有關碌車司機的問題
巴士司機碌車，一定唔係一日半日的事...以58M某位劉姓車長為例
佢碌車都已經有成五六年歷史...
今晚搭佢行58P，可以用50分鐘先去到寶怡花園
據我所知九巴好似會就每一條路線定下行車時間
一過鐘就可能要踢車或延遲開出
一次半一次就話係交通問題，但日日轉轉都係咁樣的時候
真的是交通問題還是司機的問題呢？
其實九巴內部會唔會對這批司機有一定的懲罰
因為吓吓係咁，即係等於趕客畀港鐵咋WOR.... 老實講
九巴內部主張係「安全」
咩主要係九巴所指嘅「安全」呢?
主要係唔好因為要趕行車時間而開快車，要謹慎留意路面上所有事物，
避免有交通意外或者係被波及，每條路線都有制定行車時間，
但係唔能夠因為路面因素影響而超速又或者劈彎等不小心駕駛而追時間，
過鐘通常都在所難免，但係站長會因應情況而作出班次調整，
雖然受影響嘅係「老闆」即乘客，總比有任何大小意外所影響嘅好
如果任何乘客就「碌車」投訴，內部會同車長會議，
但沒有車長會因為慢車而被處罰，因為慢車係安全嘅基本，
如果乘搭巴士會影響任何人時間，當時人應該提早出門，
並不是以人家碌車作為單方面原因而推卸個人責任，
當然固意碌車唔係好行為，但係安全到步係最重要，
話晒繁忙時間一車百幾人，車長責任沉重，而且唔係部部車都係好車，
加上現今搭巴士嘅人大多都冇上落車準備，如未上車準備定現金或八達通，
上車後未坐定冇扶扶手，人多時唔願行入車廂內部，
落車預先按鐘及臨到達前於落車門準備落車等，令每程車行車時間加長，
因此車長會覺得行車時間唔足以處理乘客上落車及車程需要
就以慢車安全駕駛作優先考慮，如果非長者或有需要人士，
而上落快手快腳，就會好似當時八十年代咁，人快車快 原帖由 slashkennedy 於 2012-12-20 23:49 發表 http://www.hkitalk.net/HKiTalk2/images/common/back.gif
如果任何乘客就「碌車」投訴，內部會同車長會議，
但沒有車長會因為慢車而被處罰，因為慢車係安全嘅基本，
如果乘搭巴士會影響任何人時間，當時人應該提早出門 ...
絕對係有九巴車長因為碌車為主要罪名而受處分。
原帖由 slashkennedy 於 2012-12-20 23:49 發表 http://www.hkitalk.net/HKiTalk2/images/common/back.gif
老實講
九巴內部主張係「安全」
咩主要係九巴所指嘅「安全」呢?
主要係唔好因為要趕行車時間而開快車，要謹慎留意路面上所有事物，
避免有交通意外或者係被波及，每條路線都有制定行車時間，
但係唔能夠因為路面因素影響而超 ... 多謝你分享左一D官方講法出泥
結果就係睇到成件事根本就欠缺左「合理可行」既概念
基本上就係不理後果、不惜代價地去追求安全 普遍大眾認為安全等於開得慢。
開得慢唔等於安全，快亦不等於危險。
碌車行為絕對影響路面交通 原帖由 fokck 於 2012-12-21 00:23 發表 http://www.hkitalk.net/HKiTalk2/images/common/back.gif
絕對係有九巴車長因為碌車為主要罪名而受處分。
我響九記10年都未聽過有人俾人處分,我都俾人投訴駕得慢,但當我講左一句之後,成個電話會議就結束.
我家下仲生勾勾坐響度.. 原帖由 stanleyhss 於 2012-12-21 01:58 發表 http://www.hkitalk.net/HKiTalk2/images/common/back.gif
我響九記10年都未聽過有人俾人處分,我都俾人投訴駕得慢,但當我講左一句之後,成個電話會議就結束.
我家下仲生勾勾坐響度.. 佢話碌車係主要罪名, 即係仲有衰其他野??? 原帖由 fokck 於 2012-12-21 00:23 發表 http://www.hkitalk.net/HKiTalk2/images/common/back.gif
絕對係有九巴車長因為碌車為主要罪名而受處分。
咁點先叫做開得快? 咩定義?
開得快果陣又話d 車長揸船咁,又投訴:L 原帖由 Anpretext 於 2012-12-21 02:05 發表 http://www.hkitalk.net/HKiTalk2/images/common/back.gif
佢話碌車係主要罪名, 即係仲有衰其他野???
咪傻啦,當日打黎問我係咪行得好慢,我講左一句之後佢已經龜縮啦....快先俾人插架咋.. 我俾主任見咗兩次視象，
第一次話我俾車輛評核員跟車時太心急，先前揸95M係冇地方可以揸超過50，
話個評核「感覺到」我好多時超少少，我就回佢，你有冇睇返我行車時間呀，
我到站拍卡得三分鐘咋，即係即走呀，佢又話過鐘唔好理，
總之自己睇實個速度，到50就收一收，注意下啦!
第二次見就話工程部查黑盒同計時間，話我喺茅湖仔落斜過60，
我就回，夜晚俾得三十分鐘連休息，唔超少少追燈返到咪又即開!?佢話，
公司會定期檢討每條路線，如果有問題會改，但你家下超速，
下次再超速就要扣安全獎!
就呢兩次見完之後，我有兩個決定，
一，行50就50，行70就70做「乖仔」，費事同自己份糧過唔去，
二，自己申請轉特別嘅路線，避開時間欠佳同人多線
之後未轉線前我試過耐心做好95M好多日，包括上繁由第一轉開始，
以不過45及預計紅燈加等追車客，結果四十二至四十五分鐘一個單，
但冇人投訴過，亦無主任電聯，從永遠見唔到前後車，到觀雅開，
後車聯合過頭，亦覺得係正常事，家下轉咗線，睇心情同班客點，
有唔識巴迷坐仲一路坐車頭多聲氣討論或者後生人士冇病冇痛上車漫遊者，
一律以駕駛1A嘅師兄行車方式處理，如果上車落車快手快腳，
搭嘅人追車都有句唔該，搞到開開心心，爽快處理
老實，以前做巴士迷真係好多意見，到入職之後好多野都會身同感受，
你地未做巴士佬咩實情唔知，上討論區點講都冇問題，
但係請記住，時間係自己掌握，人地揸巴士嘅都係打份工，
唔好下下要求人地同你去到盡，咩都就晒乘客，始終呢行唔係好似外國咁，
我地一個月冇兩皮幾，冇咁多錢俾公司扣或者食牛肉乾上繳政府，
所以敬請大家包括現職車長，巴迷及所有乘客，請深思熟慮，顧己及人，
揸嘅「順行」，搭嘅「有禮」，「爽手爽腳」，「包涵」，
下下爭風相對，結果會係兩敗俱傷
[ 本帖最後由 slashkennedy 於 2012-12-21 13:00 編輯 ]