「當年小事」靈活的珍寶
http://farm3.static.flickr.com/2618/5776337289_516508bd80_b.jpg 中巴既DMS 比九巴既配罝係咪良好一點? 至少中巴XF 坐到93 年都仲有DA 牌既佢 ... 要不是二手, 可能新巴時代佢仲可以行走! 想問問XF係唔係從來只有路線布有紅牌而地點冇既?
另外側邊封左果牌箱位有冇用過?
thanks... 原帖由 franco26 於 2011-5-31 00:13 發表 http://www.hkitalk.net/HKiTalk2/images/common/back.gif
中巴既DMS 比九巴既配罝係咪良好一點? 至少中巴XF 坐到93 年都仲有
倫敦運輸局買DMS時同時委託Park Royal同MCW造車身
而跟據用家經驗,Park Royal車身造工比MCW精細同耐用
雖然兩者外觀相約,但係從車身銻線走法同車尾太平門可以分辨到
同樣,吉拿引擎同利蘭引擎比一個天一個地...
中巴從英國引入DMS時特別要求只收配Park Royal車身同吉偈既珍寶
由於中介公司Ensign未能提供唔到208部配吉偈既DMS(有1部未交到貨就Total loss)
而要將部分原配利蘭偈既DMS換成吉偈先交得貨
又因為吉拿一時間造唔切咁多副偈,少部分XF投入服務後先換番吉偈
再加上中巴一流保養,部分XF留係香港既時間仲長過留係倫敦
反觀九巴引入100部DMS時冇特別要求,所以2D車隊中MCW/Park Royal車身配吉偈/利蘭偈都有
到九巴發現利蘭引擎唔掂,想將全數利蘭偈換番吉偈時先覺得唔划算
而且面對零件不足,九巴將大部分2D改頭換面成Metal Sections頭/BACo頭
無計可施下決定放棄2D 原帖由 franco26 於 2011-5-31 00:13 發表 http://www.hkitalk.net/HKiTalk2/images/common/back.gif
中巴既DMS 比九巴既配罝係咪良好一點? 至少中巴XF 坐到93 年都仲有
DA 牌既佢 ... 要不是二手, 可能新巴時代佢仲可以行走!
xf係玩到96年先退。 原帖由 WING93 於 2011-5-31 02:29 發表 http://www.hkitalk.net/HKiTalk2/images/common/back.gif
倫敦運輸局買DMS時同時委託Park Royal同MCW造車身
而跟據用家經驗,Park Royal車身造工比MCW精細同耐用
雖然兩者外觀相約,但係從車身銻線走法同車尾太平門可以分辨到
同樣,吉拿引擎同利蘭引擎比一個天一個地...
中 ...
其實, 當年兩巴入呢批車的目的的盤算都好唔同的。
當年中巴係為擴充而入車的(因為當年隧道線同M線係令中巴增加唔少需求的), 同埋由佢買車做的選擇中, 睇得出佢的盤算就已經係諗住買來長用
而且七十年代大手入二手車的經驗, 同埋批一手寶好使好用的經驗, 自然佢會在機械上同番佢批一手車睇齊啦。
九巴方面, 車身無特別揀, 引擎用蘭偈, 甚至連個自動轉波都唔搞(唔少車主買車要求除左改顏色之外的第一個動作就係拆自動波)。
好明顯係但求最平最快交貨為先-君不見九巴100架DMS一年內出哂呢點
(再提多一點, 當年吉拿引擎有缺貨問題, 甚至中巴都有幾架XF要用O680引擎在香港行一段時間先換番吉偈)
同埋其實九仔一開始就已經唔打算長用DMS, 因為在九巴來睇三軸車先係主流, dms只係用來代批閒閒地過20年車的老丹拿(A/B/C)。
再講, 九巴去到80年代連一手珍寶都已經開始想放棄(有部分一手寶只係行13-14年, 87-88年已經開始退), 咁對批麻煩更多的二手車的態度就更加唔駛講啦(當然啦, 某程度上呢批車去到香港咁多麻煩都係佢自己拎來)
在呢度要為番利蘭引擎平反一下, 雖然而家睇, 十個有九個話當時利蘭偈在香港的口碑麻麻
其實唔係隻隻都咁屎的, 因為除左當時的利蘭貨車之外, 三百幾架亞比安都係用一直用蘭偈行左超過二十年, 我就無聽聞過話亞比安副偈唔可靠。
但係當年Seddon Pannie4副V8偈就更加…呵。
二手XA同DMS所用的O680引擎, 在香港的表現亦都唔係衰得太貼地(七十年代批二手車中, XA算係表現比較好的一批);
城巴同雅高等等當年都有唔少680偈DMS+半自動波箱, 亦都無特別聽聞係特別多引擎問題; 就算中巴淨係養幾副O680, 都可以俾佢地玩到一殼時間
九巴批dms唔掂的其中一個死因, 同佢個麻煩多多的原裝自動波都有關係, 事實上中巴裝吉偈的自動波珍寶都好快換番哂半自動。
相反以前批二手PD3/PD5/PDR用的O600引擎表現就真係差到爆喇, 中巴同九巴用完都怕怕, 兩巴都有將PD3/5副600換成680或者吉偈。
[ 本帖最後由 HB00610 於 2011-5-31 09:10 編輯 ] 原帖由 victorkaho 於 2011-5-31 01:39 發表 http://www.hkitalk.net/HKiTalk2/images/common/back.gif
想問問XF係唔係從來只有路線布有紅牌而地點冇既?
另外側邊封左果牌箱位有冇用過?
thanks...
XF是沒有紅色地點牌布，只有紅色路線牌布。
另外側牌的「途經」牌箱由中巴開始至終都冇用過。 當年坐XF入赤柱簡直是享受，行63/65高速入彎上山落山，
與對頭車擦身而過的情境至今難忘，不比坐LV入石澳輸蝕！
現在很難找回那種感覺了…… 倫敦寶車身短,當年主力南區泳灘線,直到6由城巴接辦.
點解買倫敦寶的買家多數不要自動波?