四順來往觀塘既交通組合真係一榻糊塗
相信呢個問題一定唔係我第一個講..23,23M,26M既走線雖然重疊，但班次就嚴重不均，一係半個鐘冇車，一係一分鐘泥四五架
而且市中心行去搭車返四順仲要走到冇雷公咁遠，索性搭619陪兜
我試過係順安行落去觀塘，行到去輔仁街先至有一部23M路過(即係表示行路仲快過搭車)
仲有條48小巴，但都幫唔到咩手
呢段路程不長，但需求一d都唔細，一堆公公婆婆等足四個字日曬雨淋發哂火都仲未有車
真係唔知九巴想點
歡迎討論 四順落觀塘嘅綠小係47,48係去九龍灣
根本23,23M,26M同綠小47係鬥疏
23就因為收費平,所以九巴刻意陰乾佢
26M就一向都只係執雞
獨市(觀塘<>彩雲)需求唔大
而26M放站位置亦都吸引唔到四順人搭
(往觀塘方向,26M只停基順小學,順利邨利康樓,利安邨,順天總站同順天邨天韻樓)
行利安道落觀塘注定佢食唔到客
因為行出順利邨道有23同23M兩個選擇,點等都未致於等26M咁耐
同埋,23比26M平,但站位一樣,更加令到四順人唔搭26M
23M係九巴最"重視"一條
因為創紀之城,物華街同協和街收得最貴(不計過海線)
所以九巴寧願開多兩班23M, instead of 23
不過23M去到食飯時間就死哂,成日都30-35分鐘一班
但非繁時佢又開到好密(平均10分鐘有車)
完全唔知佢搞乜
綠小47就算啦,佢個位比較隔涉
(雖然係停"觀塘站",但行上去港鐵站都要5分鐘)
而且收費貴,所以又係冇乜人會等佢(繁時例外)
619都唔見得好幾多
收費貴唔在講(過海線冇得傾)
兜路亦好嚴重(基本上喺觀塘上車,同調轉23M搭一次冇分別)
九巴時段班次亦好疏,係城巴時段班次密d,吸引力高少少
四順往返觀塘其實一早應該要重組
但依家九巴嚴重缺人,再加上其進取態度
唔再減班都已經還神,更遑論重組/加班改善服務 其實區內線一早唔應該由巴士做..
唔好只係抽九巴水.. 全香港有邊條區內線係做得好?
以下係做得唔好既例子
馬鞍山 285(已取消)
沙田 286P(已取消)
TKO 796(已取消), 296M
東區 2M(已取消), 84M(已取消), 84(已取消), 83(已取消)
82M
南區 多到數唔晒, 係98叫好睇D 原帖由 neosan 於 2010-11-21 14:49 發表 http://www.hkitalk.net/HKiTalk2/images/common/back.gif
其實區內線一早唔應該由巴士做..
唔好只係抽九巴水.. 全香港有邊條區內線係做得好?
以下係做得唔好既例子
馬鞍山 285(已取消)
沙田 286P(已取消)
TKO 796(已取消), 296M
東區 2M(已取消), 84M(已取消), 84(已取消) ...
如果無巴士做區內線的話,
通常小巴係應負唔到繁時需求
但非繁時巴士同小巴並存之下,
巴士就會跌入 唔夠客=>減班=>客源流失到小巴=>更唔夠客 的循環 西鐵個堆如果比純巴士公司做都係死十世，成日話輕鐵廢，如果無輕鐵，屯元天區內巴士都會做到不知所謂，尤其是屯門，天水圍人口分散，比巴士做一樣要行大運，唔好用現在個D區外線在區內做流水客做比較。 原帖由 Quanta 於 2010-11-21 15:27 發表 http://www.hkitalk.net/HKiTalk2/images/common/back.gif
如果無巴士做區內線的話,
通常小巴係應負唔到繁時需求
但非繁時巴士同小巴並存之下,
巴士就會跌入 唔夠客=>減班=>客源流失到小巴=>更唔夠客 的循環 ...
但係四順往返觀塘係九巴自己做衰自己
綠小47一向都冇客(非繁時)
只係九巴三條路線太散,令到客量不穩 原帖由 天瑞總站 於 2010-11-21 15:03 發表 http://www.hkitalk.net/HKiTalk2/images/common/back.gif
西鐵接駁個堆算唔算?好多客都唔係用黎駁西鐵
如果西鐵接駁車唔係有轉乘
我覺得以家做得好大部份原因都係轉乘..
即係旺丁唔旺財
諸如K52 K68可能只係因為無其他選擇
K65 K66好多人都搭緊小巴啦。。 原帖由 proschebus 於 2010-11-21 15:37 發表 http://www.hkitalk.net/HKiTalk2/images/common/back.gif
西鐵個堆如果比純巴士公司做都係死十世，成日話輕鐵廢，如果無輕鐵，屯元天區內巴士都會做到不知所謂，尤其是屯門，天水圍人口分散，比巴士做一樣要行大運，唔好用現在個D區外線在區內做流水客做比較。 ...
少許離題
無輕鐵，屯元天區內巴士都會做到不知所謂
其實只係輕鐵有政策保護
如果無，輕鐵一樣唔多惦
其實以家輕鐵都成日被人話不知所謂:handshake 原帖由 Quanta 於 2010-11-21 15:27 發表 http://hkitalk.net/HKiTalk2/images/common/back.gif
如果無巴士做區內線的話,
通常小巴係應負唔到繁時需求
但非繁時巴士同小巴並存之下,
巴士就會跌入 唔夠客=>減班=>客源流失到小巴=>更唔夠客 的循環 ...
其實一個好明顯既例子
新巴82M同小巴47M, 即使繁時小巴大排長龍
82M一樣可以無乜客, 一車可能少過30客
我唔係想話新巴做得唔好, 只係基本上巴士係短途線好難發揮作用
大巴上落車時間, 小巴可能行左一半路途
變相D人唔想搭巴士, 從而巴士越做越頹
班次越疏, D人越唔想等