香港良心增設火星文字幕
http://hk.apple.nextmedia.com/entertainment/art/20121127/18081262不愧是「香港良心」，除了照顧地球人口味外，也增設火星文字幕，方便火星人收看。:lol
「香港良心」的業務，不知不覺間已衝出地球了！;P 作為前亞視擁躉, 不禁要發洩下, 究竟現任高層知唔知自己做緊乜?!!
講真, 支持左亞視廿幾年, 去到07年換新台徽, 加入新血, 叫做仲有一絲希望, 可惜直到09-10年,
明顯睇到亞視退步得好緊要.
星期日晚8點本來係亞視最皇牌, 最黃金o既時段, 俾無線飲食節目攻陷左之後冇對策, 最後無以為繼,
時事追擊/金錢世界換晒班底, 新聞字幕經常有錯別字, 亂報新聞, 綜藝/資訊節目減產, 自製劇停拍停播,
外購劇唔吸引, 婦女節目無故停播, 淨係識得狂roll節目,《通識小學堂》本來係小弟唯一收看亞視o既節目,
題材唔錯, 適合小朋友, 家長, 甚至任何人士都會感到興趣, 可惜自上月起變成教育電視, 齋講學科內容,
了無生氣, 變相收窄觀眾層面.
舊年年尾推出鄧特希倉底劇《上海灘之俠醫傳奇》, 本來好想捧場, 可惜宣傳不足, 播到差唔多完先醒起,
敢講, 如果拍完之後至多俾你擺一年, 趁住未有節目零收視前播, 亦未至於醒唔起呢套劇. 依家d節目收視
唔係1點就0點, 繼續做落去, 就算俾你一年出幾套佳作, 都唔會有人睇!!
未轉台徽前, 亞視仲有培訓下新人, 李綺雯, 駱樂, 周子濠, 伍偉樂, 吳亭欣(吳露欣), 翟鋒(翟威廉), 何卓瑩等,
可惜近年轉台o既轉台, 走o既走, 留低o既都係做兒童節目, 依家淨係識捧亞星, 亞姐, 亞生, 試問在零收視底下,
呢班新人點會紅得起呢, 唔係要靠高層不斷制作騎呢騷增加曝光率就叫做捧下嘛!!
有良心o係香港未必搵到食, 但唔係放軟晒手腳亂咁黎, 搞到d節目冇人睇, 然後話自己係香港良心就得囉,
「良心」唔係愛黎咁用架!!:@
p.s. 對亞視現任高層極度失望的前亞視擁躉, 抽水完畢:hug: 原帖由 EX-TL 於 2012-11-27 18:39 發表 http://www.hkitalk.net/HKiTalk2/images/common/back.gif
作為前亞視擁躉, 不禁要發洩下, 究竟現任高層知唔知自己做緊乜?!!
講真, 支持左亞視廿幾年, 去到07年換新台徽, 加入新血, 叫做仲有一絲希望, 可惜直到09-10年,
明顯睇到亞視退步得好緊要.
星期日晚8點本來係亞視最皇牌, 最黃金o既時段, 俾無線飲食節目攻陷左之後冇對策, 最後無以為繼,
時事追擊/金錢世界換晒班底, 新聞字幕經常有錯別字, 亂報新聞, 綜藝/資訊節目減產, 自製劇停拍停播,
外購劇唔吸引, 婦女節目無故停播, 淨係識得狂roll節目,《通識小學堂》本來係小弟唯一收看亞視o既節目,
題材唔錯, 適合小朋友, 家長, 甚至任何人士都會感到興趣, 可惜自上月起變成教育電視, 齋講學科內容,
了無生氣, 變相收窄觀眾層面.
舊年年尾推出鄧特希倉底劇《上海灘之俠醫傳奇》, 本來好想捧場, 可惜宣傳不足, 播到差唔多完先醒起,
敢講, 如果拍完之後至多俾你擺一年, 趁住未有節目零收視前播, 亦未至於醒唔起呢套劇. 依家d節目收視
唔係1點就0點, 繼續做落去, 就算俾你一年出幾套佳作, 都唔會有人睇!!
未轉台徽前, 亞視仲有培訓下新人, 李綺雯, 駱樂, 周子濠, 伍偉樂, 吳亭欣(吳露欣), 翟鋒(翟威廉), 何卓瑩等,
可惜近年轉台o既轉台, 走o既走, 留低o既都係做兒童節目, 依家淨係識捧亞星, 亞姐, 亞生, 試問在零收視底下,
呢班新人點會紅得起呢, 唔係要靠高層不斷制作騎呢騷增加曝光率就叫做捧下嘛!!
有良心o係香港未必搵到食, 但唔係放軟晒手腳亂咁黎, 搞到d節目冇人睇, 然後話自己係香港良心就得囉,
「良心」唔係愛黎咁用架!!:@
其實亞視都想做「香港良心台」。佢舊年大量引入自家製作既時事節目，而且內部仲成立製作時事節目既專責部門，似乎想提升觀眾關注時事既意識，本來在電視界來說是絕佳既事:D。可是到頭來出現反效果，爆出大量「偏激」、「洗腦」等醜聞。:o
冇計啦！人類主流都仲係將睇電視既用途自我壓抑在只作娛樂用途這種歪風，稍為要有少少教育意義都好似要佢地死咁慘，這絕對是電視發展的一個死症。:@
至於國際台引入大量高質素既外購紀錄片，其實本來是一件好事，這令我在TBB播垃圾節目既時候提供新口味，甚至可以重拾睇電視既意義，可是偏偏俾那些「自家衛士」狂插亞視不斷重播舊節目和自家製作節目不足，即使佢地只是第一次睇那些節目甚至完全冇睇過。:@
[ 本帖最後由 paul2357paul 於 2012-11-27 20:18 編輯 ] 鍾意開亞視o既觀眾, 並唔係鍾意大量娛樂節目/抄橋劇集o既一群, 而係鍾意睇佢播資訊/新聞類型節目啊,
亞視想做亞洲CNN其實好簡單, cut晒飲食娛樂搞笑節目唔係問題, 亦唔係要亞視破舊立新創作新形式節目,
做得好其實唔駛變, 用返十年前果種新聞/資訊節目方式繼續做, 再跟住時代變遷/觀眾口味慢慢轉變唔係好難,
但係近兩三年真係睇見佢d新聞就不知所謂啦, 亂報新聞, 新聞內容與事實不符, 新聞字幕出現錯別字/火星文,
近年真係屢見不鮮, 樓主果篇報道o既出現, 相信只係近日亞視成為茶餘飯後話題, 加上真係句句都係火星文,
先會俾人拎出黎笑下. 依家一至五晚果套《國際財經視野》, 睇牌面一定比日頭殷莉主持果套即市節目,
甚至以前《曾sir28騷》等都來得專業, 只可惜冇乜人會再某然轉台, 連帶國際台有咩節目都冇人知,
以前播大衛牙擦騷, 六十分鐘時事雜誌, 生還者, 仲有大量野生動植物紀錄片係唔錯架, 依家仲有咩節目呢,
冇睇開本港台o既係唔會知, 亦唔會有人專登拎份節目時間表出來睇國際台有咩節目播!!
追劇師奶俾佢趕走埋, 09年香港首播的韓劇《錯愛仍是愛》, 今年初重播時居然播到第50集就話全劇完,
激到班師奶紮紮跳!! 婦女節目《生活加油站》改時間對撼無線午間新聞, 小弟家母寧願唔睇新聞都跟住轉台,
某星期一下晝1點正常轉過亞視,點解係重播節目黎? 之前幾日繼續係咁播重播節目, 想點!! 原來, 自從某日起
亞視不再製作婦女節目, 又唔早單聲, 迫人睇佢d感動香港或者一個禮拜roll幾十次o既節目, 呢種破舊立新法
一時之間邊個接受到啊!! 作為前亞視擁躉, 如今真係...愛你變成恨你!!!:@ 「香港良心」已經缺乏資訊節目，竟然不斷cut這些節目，尤其是「香港有飯開」，真是用心製作，但竟然無故腰斬。
「香港良心」已經缺乏優質節目，早前還在政總搞爛show，企圖阻止「殺價超人」申領電視牌。政總爛show的片段如下：
http://www.youtube.com/watch?v=ALtINBmQj3U 原帖由 paul2357paul 於 2012-11-27 20:16 發表 http://www.hkitalk.net/HKiTalk2/images/common/back.gif
其實亞視都想做「香港良心台」。佢舊年大量引入自家製作既時事節目，而且內部仲成立製作時事節目既專責部門，似乎想提升觀眾關注時事既意識，本來在電視界來說是絕佳既事:D。可是到頭來出現反效果，爆出大量「偏激」、「洗 ...
嘿，好好笑。
全部「時事」「資訊」「評論」都係得嗰味立場，
預告片仲要係別有用心咁剪接其他立場嘅聲音，
連自己嘅最後基石新聞部都河蟹到體無完膚，
最後玩埋一場近兩星期嘅公器私用，妖魔化對手，
連誹謗都使埋出嚟，仲夠膽講自己係香港良心喎。
高質素記錄片？你睇下其他台先講咩係高質素啦，
另一個免費台都大把無論題材、畫質、後期製作都好過你嘅貨，
單係片齡一樣亞視都輸九條街。
吖咁又係，亞視最著重光輝歲月，愈舊愈好嘛。
亞洲電視，空講良心
[ 本帖最後由 epsilon 於 2012-11-28 23:07 編輯 ] 原帖由 dongfeng 於 2012-11-28 01:25 發表 http://www.hkitalk.net/HKiTalk2/images/common/back.gif
「香港良心」已經缺乏資訊節目，竟然不斷cut這些節目，尤其是「香港有飯開」，真是用心製作，但竟然無故腰斬。
《香港有飯開》呢D咪良心囉, 但偏偏佢又走去腰斬喎, 舊年首播時無論四五十歲師奶同事,
抑或三十出頭進修男同學都有捧場, 仲成為大家食飯傾偈o既話題, 哈...播播下居然腰斬喎,
咁有心機製作o既節目, 咁冇良心話斬就斬, 真係一d羞愧之心都冇, 仲夠膽日日大大聲話自己
係「香港良心」!!:L
最近出左ATV 2013甚麼甚麼節目巡禮啦, 哈...竟然整《香港有飯開II》, 心諗係咪冇左你個節目
我冇飯開呀, 鍾意就播唔鍾意就cut, 當人死o既!!:@ 俾你開到第二輯, 仲有冇果個班底先,
正如幾年前《開心大發現》何B, 鮑姐, 楊琤, 張嘉倫, 李綺雯組成一家人, 2010年返兜用埋D咩人,
鮑姐, 林韋辰, 蔡梓銘, 大佬呀.......係咪鮑姐返頭嫁呀, 搵個lang cang林韋辰黎做老豆,
定係其實做蔡梓銘阿哥呢, 兩樣都唔似, 還是係做叔父之輩, 九唔搭八, 一個大好家庭感覺,
俾佢搞到家散人亡, 支離破碎, 咪俾我睇死佢《香II》搵唔到中流柢柱何B返黎, 睇下邊個黎做!! 原帖由 epsilon 於 2012-11-28 23:05 發表 http://www.hkitalk.net/HKiTalk2/images/common/back.gif
......高質素記錄片？你睇下其他台先講咩係高質素啦，
另一個免費台都大把無論題材、畫質、後期製作都好過你嘅貨，
單係片齡一樣亞視都輸九條街。
吖咁又係，亞視最著重光輝歲月，愈舊愈好嘛。
亞洲電視，空講良心
TBB最近仲多咗一種衰法，就係將綜藝節目「劇集化」。
《走過烽火大地》其實是「岩士唐登月式造假」：:@
http://hk.ent.yahoo.com/news/%E5%A4%A7%E5%A7%90%E5%A4%A7%E6%89%8B%E8%A8%98-%E8%B5%B0%E9%81%8E%E7%83%BD%E7%81%AB%E5%A4%A7%E5%9C%B0-%E8%A2%AB%E8%A9%95%E6%90%B5%E7%AC%A8-%E6%A0%B9%E6%9C%AC%E5%86%87%E5%8E%BB%E8%BB%8A%E8%87%A3%E9%98%BF%E5%AF%8C%E6%B1%97-212211442.html
利用節目宣傳片監管既漏洞，將觀眾騙去催谷收視率。:@
引入新電視牌照其實根本上對改善電視節目既質素毫無幫助，這只會令各電視台不斷轉換例如「洗腦」、「扭曲價值觀」既方式製造電視節目「質素高既假象」。:@
再這樣發展下去，我情願例如香港電台電視部常規化，National Geographic、BBC等來香港開分台，社工出來搞「真正既香港良心台」仲好過！
[ 本帖最後由 paul2357paul 於 2012-11-30 12:06 編輯 ] 原帖由 paul2357paul 於 2012-11-30 11:59 發表 http://www.hkitalk.net/HKiTalk2/images/common/back.gif
TBB最近仲多咗一種衰法，就係將綜藝節目「劇集化」。
《走過烽火大地》其實是「岩士唐登月式造假」：:@
利用節目宣傳片監管既漏洞，將觀眾騙去催谷收視率。:@
引入新電視牌照其實根本上對改善電視節目既質素毫無幫助，這只會令各電視台不斷轉換例如「洗腦」、「扭曲價值觀」既方式製造電視節目「質素高既假象」。:@
再這樣發展下去，我情願例如香港電台電視部常規化，National Geographic、BBC等來香港開分台，社工出來搞「真正既香港良心台」仲好過！
請問你嘅結論「引入新電視牌照其實根本上對改善電視節目既質素毫無幫助」係點得出嚟？
無論係監管有漏洞，抑或係觀眾本身口味差，甚至係營運者冇良心都好，
敢問邊一點可以歸納出增加競爭對改善質素毫無幫助？
可笑在你最後又話如果港台發大嚟做、有外國傳媒或者社工來開個台就會有作用，
咁開多個台係咪多咗競爭？你又話多競爭冇用嘅？
咪住先，點解又係外國嘅月亮特別圓架？點解要係National Geographic、BBC呢？
而根據你嘅理論，你點解唔講埋「人越多，社會文明會越倒退」？ TVB一台獨大底下, 俾人逐樣捉錯處係預左, 高層唔會擺o係心o既.
1999年亞視做《尋找他鄉的故事II》, 承接第一輯有極佳口碑, 加上當年收視長虹,
大賣電視+報章全版廣告, 話第一集去北極, 其實係北極圈入面o既美國阿拉斯加,
播完之後即刻有人投訴亞視呃觀眾.:L
之後第三.四.五輯收視雖然下跌, 口碑亦冇頭兩輯咁高, 但經過咁多年之後,
再睇返三.四.五輯, 其實亦係良心製作, 值得一再回味o既節目, 只係當年拍得密,
突破唔大, 觀眾習慣左呢個節目, 變得唔再稀罕, 亞視都冇動力再做落去.
《走過烽火大地》小弟只係睇過一集, 純以欣賞角度去睇其實OK o既,
認為造假o既, 好似當年《今日睇真D》話解剖外星人咁寫信去投訴囉,
講咁多其實變相幫人宣傳, 套野完左仲有咩好講!! <--(指雲海仲要用自己節目去講, 不知所謂)