但無可否認，社民連既巿場真係好有潛力，越做越有，
唔係既公民黨都唔會揀走埋佢呢條"不歸"路。
而我就覺得，社會無呢d較"激進"聲音，無乜爭議話題，
社民連既存在根本就無乜意義。
(有d左派都話泛民只係識得炒作話題，為自己利益去做事)
個人認為，社會開始對政改有共識，雖然唔算好但都好過無，
而有人見到咁，睇唔過眼，就開始比壓力民主黨，
究竟邊班人係想社會好?
有人話政府因政改而忽視其他民生，但我見呢個問題係政黨主導晒囉......
除左普選特首，廢除功能界別，我都想睇下佢地有咩實質既民生政策。
如果唔係都唔會吸引到我投佢地一票。
原帖由 kay 於 2010-6-21 08:22 發表 http://www.hkitalk.net/HKiTalk2/images/common/back.gif
但無可否認，社民連既巿場真係好有潛力，越做越有，
唔係既公民黨都唔會揀走埋佢呢條"不歸"路。
而我就覺得，社會無呢d較"激進"聲音，無乜爭議話題，
社民連既存在根本就無乜意義。
(有d左派都話泛民只係識得炒作話題，為自己利 ...
其實自回歸後, 有一班人係"千錯萬錯, 都係政府的錯", 自03 sars 後更
加嚴重........雖然好多情況, 政府的確唔係好, 但呢班人咩都會話政府
唔o岩, 係好多其他層面都係..
之後, 這情況可以極端化, 唔只政府, 任何親政府陣營都會被反對, 大商家,
地產商等, 同樣反對...
結果某程度, 社民連呢d 針對住呢條路線的政黨, 咪出左黎, 支持者亦與日俱增..
我可以講,社民連係成功的....
社民連成員, 一向都咁 ga la.. 長毛係人前都激左10幾年....都唔係咩新鮮事,
不過最大問題係現在社民連睇中係一班無乜社會經驗的激進青年人, 用民主自由
的包裝, 去令呢班人激化社會運動....這是最危險的....
現時粗口對罵, 鬧惡, 鬧大聲, 圍人, 等等越來越多, 香港政治生態係向危險方向發展,
過往激烈言論只在網上出現, 現在則在每一個政治場合....
其實這並不是民主自由, 相反, 越多呢d激烈言論/行為, 只是不斷收窄言論自由及空間,
正如唔少版友講, 好多人已經開始驚與別人討論政治, 自我審查, 怕被人標籤.....連
"民主黨"都可以"最無恥", 討論空間仲係邊度呢...
我知呢度都唔少社民連支持者, 我亦俾版友批評過我係針對社民連, 無錯, 我係, 但由飛蕉開始,
去到依家香港的整體情況, 激烈文化, 只是好短時間, 我希望呢d人再諗深一層, 這方向是否正確...
[ 本帖最後由 3ASV196 於 2010-6-21 08:53 編輯 ]
#152：
別板出現要對劉慧卿不利的言論，這已是最危險的訊號。
想當年，維園阿伯鬧劉慧卿係「瞓街卿」、民主黨反中亂港，
大家都係聽完笑下就算，阿伯都係拎個大聲公嗌完就算。而家班熱血青年真係會付諸行動架嘛。
今日都市日報同am730的評論都大致上反對社民連的行為，
我只見到有一個係認為民主黨脫離路線而提出質疑。
講真，從民主黨決定不參加變相公投、推動談判路線開始，佢地都應該預到有今日的結果，
背負著大量選票、同香港人朝夕相對廿多年，終於同中央破冰，難道會是倉促的決定嗎？
佢地一定經過深思熟慮、抱著「雖千萬人吾往矣」的心態，以求在不見成果的議會抗爭外殺出一條血路。
信任是堅基於往績，我堅信佢地係「忍辱負重」而唔係「通共賣港」。
還有，佢地都透露在與中方官員會面期間，有被要求退出支聯會，佢地拒絕。這難道又是出賣港人？
泛民分裂......「泛民」根本就是一個鬆散的、外人施加的標籤，從來就無合過，何來分裂呢？
不必拘泥於這些虛名，我只欣賞幹實事的人。
另外，蘋果同民主黨元老關係比較好，肥佬黎唔知會唔會同毓民有牙齒印添（我個人亂估），
好在蘋果同民主黨統一口徑，否則若蘋果在此時煽風點火的話，
民主黨過去幾個月的努力，以至過去廿年的基業，都會毀於一旦。
我又唔信肥佬黎忍心自己份報紙變成癲狗亂吠，
內地同胞睇過之後係覺得佢係真愛國架（在一些網上遊記看到的）。
[ 本帖最後由 DIH 於 2010-6-21 09:18 編輯 ]
原帖由 DIH 於 2010-6-21 09:09 發表 http://hkitalk.net/HKiTalk2/images/common/back.gif
#152：
別板出現要對劉慧卿不利的言論，這已是最危險的訊號。
想當年，維園阿伯鬧劉慧卿係「瞓街卿」、民主黨反中亂港，
大家都係聽完笑下就算，阿伯都係拎個大聲公嗌完就算。而家班熱血青年真係會付諸行動架嘛。
今日都市日 ...
雖然坊間對民主黨方案正面，
但明報今日就偏偏刊登公民黨利廣德對區議會方案既質疑既文，
仲話區議會壯大會影響民間專業意見，
睇完之後覺得有人又想將高鐵拉埋一齊講。
而依家d人最反對民主黨方案，都不離於中央特區會反口，
但係我覺得，根本無得反口，除非佢想壯大社民連。
而2012區議會方案，根本係現有框架下可做的事，別無他法
(唔怕講，本人係尊重人大決定，同埋，唔到你揀尊唔尊重)
個人希望現有修改方案能通過，到下次政改就唔駛再翻叮所謂爛方案，
而我都希望泛民可以爭氣d，盡力在未來在立法會拿到2/3議席，順勢推翻功能界別。
而再講蘋果，上次補選衰左之後，唔知係咪咁佢對香港整體生態再作出審視，將道德高地企低d，
但係佢之前成功激起黎個班人，呢d火頭要撲熄根本唔可能。
原帖由 DIH 於 2010-6-21 09:09 發表 http://www.hkitalk.net/HKiTalk2/images/common/back.gif
#152：
別板出現要對劉慧卿不利的言論，這已是最危險的訊號。
想當年，維園阿伯鬧劉慧卿係「瞓街卿」、民主黨反中亂港，
大家都係聽完笑下就算，阿伯都係拎個大聲公嗌完就算。而家班熱血青年真係會付諸行動架嘛。
今日都市日 ...
其實雖然我一直都唔係完全同意民主黨, 但佢地對香港的功勞,
亦係功不可沒, 如果我係民主黨元老, 我都會好灰....搞左香港民主
20幾年, 終於行出令中央讓步的第一步, 本身應該開心, 但卻俾人
打成"出賣"香港人.....
而鬧佢地的部分人, 係民主黨開始搞民主時, 佢地都未出世...
真係來得可笑...@@
昨日見到d人圍住叫"民主黨更無恥", 仲要警察保護返民主黨人,
我真係啞左....真正無恥, 正是胡亂批評, 靠惡, 靠強迫他人的人....
相信現在民主黨最怕係23日投完票, 走唔到...
[ 本帖最後由 3ASV196 於 2010-6-21 09:29 編輯 ]
原帖由 kay 於 2010-6-21 09:23 發表 http://www.hkitalk.net/HKiTalk2/images/common/back.gif
雖然坊間對民主黨方案正面，
但明報今日就偏偏刊登公民黨利廣德對區議會方案既質疑既文，
仲話區議會壯大會影響民間專業意見，
睇完之後覺得有人又想將高鐵拉埋一齊講。
而依家d人最反對民主黨方案，都不離於中央特區會反 ...
明報同時亦有刊登"劉慧卿﹕反駁黃毓民議員 抹黑民主黨",
我想刊登不同意見都是正常的, 不過就個人而言, 黎廣德
自高鐵後, 我本人好難再相信呢個"專業人士"的說話....
原帖由 3ASV196 於 2010-6-21 09:42 發表 http://hkitalk.net/HKiTalk2/images/common/back.gif
明報同時亦有刊登"劉慧卿﹕反駁黃毓民議員 抹黑民主黨",
我想刊登不同意見都是正常的, 不過就個人而言, 黎廣德
自高鐵後, 我本人好難再相信呢個"專業人士"的說話.... ...
你都唔係唔知我特登搵黎廣德個篇為乜架啦:lol
講真，民主黨都話多d議席可以等第2階梯上位，
上次立法會選舉，真正比第2階梯上到既唔多，就以陳淑莊為例，
因為好多時都要玩配票，一見唔對路就告急，咁有事起上黎，讓舊人擔大旗無可厚非。
況且，呢個方案通過左，對整個泛民捧新人上位都有利，
可以透過直選，亦都可以透過區議會剷上去。
所以，公社兩黨應該都會口不對心，話就話唔支持，但最後都會派人去爭新議席，
下屆立會會否黎個惡性競爭，一場龍爭虎鬥，就由6月23號開始....(講下笑..)
依家預備得黎，2012再選立法會其實唔算耐，
如果計區議會議席，咁就睇出年，出年都應該幾精彩:lol
另外，再講劉慧卿，佢話明如果日後選區議會門檻高比人呃既話，佢會辭職，
卿姐咁樣都叫做派定心丸啦掛...
原帖由 ArnoldC 於 2010-6-21 03:06 發表 http://hkitalk.net/HKiTalk2/images/common/back.gif
其實而家除咗泛民內訌之外，我諗最大憂慮係政府(中央or特區)喺修改基本法附件之後改口。
畀著我，我會叫政府先拎本地立法法案出嚟，由立法會審議、通過咗，再叫特首唔好簽住；之後先修改基本法附件，等人大常委批准/備案咗，先由 ... 若果下下都驚中央反口既
咁就算中央話有2012普選既
一樣都可以唔信
再講,中央有咩需要改口?
香港又唔係咩咁大咁緊要既事非到要中央下下轉口不可
原帖由 3ASV196 於 2010-6-21 09:27 發表 http://hkitalk.net/HKiTalk2/images/common/back.gif
其實雖然我一直都唔係完全同意民主黨, 但佢地對香港的功勞,
亦係功不可沒, 如果我係民主黨元老, 我都會好灰....搞左香港民主
20幾年, 終於行出令中央讓步的第一步, 本身應該開心, 但卻俾人
打成"出賣"香港人..... ... 其實見住城市論壇何俊仁俾人圍都有D驚訝
平時受到社民連如此對待既人就只有建制派
估唔到今次係何俊仁...
原帖由 Snoopy@FB8617 於 21/6/2010 10:34 發表 http://www.hkitalk.net/HKiTalk2/images/common/back.gif
若果下下都驚中央反口既
咁就算中央話有2012普選既
一樣都可以唔信
覺得中央點都反口的人，
梗係唔會咁蠢叫中央承諾呢樣果樣，
而係會行老毛路線，直接諗點樣奪權，
鬥倒任何可能構成阻礙的人、物或團體。
社民連所代表的，好大可能就係呢種人。