原帖由 238X 於 2012-7-24 13:47 發表 http://www.hkitalk.net/HKiTalk2/images/common/back.gif
任何情況都會有不負責任的市民，
公共機構亦無可能滿足所有人。
個人並不認為港鐵有何做錯之處，
尤其是佢在事前已經開始收車的時候。
8 號風球出得街 (即使係被迫)
都預咗要自求多福架喇。 ... 基本上d風球掛與唔掛...
早掛或遲掛..
都一樣有人鬧咖啦...
唔洗諗...
尤其係香港人咁難服侍...
今次鄭生又會唔會話:人類都上到月球啦,你港鐵整依d咁小的電纜故障塌樹都要搞咁耐?":lol
原帖由 hkbw 於 2012-7-24 13:07 發表 http://www.hkitalk.net/HKiTalk2/images/common/back.gif
老實講, 呢次困客一晚既事件, 明顯係港鐵太過自負所做成~
掛八號你次次話ok照有服務我都覺得你大膽, 掛到九號都仲未識死, 結果累左成班客~
反而成堆巴士九點幾就開始返廠, 到最差既時間已經返晒去~~~
最負責任的做 ...
我同意為安全起見，當八號訊號生效一段時間之後，港鐵應停駛架空路段既列車服務。
不過要實行既時候，試想下每當一條線停駛部分路段既時候，往往會影響到一班轉乘客。
即使你一早預早宣佈某線某路段幾時開始停駛，你都要預左一班客 (唔係一個半個) 投訴
你冇提供適當服務，而佢地往往會認為港鐵有責任送佢地走 (例如要接駁巴士)，就寧願
賴死唔走。呢個情況尋晚一樣發生o係其他港鐵路線，而我聽聞西鐵最終收車後仍要再
開番班車畀一班客走。
另外，港鐵列車在風暴期間運作既決定某程度都依賴天文台既消息，今次明顯各方面
(包括多個氣象機構) 都低估左呢個風的威脅。尋晚八號訊號發出之後，天文台去到大概
九點就放口風有機會改發更高熱帶氣旋訊號，但外面 (內部都未必肯定) 根本唔會清楚
佢幾時轉，甚或會唔會轉。或且有人話我地普羅大眾都識得自己去睇風速等數據，但始終
呢方面唔係一般人既專業，管車務運作既人只會按番一貫八號訊號生效時既做法去行事，
尤其係提早收車往往造成混亂，隨時有更多手尾要跟。
以上既諗法未算全面，但我想帶出如果你要真真正正平衡安全及乘客需要既時候，
其實有好多要考慮既地方。
原帖由 48x 於 2012-7-24 11:51 AM 發表 http://www.hkitalk.net/HKiTalk2/images/common/back.gif
服務係正常...凌晨正常服務咪即係停止服務囉:lol
今早聽收音機新聞所講﹐mtr 話凌晨已經維修完電纜﹐不過由於已經到收車時間﹐所以便沒有再安排列車運作。
事實上﹐有列車送大家繼續上路﹐去到目的地車站﹐你又可以點?有幾多人仲可以安全地離開車站。
倒不如留在出事的車站﹐靜待天氣好轉。
留在車站﹐感覺一定唔好﹐但總比你外出找其他方法更安全。
原帖由 3asv322 於 2012-7-24 14:08 發表 http://www.hkitalk.net/HKiTalk2/images/common/back.gif
今次鄭生又會唔會話:人類都上到月球啦,你港鐵整依d咁小的電纜故障塌樹都要搞咁耐?":lol 人類都上到月球啦，點解MTR唔可以一分鐘由紅磡飛到上水;P
原帖由 fw1321 於 2012-7-24 14:12 發表 http://www.hkitalk.net/HKiTalk2/images/common/back.gif
我同意為安全起見，當八號訊號生效一段時間之後，港鐵應停駛架空路段既列車服務。
不過要實行既時候，試想下每當一條線停駛部分路段既時候，往往會影響到一班轉乘客。
即使你一早預早宣佈某線某路段幾時開始停駛，你都要預左 ...
打風出街，無論係工作需要、外遊返港或者只係貪過癮，
本身都要承擔風險，港鐵近年經常於打風期間維持服務，
容易令市民鬆懈，而且就係將乘客個風險自己攬晒上身。
尤其是前九鐵各路線及機場鐵路，露天本身已極容易受惡劣天氣影響，
加上路程長，好多位食風，最安全的做法都係在風力未進一步上升前停晒佢。
至於轉乘客之類，我相信用2-3個鐘頭應該絕大部分港鐵路程都搭完喇卦？
今次掛八號或以上，持續17.5小時，如果安排得宜，以及大家唔係慣晒「狼來了」，
港鐵在中間有超過十小時係根本唔應該／唔需要／唔值得開車。
我個人就認為港鐵無「社會責任」在不安全的情況下仍然提供服務。
香港人最衰就係縱到壞晒，下下等人同你安排，
打風就算幾貴都要搭的士啦，街上無車都可以打電話上台問，
想搞大件事可以打上電台節目添，錢可以解決到的就唔係問題。
「平衡安全及乘客需要既時候」，我個人而言一定係安全第一，
「港鐵有車」同「乘客要搭」係雞先定蛋先，
如果港鐵一直以安全為由，拒絕於風暴期間提供服務，
自然唔會有太多人大安旨意走去搭鐵路，
而某些僱主亦少個藉口強行要員工在風暴中工作。
就試諗下，現時無鐵路的九龍城土瓜灣黄竹坑秀茂坪，打風又有邊個同佢地「社會責任」？
講返轉頭，今次個風又的確係增強得好快，移動路徑吹到成地眼鏡，
但我覺得天文台出訊號已經出得唔錯，掛8至上9期間有4小時40分，
我當港鐵掛波後用兩個鐘疏導乘客，加埋前面兩個鐘預警，共四小時乜都夠。
假設港鐵只跟已公開的訊號行事，大約8pm其實都收得工，
我指set 8pm做target、出公布話會停駛，到時再視乎人流決定是否需要延遲。
無論個風係強定弱都應該咁做，港鐵若既然係要跟訊號做人，
就應該絕對相信天文台的判斷，全港各區大唔大風，你話港鐵清楚定天文台清楚？
當然，我未試過八號波期間在港鐵系統內，亦並非在港鐵工作，
有好多野我都唔知，以上只係以一個注重大眾安全的角度去諗。
[ 本帖最後由 DIH 於 2012-7-24 16:27 編輯 ]
但點解今朝列車都仲上唔到上水 ??
仲要以火炭做終站 ??
原帖由 kei_hk 於 2012-7-24 14:12 發表 http://www.hkitalk.net/HKiTalk2/images/common/back.gif
今早聽收音機新聞所講﹐mtr 話凌晨已經維修完電纜﹐不過由於已經到收車時間﹐所以便沒有再安排列車運作。
事實上﹐有列車送大家繼續上路﹐去到目的地車站﹐你又可以點?有幾多人仲可以安全地離開車站。
佢要接駁巴士出動;P
原帖由 3asv322 於 2012-7-24 14:08 發表 http://www.hkitalk.net/HKiTalk2/images/common/back.gif
今次鄭生又會唔會話:人類都上到月球啦,你港鐵整依d咁小的電纜故障塌樹都要搞咁耐?":lol
http://hk.news.yahoo.com/%E9%84%AD%E5%AE%B6%E5%AF%8C-%E6%B8%AF%E9%90%B5%E6%8B%92%E5%90%91%E5%85%AC%E7%9C%BE%E9%81%93%E6%AD%89%E4%B8%8D%E8%83%BD%E6%8E%A5%E5%8F%97-085600510.html
如大家所料，鄭生真係出嚟抽水
我又唔覺得港鐵今次要道歉，最起碼佢喺十號波之下都叫做喺安全地方，
照顧班乘客直到風暴過去。十號波之下，天文台係叫人喺室內地方。
開又比人話自負不理風險，唔開唔洗問呀貴又一定比人話仲乜唔開，如果港鐵係一個情緒化的女人，可以憑情緒決定，一定以後一號風球就停駛，等你地班煩人嘈都冇得嘈:lol