口音相同？到底板主既廣東話差定我既差呢？
你試吓同人講「未行過」同「咪行過」啦
根本係唔同音
根據粵語拼音︰
「未」係Mei既第6聲
「咪」可以屬係Mai既第1,5或6聲、Miu既第1聲，就算有拼音係同屬「未」字既Mei，但佢只發 ...
本人同意兩字意思不同，容易引起誤會；在#9的情形裏，「未」及「咪」含意相反。
但回應#9乃對以下文章的回應：
原帖由 Crotone 於 2011-2-3 21:44 發表 images/common/back.gif
看來上果條大斜時...我會食住花生等睇戲 images/smilies/default/lol.gif
按上文下理及語氣推斷，edhong於#9的回應「118 未行過二代 B9TL 囉 ...」，
原意不可能指118不曾行過二代B9TL；相反，有合理理由相信，原文是指
118曾經有二代B9TL行走，回應站友Crotone對有關車輛性能的疑惑。
再者，根據edhong於#11對DK704_3N133的回應：
所以我未講行過 囉 ~
亦有充份理由相信，edhong使用「未」字，純粹廣東口語之便，並非蓄意誤導站友。
另外，值得一提，站規27條禁止發表具誤導性或誇張失實之文章，但有關站規之用意
主要在於規管站友蓄意發表不合乎事實之新聞消息、誤導其他站友之行為（俗稱「放流料」）。
118是否已行過AVBWU，並不屬於發佈新聞消息，因此明顯不構成違反有關站規。
當然，本人絕對同意，原作者在用字上有改善空間。
回復 71# 的帖子
咁其實討論區有無按制卽讀功能?如果無ge...好難去行音節先決ga bo.......
互聯網ge.....點都係文字先決la... 原帖由 DK704_3N133 於 2011-2-21 14:41 發表 http://hkitalk.net/HKiTalk2/images/common/back.gif
咁其實討論區有無按制卽讀功能?
如果無ge...好難去行音節先決ga bo.......
互聯網ge.....點都係文字先決la...
咪就係
如果連特見版既日期格式都咁執著，
我完全唔明點解呢度個 "未" ="咪"
我覺得一係就錯誤資訊，一係就詞不達意 我得一樣唔明，就係點解板主不斷地維護住某站友
甚至連發放字面意思 “否定 AVBWU 行 118” 嘅信息都可以用 “上文下理” 扭曲至符合該站友嘅解釋
恕本人未能接受 admin49 在此及 iMsg 中的解釋
回復 71# 的帖子
如果下下都要先睇上文下理先知佢O翕乜咁都幾晒時間
正如上面板友所提及，本板以文字表達意思、唔係讀音先決
第一眼望到果個字都會用正常人用開既意思去理解果段文字
邊個會再繼續了解果隻字既其他讀音？
根本「未」同「咪」係兩種不同意思既字
點解咁都可以拉埋一齊講？
請記住
呢度用既係文字，唔係用口論述
係用眼理解文字意思，唔係用口去理解文字意思
將未字歪曲成咪字
呢種取巧法簡直無法接受
若然板主認為未=咪，咁我只好當板主你擁有非一般中文水平
亦只好認為同康師傅既中文水平同本板既板友既中文水平亦有一大截距離
[ 本帖最後由 sea1986 於 2011-2-21 16:14 編輯 ] 講開又講
19號見到E400打住R8牌起寶林北路經過:lol （因涉及個人意見，所以用個人戶口發表，不代表站方立場）
我唔係話唔同意用「未」字當「咪」係錯誤、有問題，
亦唔否認原文容易令人誤解（#10已經有人提出），但係判斷一篇文係咪違規，
本身好應該睇上文下理推斷，而唔係走去捉字蚤。
其實我都唔認同隨便用錯字別字同音字去代替正字，不過睇返坊間其他討論區，
間唔中都會見到「我未係話」呢類phrase，咁樣用字本身的確係唔好，但係
呢度係一個討論區，有冇必要諸多挑剔，玩正音正字，一錯就捉人違規呢？
我唔知大家係咪覺得個「未」字嚴重違規，
但係如果因為咁走去警告甚至停人板，同玩文字獄有咩分別？
上面有人覺得我係保緊某板友，心水清既板友應該都知道edhong係我管理的B0板的板助，
但係我相信，換轉係其他admin，大部分見到咁最多都只會出注意，
而且我唔會偏袒任何一方。講開文字獄，上兩個月站友FBI2俾停板，
果單一樣係文字獄，最係俾我推翻呢個決定。我本來唔想講，
但係我因為呢單野已經私下對edhong作出嚴正訓示，從來無專登要保住任何一人。
如果因為呢D文字獄走去停人板，其他板友又會諸多不滿，質疑admin的執法標準云云，
而呢單野我可以預料，如果真係停板，走去上訴差唔多肯定打得甩。
至於有人話呢單野屬於「放流料」，違反站規27條，同樣係講唔通、文字獄。
如果我話俾大家聽，聽日會有50架AVBWU出牌，但係結果聽日都係無AVBWU出牌，呢D就係放流料。
但係#9個情形，AVBWU行過118係早已經發生的事，唔算新料，
edhong明顯無蓄意「放流料」之意，最多只可以話佢詞不達意、用字不當。
站規27條本身唔係咁用，上幾個月有人B3板貼走出馬路影的相，之後聲稱無走出馬路影相，
果陣我都考慮過用27條，但係當時有資深admin同我分析，27條本身唔係咁用，「報流料」根本告佢唔入。
恕我直言，hkitalk近月貼文量下降，除因為部分admin執法引起非議外，
另一個因素，就係捉字蚤同捉痛腳的風氣盛行，不論部分admin及板友皆如是，
令人感受不到討論的誠意，風氣令人卻步，令資深板友逐步離開。
呢度係討論區，唔係學校，做人係咪真係需要做到咁盡，下下都要無錯字無痛腳事事完美先放手呢？
回復 77# 的帖子
無話你判錯只係你用錯理由去駁回投訴姐
真係無犯規而又有人中伏ge.....
出張正式注意文章訓示有關人士係咪更好呢?
回復 77# 的帖子
無人要正字但呢個CASE真係可唔可以正字扯唔上任何關係
因為根本兩隻字既意思完全相反
未同咪兩字已經談不上咩「錯別字」錯誤
而係錯到離天百丈遠
學上面話
冇人對你判決覺得有問題
只係你解釋理由牽強
上FORUM要用讀音先決我都第1次聽 原帖由 sea1986 於 2011-2-22 11:52 發表 http://hkitalk.net/HKiTalk2/images/common/back.gif
無人要正字
但呢個CASE真係可唔可以正字扯唔上任何關係
因為根本兩隻字既意思完全相反
未同咪兩字已經談不上咩「錯別字」錯誤
而係錯到離天百丈遠
學上面話
冇人對你判決覺得有問題
只係你解釋理由牽強
上FORUM要用 ...
1.你想表达什么？
2.咪同未系意思唔同，如何完全相反？
咪：形容猫叫声或唤猫声
未：没有
咪亦作为粤语助语词
点样完全相反？
呵呵，个人认为一只字唔使搞到好似甘大件事卦