小巴轉大巴建議計劃
近日報章報導，隨著鐵路發展，好多紅色小巴司機都要艱苦經營，地下勢力為爭取路線收入又不惜危險駕駛威迫「公海」小巴。另一方面，近日又傳出綠色小巴線因為生意不繼而要停駛。其實公共小巴乃1967年暴動期間巴士罷駛而應運而生嘅產物，隨著鐵路發展，生存空間早已大不如前，一方面同鐵路鬥快，一方面又要同巴士爭地盤，大家都無啖好食。不過，由於小巴牌有價，政府又唔可以輕言無償取締。
為改善小巴業困境，並改善九巴路線網內之巴士服務，我建議九巴下次專營權到期時，交出其中5條賺錢路線嘅經營權。小巴持牌人可以集合6個小巴牌換取一個雙層巴士牌，或以3個小巴牌換取一個單層巴士牌，然後合組公司，競投相關路線。
政府為競投者設下服務要求，包括：
1) 巴士設備最低要求(如2+2座位、低地台、八達通、環保標準、GPS、電腦行車監控裝置等)
2) 最高收費標準
3) 路線最低服務標準(時間表、班次)
4) 最低繁忙時間出車率(即實際班次比率，如98%)
4) 最低非繁忙時間出車率(即實際班次比率，如95%)
5) 總站開出時間準點率(如85%或以上班次要在編定時間前後3分鐘內開出)
6) 交通安全標準(如超速、衝紅燈告票數目等)
1及2為入標要求，如某一個月內3、4、5、6標準未能達標，則會被罰款。舉例，假如該月平均出車率比標準每低1%，就會被罰一個固定金額，而有關罰款會由政府收集，日後用作車費減免之用。為監控班次及行車狀況，所有巴士要安裝GPS及電腦行車監控，紀錄每轉車出車及到站時間。所有行車資料要即時傳送到運輸處電腦系統作紀錄，如有作弊會被取消經營權。
舉例，九巴74X目前派車35架，假如公開競投後有人用40架雙層巴士去競投，即可抵銷240個小巴牌(牌價以今日牌價計每個738萬，市值合共17億7千120萬)，一條線已可減少小巴數目近6%。
又或者九巴33A，服務差劣，目前派車10架，假如公開競投後荃灣區至旺角佐敦各線紅色小巴車主願意用20架單層巴士去競投以大量增加班次，就可以抵銷60個小巴牌(市值合共4億4千280萬)。
以上計劃實行後，因小巴數量大量縮減，有望改善旺區交通情況。賺錢路線上大巴比小巴更具經營效益，可以為小巴車主帶來較佳利潤。競投下路線服務有所改善，派車增加，小巴車主直接參與路線營運，服務主動性比九巴更積極，改善服務令市民得益。對於九巴，被削5條路線對盈利影響唔大，多出嘅巴士同司機，可以用作改善其他現有路線服務，舒緩九巴而家車又唔夠人又唔夠嘅狀況。
[ 本帖最後由 PB602 於 2011-6-27 23:30 編輯 ]
回復 1# 的帖子
拎 74X 比人投 , 不如叫九巴執左佢交返專營權出黎 :L 原帖由 天空之神 於 2011-6-27 23:30 發表 http://www.hkitalk.net/HKiTalk2/images/common/back.gif拎 74X 比人投 , 不如叫九巴執左佢交返專營權出黎 :L 反正老九而家要下台階收檔 3換1
3班502先至換來一部等同於30分鐘一班的單層73
對市場無吸引力 講返33A服務問題
有無人試下直接同當區高級運輸主任反映其苦況?
試過九巴收車…經反映後即刻有人數車…過多兩日正常返晒:lol
電話號碼可在政府網站www.gov.hk搵到 原帖由 barking 於 2011-6-27 23:34 發表 http://www.hkitalk.net/HKiTalk2/images/common/back.gif
3換1
3班502先至換來一部等同於30分鐘一班的單層73
對市場無吸引力
73唔係賺錢線，應該唔屬於建議嘅5條路線入面。 原帖由 PB602 於 2011-6-27 11:40 PM 發表 http://www.hkitalk.net/HKiTalk2/images/common/back.gif
73唔係賺錢線，應該唔屬於建議嘅5條路線入面。
我睇晒你成篇野都搵唔到你所建議個5條線係邊:L 原帖由 坤仔 於 2011-6-27 23:48 發表 http://www.hkitalk.net/HKiTalk2/images/common/back.gif
我睇晒你成篇野都搵唔到你所建議個5條線係邊:L
我的確無提過係邊5條，只係以33A同74X為例子，不過大家可以討論一下。
但73明顯係蝕本線，點都唔屬於「5條賺錢線」啦係咪？ 我覺得轉大巴無問題
但最好用單層巴士服務
部分小巴線，我覺得應該轉單層大巴
例如新界63K(+63A?)，803，803K，804等 原帖由 lightrail 於 2011-6-27 23:34 發表 http://www.hkitalk.net/HKiTalk2/images/common/back.gif
講返33A服務問題
有無人試下直接同當區高級運輸主任反映其苦況?
試過九巴收車…經反映後即刻有人數車…過多兩日正常返晒:lol
電話號碼可在政府網站www.gov.hk搵到 ...
比埋個更準確網址
http://tel.directory.gov.hk/0245000008_CHI.html
唔爭在搵埋當區立法會議員同入左交通事務委員會的議員
出年選舉年, 議員都要交功課...
個通訊錄可在立法會網頁搵到
[ 本帖最後由 12A 於 2011-6-28 00:13 編輯 ]