廣泛得多。
轉乘優惠就找出我服務的盲點，利用現有的大老山及將軍澳區內轉乘之餘，盲點就只有
81K及88K服務的地方，所以就此加轉乘優惠。
[ 本帖最後由 KC3555 於 2009-12-1 19:42 編輯 ] 原帖由 KC3555 於 2009-12-1 19:38 發表 http://www.hkitalk.net/HKiTalk2/images/common/back.gif
至於將軍澳定線：先到坑口就係方便到工業邨通勤，而且一定會比鐵路更快。
然後到將軍澳市中心區住宅密集地方，最後為才寶林做總站，方便山上乘客用轉小巴來回，
唔再上山的原因係行車時間會太長，對將軍澳乘客吸引力減弱之餘，而估計沙田乘客會較少。
因為去觀塘轉車可能仲快。
呢一個就係我的設計意念。全程行車時間約75分鐘，全程行車里數約32-33公里，但服務範圍就廣泛得多。
如果要整條好似E22A兜晒三大區既對外線，你預冇山上客坐都得啦
因為98A轉乘車資更平，將沙貴就預左，仲要畀埋小巴駁腳真係可以慳d
之後你條將沙成75分鐘先一單，來往沙田尾車都要50分鐘，其實同轉車個車程都唔差得遠
所以個人一直堅持將沙最好連寶林都唔好做，反正要寶林客兜餐飽都係sai氣
[ 本帖最後由 ~誰@359~ 於 2009-12-1 21:09 編輯 ] 原帖由 KC3555 於 2009-11-29 01:43 發表 http://www.hkitalk.net/HKiTalk2/images/common/back.gif
293X 寶林＜－＞大圍鐵路站
寶林開：欣景路，佳景路，寶林北路，寶豐路，寶康路，唐明街，寶順路，寶邑路，昭信路，寶寧路，常寧路，重華路，坑口鐵路站，
名成街，常寧路，寶寧路，寶林北路，寶順路，將軍澳隧道公路，將軍澳隧道，將軍澳隧道公路，將軍澳道，觀塘繞道，大老山隧道，
大老山公路，小瀝源路，插桅杆街，銀城街，沙田圍路，沙田鄉事會路，大埔公路，沙田市中心，沙田鄉事會路，沙田正街，白鶴汀街，
大埔公路，美田路。
大圍鐵路站開：美田路，大埔公路，沙田鄉事會路，大埔公路，沙田市中心，沙田正街，橫壆街，源禾路，沙田鄉事會路，沙田圍路，
銀城街，插桅杆街，小瀝源路，大老山公路，大老山隧道，觀塘繞道，將軍澳道，將軍澳隧道公路，將軍澳隧道，將軍澳隧道公路，
寶順路，寶寧路，常寧路，重華路，培成路，坑口鐵路站，名成街，常寧路，寶寧路，坑口北，寶寧路，昭信路，寶邑路，寶順路，
唐明街，寶康路，寶豐路，欣景路，佳景路。
將軍澳區的道路，我唔係太熟，不作評論，但係相當認同閣下的理念。
至於沙田區路線，其實我諗緊，如果出沙田巿中心後，行大涌橋路、小瀝源路，之後入大老山隧道，
同閣下粗字所示路線相比，邊條路會比較快？我相信我的建議，對石門工業區的返工客會比較方便，
但係就可能流失左愉翠苑的客。
小小反建議一個，歡迎賜教。
回復 15# 的帖子
係沙田區入面既定線吸引力好低...係大圍搭89B/80轉車應該可以仲快...
係沙中既話相信都可能係差唔多...
Main point係入第一城既時間都...
其實,沙田兜咁多地方完全冇好處
本身又有大老山既轉車站...
行咁多地方車又要多...
又未必真係咁引到咁多人去搭
我認真將沙個沙應該主要focus on 沙中而唔係第一城... 原帖由 ~誰@359~ 於 2009-12-1 21:07 發表 http://www.hkitalk.net/HKiTalk2/images/common/back.gif
如果要整條好似E22A兜晒三大區既對外線，你預冇山上客坐都得啦
因為98A轉乘車資更平，將沙貴就預左，仲要畀埋小巴駁腳真係可以慳d
之後你條將沙成75分鐘先一單，來往沙田尾車都要50分鐘，其實同轉車個車程都唔差得遠
所以個人 ...
第一：我都有講，事實上山上我預佢觀塘轉車一定係最理想，不過我亦唔可以排除一切的可能性。
第二：我很同意你的講法，不過，寶林我的另一個考慮，係在新都城消費而不欲轉車的沙田乘客。
我計過，我條路線寶林開出，欣明苑兜完圈後直去尚德，不經調景嶺，經將軍澳市中心去坑口。
路線比E22A直接好多。而且，以心理的角度，很少人喜歡消繾完後轉車回家，需求未必很大，但都唔會做唔到。
而且，好像屯門碼頭區而言，屯門碼頭往沙田，很多人已經放棄59M到荃灣轉沙田車，
反而用更多時間到市中心或屯門站去轉263，這個方法比較慢及貴，居然能吸引到人，
舉而反之，行寶林未必無客。 原帖由 S3BL100 於 2009-12-1 21:26 發表 http://www.hkitalk.net/HKiTalk2/images/common/back.gif
將軍澳區的道路，我唔係太熟，不作評論，但係相當認同閣下的理念。
至於沙田區路線，其實我諗緊，如果出沙田巿中心後，行大涌橋路、小瀝源路，之後入大老山隧道，
同閣下粗字所示路線相比，邊條路會比較快？我相信我的建議，對石門工業 ...
行車路線你會快約3-5分鐘，但只係得富豪花園客，放棄沙角邨博康邨及愉翠苑客。
你認為如何？如果這樣你有甚麼高見？