[認真討論mode]其實九巴可唔可以做八達通雙向分段收費呢?
車費越來越貴，平時坐巴士坐幾個站又覺得好唔抵 ，其實大家認為九巴可唔可以做八達通分段收費呢?(例子:城記 E21A 逸東----->東涌北$3.5 上車拍一次卡 落車拍一次卡尼類野....)歡迎大家極力討論!!! 如有冒犯，請勿見怪!
[ 本帖最後由 HS8964 於 2012-6-24 02:46 編輯 ] 唔係可唔可以既問題，係佢做唔做既問題
因為落車需要去車頭再嘟一次
老九講過咁做係會令乘客上落客人流成相反方向
影響效率
如果八達通雙向分段收費對九巴無著數，佢係唔會做
又諗深一層，假若佢被迫做呢樣野，但使到佢整體利潤減少
咁佢就有加車費既藉口，對乘客而言都未免係一件好事
回復 3# 的帖子
仿效北京，新加坡等方法，前後閘都有八達通機。依家九巴雖然長途車到市區後有分段，不過好唔大方，比市區線貴起碼一成，空車都冇人會上，造成浪費。
回復 4# 的帖子
咁直接將呢d長途線既分段收費減低似乎實際d回復 4#,5# 的帖子
你知唔知點解長途車到市區後嘅分段比市區線貴起碼一成嘅原因先?收貴啲係為咗避免長途線車程被短途客影響
短途客咪搭番短途線,死都要上人地啲長途線,搞到人地長途線車程長上加長
所以長途車到市區後嘅分段貴啲已經話你知長途線唔想做短途客
另外,雙向分段會導致資源錯配
舉個例,而家58M到達屯門市中心有分段收費,非常受歡迎
如果做雙向分段,咁屯門區內客便會令良田、大興出市區嘅人難上車,最後又要加車
但其實架車停完屯市上公路嘅時候未必無位
到最後又係浪費資源
[ 本帖最後由 ma212223 於 2012-6-24 10:58 編輯 ] 其實技術上無話唔得
但係你肯唔肯個個站上四五個又落四五個...
條條線好似流水線咁..
計時間..
起碼個個站冇左一兩分鐘...你會唔會肯? 城巴都唔係條條線雙向分段 (even流水如5,10都無做)
點解九記要咁做呢 其實唔係話條條線都要八達通雙向分段……:L
只係希望本身有現金雙向分段的路線, 例如53, 64K, 72A等等, 改用八達通雙向分段, 方便乘客:) 其實之前我都建議過有關做法, 經討論後,
我認為香港較可行是將路線分成2類
1. 流水線, 2. 長途快速線
只於第一類設雙向分段, 這樣可以避免長途線上短途客,
而流水線亦可以發揮更大作用, 尤其於非繁忙時間, 甚至
可以用少d車達到同等班次
至於上落車時間, 我認為問題唔大, 因為即使現時長途線,
未上公路前, 一樣會可能站站有人上車, 而過左公路, 一樣
站站有人落車, 都係要埋站, 就算新制度實行, 都只是上車時
同時有人落車, 或相反, 時間唔會長好多...
反而係擔心繁忙時間, 短途客坐滿左會令長途客上唔到車之問題..
所以實行以上1 / 2, 亦可以考慮用時段去分....
舉例, 如271, 尖沙咀去大埔, 在繁忙時段只做特快非分段...確保去
大埔的客上到車, 而非繁忙時段, 就變成流水線, 最少令到非繁忙
時段尖沙咀去窩打老道d客多一選擇, 好處係可不加車的情況下,
加強巴士的競爭力..
技術上可行就唔駛講, 即使制度上, 亦可以有好大變化空間去處
理不同問題, 唔係劃一性, 可以去用線, 用區, 用時段去彈性考慮
[ 本帖最後由 3ASV196 於 2012-6-24 12:06 編輯 ]