原帖由 Man@MFHK 於 2012-4-22 00:50 發表 http://www.hkitalk.net/HKiTalk2/images/common/back.gif
又唔好咁講......
依家都唔少大西北人往來屯天元會去坐西鐵而唔係搭又慢又兜0既輕鐵。
之但係講到要重新考慮整條荃屯鐵路,點解當初起西鐵時又唔先經深井小欖屯門咁行呢? ...
當初起西鐵就算經深井小欖,
到時就到天水圍元朗出問題
元天同屯門根本係兩個各有55萬人口、地理上完全唔同的大區,
夾硬用一條鐵路去服務哂兩區, 勉強係冇幸福
將軍澳45萬人口, 已經有一條自己的鐵路, 繁忙時間將軍澳站開出已經迫爆,
西鐵夾硬串連總人口110萬的元天同屯門, 結果載客率連將軍澳線都不如,
可見站位就腳的重要性
當初屯門新市鎮開始發展, 政府話會起鐵路連接市區
先多左人肯入屯門住, 點知同逸東村咁, 氹完人就無左件事, 呃晒成個區
較後期發展既將軍澳仲早有鐵路, 而西鐵入到屯門都係要屯門人哀求
其實沙田同屯門都係同期發展, 但沙田一早有鐵路, 旺好多
依家仲有人話屯門好遠架
原帖由 Kaix 於 2012-4-22 14:16 發表 http://www.hkitalk.net/HKiTalk2/images/common/back.gif
當初起西鐵就算經深井小欖,
到時就到天水圍元朗出問題
元天同屯門根本係兩個各有55萬人口、地理上完全唔同的大區,
夾硬用一條鐵路去服務哂兩區, 勉強係冇幸福
將軍澳45萬人口, 已經有一條自己的鐵路, 繁忙時間將軍澳站開出已經迫爆,
西鐵夾硬串連總人口110萬的元天同屯門, 結果載客率連將軍澳線都不如,
可見站位就腳的重要性 .
到底真係因為就腳問題，定係其它選擇太多太好？
以過海去中環為例，對比非鐵路交通收費，屯元天係點？將軍澳係點？
將軍澳未有地鐵前，巴士691收$15.3，639 $12.8，即使被批評為過高，九巴一稱堅稱「無減價空間」，2002地鐵通車，$11.8，學生仲有半價，你話有乜辦法唔搶晒客？
講就腳，地鐵仲要可能比巴士差，巴士站點都就腳過地鐵站，地鐵要轉車1次，巴士唔使。
屯元天呢？以西鐵通車時的2003年末計，屯門960 $18.2，元天 968/969 $21.4/20.7，仲要免轉車，西鐵呢？屯元天去南昌$12.x(可能記錯)，南昌去中環$10，總數成$22.x。轉車1次，區內仲要駁腳的話，轉2次。
比方便度(即使站位就腳，無需區內駁腳)，比收費，鐵路都比巴士輸蝕，而且有些地區的尊貴們，似乎特別抗拒轉車。
即使今天，鐵路收費經歷過兩鐵合併的減價又加過價，都要$22.9，有加冇減巴士屯門$19.4，元天$22/$21.4，無無謂謂的九龍南線通車，轉車次數依舊。
仲未計你屯元天幾多合法非法村巴。
明白西鐵線同將軍澳線既分別未？就是因為競爭對手強與弱，非鐵路交通好同差、平同貴既分別。
另一方面，我完全唔係閣下點解成日為新界西北的尊貴們抱埋D根本唔係路既「不平」？
你自己睇下呢度
http://www.census2011.gov.hk/tc/main-table/A201.html
屯元(連天) 1,066,075人
已經有條服務質素、可達度都咁好既鐵路，站位幾差都好都有免費接駁，非鐵路交通又平又多選擇。1,066,075人已有一條咁好既鐵路，有咩格硬？好委屈佢？
仲要而家條西鐵好日都未飽和，仲有加班加卡空間，個政府已經幫佢唸整多成4條鐵路。
反觀另一邊，沙田大埔北區共1,231,260人，比上面班尊貴多165,185人，又係一條鐵路服務晒，呢條鐵路，仲一要負擔埋羅湖呢個「天下第一關」連埋班大帝D行李、紙皮箱、紅白藍.....，二係可達度奇低(連同唯一可有效轉乘既觀塘線)，轉車次數多過人，三係全線冇幕/閘門，最易受意外影嚮服務(早幾日又一單墮軌喇，仲要係繁時)，四係普遍冇免費接駁，所謂站位就腳，只係對買得起上蓋物業既「有錢佬」或好彩派到好位公屋既幸運兒而言........又冇咁多非鐵路交通選擇，到而家都仲o係度「期待」緊吹水吹足十年都未通車.......呀唔係，係未動工既沙中線，同埋就算成真，又要擔心減卡既問題.......仲要比上面班尊貴眼紅，話你一出世「享用」到鐵路既方便，佢地就逼熱狗巴塞屯公，而家又投訴你車費平過佢地對佢地「唔公平」......
原帖由 mckhgc 於 2012-4-22 10:52 發表 http://www.hkitalk.net/HKiTalk2/images/common/back.gif
將線在將軍澳有5個站，不過有1個只係服務1個「豪宅」既「港鐵主打產品配套設施」，「真正」既得4個，
西鐵o係元天有3個
如果閣下認為西鐵o係元天既設計有問題，咁我想請問點至叫冇問題？點至叫「做到將軍澳線的程度」？
天水圍站後90度角右轉，穿過天耀天盛插上去？ 元朗站同朗屏站之間既元朗大馬路上整多一兩個站？
將軍澳人口密度高, 1個站服務10萬人口, 4個站已經覆蓋哂大部分人口
元朗區站數目及覆蓋其實都尚可, 所以元朗西鐵佔有率較高, 268B係好證明
天水圍站後90度角右轉?? 元朗比天水圍偏南, 如果西鐵入天水圍區內, 西鐵根本唔會東西向咁行, 西鐵出元朗後可以南北向入天耀路
原帖由 mckhgc 於 2012-4-22 10:52 發表 http://www.hkitalk.net/HKiTalk2/images/common/back.gif
一條重鐵冇可能做到深入每個角落，重鐵唔到既地方，做好接駁配套，已經係好好，而西鐵o係新界西北既接駁配套之完善，已經冠絕全港！
將軍澳尚有翠林、康盛等地係冇鐵路，要搭鐵路就要畀多幾蚊九巴賺，亦有唔少公屋係要行1x分鐘既尷尬位，元天有冇咁既情況？
在高密度的香港, 重鐵應該亦有本錢做到深入社區(冇人話過要深入每個角落)
將軍澳亦只有翠林康盛冇鐵路, 山下離鐵路最遠的係廣明苑, 亦都只係離鐵路10分鐘步程, 並冇你話1x分鐘既尷尬位,
而廣明苑的使用鐵路上班比率有50%!!!!!
(對比翠林的20%、將軍澳中心的80%及整體將軍澳的6X%佔有率)
而即使接駁交通幾完善, 接駁始終係接駁,
交通取向研究顯示行5分鐘直接到鐵路站會比樓下上接駁車去老遠的鐵路站更能吸引乘客,
天耀用西鐵上班比率平均高天瑞30%, 將軍澳廣明苑(10分鐘步程)鐵路上班比率高翠林(接駁)150%,
*廣明苑座擁尚德強勁的巴士網
西鐵接駁配套完善係因為有自知之明, 先可以勉強令西鐵在元天有30%佔有率(屯門數字不提也罷),
但搞接駁配套唔通唔駛錢?? 接駁配套開支係好龐大, 開一班蝕一班, 吸客力亦遠遜區內直接設鐵路站,
除非鐵路入區的成本太高, 否則長遠營運狀況起入區係好過區外設鐵路站再配強大接駁配套,
天水圍區內空間多, 入到天北亦只係3公里路程, 車站亦毋須大型轉乘設施, 成本一定比去屯門低
西鐵在天水圍設計成依家咁,
其一係因為要屈去屯門, 其二係想好好利用輕鐵,
其三係當年天水圍北只預計5萬人口, 而非今日的15萬人口
用一個鐵路站服務35萬人口, 結果??
西鐵佔有率唔高但輕鐵仍然爆到9彩,
當年九鐵仲話西鐵唔夠客, 又話當初預計西鐵有50萬客,
班人係咪唔識計數?? 比你有咁多客,
但輕鐵又應付到咁多人去西鐵站咩?
輕鐵出車海?? 又會勁蝕喎, 成個plan根本點行都唔work
九鐵根本唔識交通規劃, 土爪灣唔填海就走去合併馬頭圍站土爪灣站,
家下內陸無人住咩?? 近海少人咪行入面囉, 完全唔識變通,
沙中線一由MTR接手, 九龍城段即時唔同哂,
如果沙中線冇俾MTR, 我批評九鐵個方案有問題, 一定比人話"點至叫冇問題", "唔係咁行可以點行"
然後提出類似MTR個方案肯定比人話"我想知你點起", "起唔到"
原帖由 mckhgc 於 2012-4-22 10:52 發表 http://www.hkitalk.net/HKiTalk2/images/common/back.gif
比站數，沙田區更係冠絕全港，但咁又點呢？係咪咁就係好好、好方便，你睇下咩人住正港鐵站上面(名城、溱岸、御龍山、大圍站上蓋....)，真正需要方便公共交通既人又住o係邊(新田圍、美田、水泉澳(起緊)、火炭北(可能).....)....
沙田區包括馬鞍山, 在顯徑站啟用後, 將有8成人口在港鐵站10分鐘步程以內,
而且你所講的孤島區只係零星小區(廣源除外), 唔能夠單獨撐起一個巴士網絡, 結果並唔會太影響鐵路使用率
如果閣下咁嚮往屯天的鐵路, 不如睇下沙田用屯天式規劃,
馬鞍山線取消, 東鐵改行城門河上面, 只在大圍、中央公園對出河面上、馬場對出河面上設3個站, 再建輕鐵深入沙田每個角落,
你估下用鐵路出市區的比率會上升定下跌??:lol 營運成本呢??
[ 本帖最後由 Kaix 於 2012-4-22 17:17 編輯 ]
原帖由 mckhgc 於 2012-4-22 15:37 發表 http://www.hkitalk.net/HKiTalk2/images/common/back.gif
到底真係因為就腳問題，定係其它選擇太多太好？
將軍澳未有地鐵前，巴士691收$15.3，639 $12.8，即使被批評為過高，九巴一稱堅稱「無減價空間」，2002地鐵通車，$11.8，學生仲有半價，你話有乜辦法唔搶晒客？
講就腳，地鐵仲要可能比巴士差，巴士站點都就腳過地鐵站，地鐵要轉車1次，巴士唔使。
屯元天呢？以西鐵通車時的2003年末計，屯門960 $18.2，元天 968/969 $21.4/20.7，仲要免轉車，西鐵呢？屯元天去南昌$12.x(可能記錯)，南昌去中環$10，總數成$22.x。轉車1次，區內仲要駁腳的話，轉2次。
比方便度(即使站位就腳，無需區內駁腳)，比收費，鐵路都比巴士輸蝕，而且有些地區的尊貴們，似乎特別抗拒轉車。
將軍澳地鐵唔止搶過海客, 仲有觀塘客、旺角客、尖沙咀客(較少),
地鐵價錢都同巴士相若, 一樣搶到好多客
天耀用西鐵上班比率平均高天瑞30%, 可見站位就腳、無需區內駁腳係重要,
西鐵入天水圍區內的話, 呢條邨多30%客, 個條又多30%, 加加埋埋比現時多成倍客,
仲未計巴士減班再趕多批客坐西鐵
原帖由 mckhgc 於 2012-4-22 15:37 發表 http://www.hkitalk.net/HKiTalk2/images/common/back.gif
屯元天呢？以西鐵通車時的2003年末計，屯門960 $18.2，元天 968/969 $21.4/20.7，仲要免轉車，西鐵呢？屯元天去南昌$12.x(可能記錯)，南昌去中環$10，總數成$22.x。轉車1次，區內仲要駁腳的話，轉2次。
比方便度(即使站位就腳，無需區內駁腳)，比收費，鐵路都比巴士輸蝕，而且有些地區的尊貴們，似乎特別抗拒轉車。
即使今天，鐵路收費經歷過兩鐵合併的減價又加過價，都要$22.9，有加冇減巴士屯門$19.4，元天$22/$21.4，無無謂謂的九龍南線通車，轉車次數依舊。
小弟逢一至五入屯門上班都會搭巴士。
下班不論回家還是出旺角、過海happy hour都同樣選擇巴士。
就算有時下班後要前往九龍東甚至入將軍澳,只要時間允許都盡量選擇巴士而非鐵路(入將軍澳會搭巴士出黃大仙/觀塘轉鐵)。
西鐵不單貴、唔就腳、快唔過巴士,屯門區內更有大量平又就腳0既巴士線可以選擇,鐵路只係時間上有預算。
舉例如屯門出旺角,無論你係屯門邊一個角落,58X、59X、60X、66X總有一條俾你搭,一程車$11.7出到旺角。西鐵?幾錢先?等幾耐輕鐵、鐵巴先去到西鐵站?
反之,將軍澳搭巴士出區外一定要陪兜,又唔平得過鐵路,又慢,當然搭鐵好過啦!
[ 本帖最後由 Man@MFHK 於 2012-4-22 21:03 編輯 ]
原帖由 mckhgc 於 2012-4-22 15:37 發表 http://www.hkitalk.net/HKiTalk2/images/common/back.gif
到底真係因為就腳問題，定係其它選擇太多太好？
以過海去中環為例，對比非鐵路交通收費，屯元天係點？將軍澳係點？
......
明白西鐵線同將軍澳線既分別未？就是因為競爭對手強與弱，非鐵路交通好同差、平同貴既分別。
唔係故意反你, 只係我覺得平貴都唔係重點原因
我自己有學生優惠都照幫襯九巴, 我諗好多人知呢d免費駁腳有咩問題,
而龜踢都唔郁, 死都唔肯執, 唔知仲要等幾耐.........
我自己在跨區方面算勉強接受, 因為叫免費啦 唔要求太多 (其實西鐵咁貴, 都當收返駁腳果程)...
但佢d駁腳 前生係服務區內既路線, 依家變左駁腳為主, 服務差左,
係同時影響埋只係在區內活動既人 (大家都知 偉大既龜 壟斷晒屯門架啦)
其次係西鐵有月票, 買得月票, 照計用月票搭一個月西鐵比搭一個月巴士平,
無錯, 呢樣野都吸左唔少客仔, 但跨區巴士依然好做得, 特別係碼頭
59X去美孚、荔枝角、旺角東 3分鐘就有班, 搭西鐵呢? 先等例遲同未必上到既506
有月票都係咁話啦
點解西鐵係屯元天佔有率咁差?
車站離居民遠只係其中一個原因
另一原因係轉車太唔方便, 假設你出旺角, 就要係美孚行成5分鐘先轉到車
(當然你可以話用旺角東, 但旺角東行返落旺角市中心咪又係要5-10分鐘)
如果你過海, 首先要係南昌站行上行落, 然後到左香港站又要行成5分鐘.. :handshake
反觀將軍澳線, 去旺角? 行過對面月台都係十幾步就到
過海? 北角站轉車可能遠小小, 但都係1分鐘之內, 又唔洗上天下地
其次係, 始終屯元天離市區遠, 車程時間較長, 而鐵路一般都係要企的..
將軍澳一帶除左去九龍西之外, 去大部份市區地方都係半粒鐘以內, 企一陣就到, 對無位坐的容忍力較大
以上就解釋左點解屯元天居民會係巴士死忠了 :)
另一方面, 北環線呢, 如果好似政府果個方案真係死得.
做過境客? 市區有高鐵, 屯元天就要係錦上路轉一次車, 吸引力完全係零
(點解有又舒服又頻密的B1 唔搭而走去搭鐵路?)
做屯元天<->北區客?
呢個仲衰, 要轉2次車, 點解唔搭276P/261/44系小巴而走去轉2次車 ??
做北區新發展區出市區客?
淨係吸引到去九龍西的客源囉, 九龍東/過海就一定係東鐵
如果北環線要起的話, 一係就同高鐵2期一齊起, 即係高鐵為主, 香港內通勤為副咁起
一係就諗方法做到北區可以直達元朗, 仲要行車時間一定要係20分鐘內, 否則會輸俾巴士/小巴
[ 本帖最後由 JF1261 於 2012-4-22 20:37 編輯 ]
原帖由 JF1261 於 2012-4-22 20:34 發表 http://www.hkitalk.net/HKiTalk2/images/common/back.gif
其次係, 始終屯元天離市區遠, 車程時間較長, 而鐵路一般都係要企的..
將軍澳一帶除左去九龍西之外, 去大部份市區地方都係半粒鐘以內, 企一陣就到, 對無位坐的容忍力較大
又係喎，計官網時間，西鐵全程要37分鐘，東鐵由上水到紅磡係38分鐘，
而其他路線都係搭足全程在30分鐘或以內。
西鐵就算第一期到南昌都已經係全程30分鐘。
東西貫通之後更厲害，假如我由鑽石山入屯門貪玩搭西鐵，應該都要企47-50分鐘；
如果到時258D/259D畀人減班，屯門人去觀塘返工迫住要搭西鐵，都幾係野。
唔通西鐵要引入頭等車廂？;P