[新聞] 噪音最高近 100分貝 港鐵提示哨 嘈到人耳聾
http://hk.apple.nextmedia.com/template/apple/art_main.php?iss_id=20120501&sec_id=4104&subsec_id=11867&art_id=16297320噪音最高近 100分貝
港鐵提示哨 嘈到人耳聾
【本報訊】港鐵為防乘客衝閘門，兩年前在繁忙時間於月台上推出「停」字牌及哨子機，提示乘客勿衝門。有乘客投訴哨子機「嘈到耳都聾」，記者早前到港鐵月台測試，發現哨子機噪音直達 100分貝，相等於一輛大型貨車經過的聲量，職工長期工作聽覺或受損。有員工透露，經常接到遊客投訴，以為哨聲是發生緊急事故，希望公司檢討有關安排。
音量如同飛機飛過
「咇咇─咇咇─」每天早上 7時至 9時，及晚上 6時至 8時兩段繁忙時間，港鐵月台總傳來陣陣刺耳聲響。列車每道閘門前均有一個港鐵職員站崗，他們一手持「停」字紙牌，一手持一個約手掌般大小的哨子機。每當列車準備關門時，列車內首先響起「嘟嘟」聲提示乘客。閘門開始關上之際，職員一邊舉起「停」字牌，一邊按動手中哨子機：「咇咇─咇咇─」兩短兩長響聲。
乘客梁先生每天乘坐港鐵上下班，他投訴哨子聲：「好煩，好刺耳。」他又質疑哨子聲對乘客衝門是否有效：「啲人都係咁照衝啦！」記者日前帶同測量噪音水平的分貝儀，分別到過人流極旺的尖沙嘴站、太子站及金鐘站視察。現場所見，雖然職員已將哨子機面向地面，但聲音依然響遍整個月台。其中尖沙嘴月台繁忙時間月台噪音達 70分貝以上，當哨子機聲響起時，噪音立即增強至超過 90分貝以上，最高更一度達 99.1分貝。
遊客以為發生意外
耳鼻喉專科醫生丁顯顒表示， 100分貝的噪音相等於大貨車或飛機經過的聲音，若停留在 90至 100分貝的噪音下工作，會造成聽覺受損甚至失聰。不過，由於乘客不會長期留在月台，影響不大，但港鐵職員每天均需按動哨子機，他認為應佩戴耳塞，以策安全。
鐵路從業員總工會名譽會長謝漢濱覺得哨子機好嘈，據他了解，部份月台助理也不願吹哨子機，謝又說：「月台突然吹哨子，反而變成滋擾。」他經常遇到有外國或操普通話的遊客向他查問吹哨子的原因。「佢哋（遊客）聽到吹哨子好愕然！以為發生咩意外，以為有人暈咗，有乜故障，或者發生咗乜嘢事故，反而慌張起來，月台職員都要耐心同佢哋解釋。」謝表示曾向管方反映有關意見，希望管方會將意見納入檢討範圍。
港鐵發言人表示，哨子機及「停」字牌板自 2010年 8月起於繁忙時間使用，提醒乘客注意安全，但哨子機的聲量不可調校，港鐵已提醒職員按動哨子機時要指向地面。 2010年8月開始有哨子機？乜原來咁耐架喇？:P
本來外國都有臨開車吹哨子的做法，乘客以為有意外尚可當做文化差異；
但真係好嘈，例如九龍塘，我落車行去電梯，列車閂門，嘩～！:Q
我本身聽覺比較敏感，近距離畀個哨子機轟炸真係會有少少耳痛。
啲人都係一樣照衝......反而好似出過廣告話加班之後，觀塘線衝門有少許改善，
朝早我返工的時間(08:05左右)西行黃大仙同樂富第七卡都唔使「頂閘」。
事實上亦真係較多車，而家我即使送車尾，在月台上唔使點等已經有車。
OT：
上星期五在大圍北行搭東鐵，係朝早九點零鐘，
月台上的MLR剛剛起動，後車往沙田千九已經進入視線範圍，
車頭已在中性區，且車速頗快（睇佢過彎情況估算），
距離前車最近時只有約350米，該千九應該係站前減速，最後慢速入站。
月台廣播係MLR開車時，即刻話下班列車即將到站。:time: 以前九鐵都好似係月台長吹哨子開車:)
而家有電子哨子起碼冇藉口俾人話關門聽唔到/冇廣播:victory: 原帖由 DIH 於 2012-5-1 16:21 發表 http://www.hkitalk.net/HKiTalk2/images/common/back.gif
啲人都係一樣照衝......反而好似出過廣告話加班之後，觀塘線衝門有少許改善，
朝早我返工的時間(08:05左右)西行黃大仙同樂富第七卡都唔使「頂閘」。
事實上亦真係較多車，而家我即使送車尾，在月台上唔使點等已經有車。 其實觀塘線果段時間根本無加班！
反而係因為果段時間有C車幫手減低車門重開機會就真…… 好了﹐終於有人頂唔順﹐終於見報了。
我老早已經等車時避開晒這班員工﹐會在無人的位置等車。
唔係唔想有他們的存在﹐只是怕這些噪音。
事實上﹐他們只需在適當時間舉牌﹐擋住車門已經足夠﹐根本無需要用哨子機。 原帖由 KR4210 於 2012-5-1 04:48 PM 發表 http://www.hkitalk.net/HKiTalk2/images/common/back.gif
以前九鐵都好似係月台長吹哨子開車:)
而家有電子哨子起碼冇藉口俾人話關門聽唔到/冇廣播:victory:
不過﹐好Q噪囉。
同埋﹐他們真係要趕上車﹐係會在無人把守的車門去衝門囉﹐有無哨子聲都係一樣。
事實﹐根本不用這些哨子聲﹐只要舉牌時的手勢﹐令到塊牌會擋住車門﹐已經足夠﹐成效係非常高。 原帖由 kei_hk 於 2012-5-1 17:08 發表 http://www.hkitalk.net/HKiTalk2/images/common/back.gif
不過﹐好Q噪囉。
同埋﹐他們真係要趕上車﹐係會在無人把守的車門去衝門囉﹐有無哨子聲都係一樣。
事實﹐根本不用這些哨子聲﹐只要舉牌時的手勢﹐令到塊牌會擋住車門﹐已經足夠﹐成效係非常高。 ...
班員工搵兩餐晏仔姐...邊同你搏命.
你照衝佢都係縮手架啦
上環站每過6點就4個staff係對正電梯上車位度赶人去其他車卡等唔好塞路
大把人唔show佢地.
有d人衝人狼死到一野推開停左ge人.
我就親眼目擊有個麻甩佬衝門一下撞低左個女人(屁股落地,躉親條骨起唔到身),仲要係途人拉住佢都fing開,破口大罵話人"阻x住晒, wxyz".
小弟果次同兩個途人拉番個女人入月台再call staff埋尾先走. 如果個女人躉到癱左都唔知點算. 原帖由 kei_hk 於 2012-5-1 17:04 發表 http://www.hkitalk.net/HKiTalk2/images/common/back.gif
好了﹐終於有人頂唔順﹐終於見報了。
我老早已經等車時避開晒這班員工﹐會在無人的位置等車。
唔係唔想有他們的存在﹐只是怕這些噪音。
事實上﹐他們只需在適當時間舉牌﹐擋住車門已經足夠﹐根本無需要用哨子機。 ...
港(輕)鐵既呠呠聲同樣好討厭，小弟成日嚇親:L 其實可否好似係東鐵線禁係月台發出嘟嘟聲算?