原帖由 ccicoltd 於 2013-8-27 01:23 PM 發表 http://www.hkitalk.net/HKiTalk2/images/common/back.gif
大澳出外如果坐巴士的，除嶼巴外沒其他選擇。從商業角度看，已在做獨市生意的嶼巴無誘因冒風險去交路費出市區，然後再私牌回程。
唔好話嶼巴﹐連其他巴士公司都一樣﹐當有客在黃昏/晚間入大嶼山﹐唔通真係部車放大嶼山過夜﹐第2天做生意出市區咩。
講真﹐客又唔係多﹐真係點都唔會有足夠的誘因去做。
倒不如保持現狀﹐大家互相接駁﹐分散回報風險/減省成本﹐更合符經濟效益。
唯一可取的係居民村巴服務﹐不過都係一句﹐批唔批係另一回事。即使開線﹐收費及班次亦係是否受歡迎的因素。
ps. 如果真係想開新線﹐都要做一大堆統計/調查﹐証明確有需求﹐政府才會考慮批出新線。如果真係有足夠需求﹐早已開了對外路線了。
出東九龍都有得諗既
港島/尖沙咀真係輸晒
原帖由 284 於 2013-8-27 01:48 PM 發表 http://www.hkitalk.net/HKiTalk2/images/common/back.gif
1R最大問題係走線
邊個會晨早流流跑出去彌敦道 然後等架你搵我唔到既車入大嶼山？
星期日郊遊線 應該係D中產住宅/人口密集地區起載
例如沙田市中心 咁就有D希望勒 ...
你又唔好用 "晨早流流" 去形容這條線的班次。
http://www.newlantaobus.com/road_1R.htm
在紅磡開出﹐最早是9:00﹐尾車係11:00﹐時間上其實係合理的。
難講d講去大嶼山玩﹐唔少人這個時段都隨時入到東涌等接駁交通工具了。:L
只不過如果一大班人去大嶼山玩﹐來自不同地區﹐集合地點我都選中環碼頭/東涌﹐點會選油尖旺區。
另外﹐這條線主打大佛﹐吸引力亦不給以前﹐所以客量唔夠最初的好。
原帖由 284 於 2013-8-27 13:48 發表 http://www.hkitalk.net/HKiTalk2/images/common/back.gif
1R最大問題係走線
邊個會晨早流流跑出去彌敦道 然後等架你搵我唔到既車入大嶼山？
星期日郊遊線 應該係D中產住宅/人口密集地區起載
例如沙田市中心 咁就有D希望勒 ...
個人認為，前往大嶼山旅遊，最具吸引力的交通工具，不是一程直達的嶼巴，而是昂坪360。
對於不少市區居民來說，既然要千山萬水、走去大嶼山南部旅遊的話，
何不特意乘搭360纜車、或者享受一下海景，坐中環梅窩船？
雖然一程直達的嶼巴，在時間及方便程度上，有一定程度的優勢；
但論舒適（跑山路，左搖右擺）及寫意（巴士沿途的景色，不及360或渡輪壯觀），嶼巴就有點比下去，吸引力麻麻地。
我覺得刻意要開市區往南嶼的路線，只對那些講求方便、不太追求風景的遊客，才有吸引力
而這一班顧客，本身已經幫襯緊東涌入南嶼的嶼巴服務。
特登開市區南嶼線，只是分輕了東涌轉嶼巴的人流壓力
但對於嶼巴在市區至南嶼交通工具的佔有率，相信不會有太大提升。
既然如此，不如嶼巴還是專心做好東涌南嶼的服務吧！
原帖由 kei_hk 於 2013-8-27 14:10 發表 http://www.hkitalk.net/HKiTalk2/images/common/back.gif
你又唔好用 "晨早流流" 去形容這條線的班次。
http://www.newlantaobus.com/road_1R.htm
在紅磡開出﹐最早是9:00﹐尾車係11:00﹐時間上其實係合理的。
難講d講去大嶼山玩﹐唔少人這個時段都隨時入到東涌等接駁交通工具 ...
以尖沙咀假日人流計 9AM真係好早
仲未計郊遊既市民由屋企出黎尖沙咀
假期有幾多人咁早起身？
尖沙咀D商場鋪頭 假期冇10/11點都唔開門啦
況且你話得岩 根本冇人會出尖沙咀集合等車
[ 本帖最後由 284 於 2013-8-27 14:23 編輯 ]
原帖由 le914 於 2013-8-27 14:11 發表 http://www.hkitalk.net/HKiTalk2/images/common/back.gif
個人認為，前往大嶼山旅遊，最具吸引力的交通工具，不是一程直達的嶼巴，而是昂坪360。
對於不少市區居民來說，既然要千山萬水、走去大嶼山南部旅遊的話，
何不特意乘搭360纜車、或者享受一下海景，坐中環梅窩船？
雖然一程直達 ...
嶼巴專做東涌接駁 當然夠晒穩陣
但從南大嶼乘客角度就唔係咁諗
出市區轉來轉去幾十年
而家交通條件改善左 做乜唔開一兩班試下反應？
話唔定殺出一條新血路呢;P
原帖由 284 於 2013-8-27 02:22 PM 發表 http://www.hkitalk.net/HKiTalk2/images/common/back.gif
以尖沙咀假日人流計 9AM真係好早
仲未計郊遊既市民由屋企出黎尖沙咀
假期有幾多人咁早起身？
尖沙咀D商場鋪頭 假期冇10/11點都唔開門啦
況且你話得岩 根本冇人會出尖沙咀集合等車 ...
你用店舖開門的時間﹐同集合去大嶼山的時間去比較?:L
你有心去玩﹐你都會早起身出發啦。要硬係要遲起身﹐稍為遠的地方便不用去﹐想留多些時間在景點的機會都用。:L
你要我講1r點解未如理想﹐前文已經講了﹐大嶼山的定線本身係有問題﹐目的地只係去大佛(東涌無得落客)。
在油尖旺要去東涌轉車﹐亦有其他選擇﹐更加不同限時限刻﹐所以1r的吸引力太少。
條線到現在仲保留﹐某程度只係嶼巴的外援車都要入大嶼山﹐順便做一程生意。
原帖由 284 於 2013-8-27 14:25 發表 http://www.hkitalk.net/HKiTalk2/images/common/back.gif
嶼巴專做東涌接駁 當然夠晒穩陣
但從南大嶼乘客角度就唔係咁諗
出市區轉來轉去幾十年
而家交通條件改善左 做乜唔開一兩班試下反應？
話唔定殺出一條新血路呢;P ...
如果你講南大嶼乘客出市區，咁不如咁睇：
依家南大嶼出市區的居民，除非係住在梅窩一帶，否則絕大部份人，無論出東涌轉車又好、出梅窩轉船又好，都係必定要搭嶼巴轉車（坐私家車或的士另計）
本身每個出市區的居民，十居其九都要幫襯嶼巴。開了這些路線，對嶼巴在大嶼山的市場佔有率，不會有任何影響（本身佢都差唔多壟斷晒）。
開這類晨早線，嶼巴唯一可以賺多的，只有賺埋東涌往市區的駁腳那程差額。但正如上面版友所講：
1．市區太大太廣闊，點樣可以在某個時段（例如早上七點三），集埋一車60位嶼南居民，一起出去市區某一個區域（例如九龍東）？其實，同一時間去九東（例如）的嶼南居民，真的有那麼多？
2．回程成本問題
3．某些有相當客源的地區，例如嶼南往中環一帶，本身輪船和地鐵已經做到快捷和方便的效果。開巴士線往這些區，有幾多吸引力？
最後，我想說，這些嶼南晨早市區路線，需求最多只夠開一班兩班，頂多每日幫嶼巴賺多幾百至幾千蚊；但對於能否幫嶼巴殺出一條血路.......不如都係寄望在38和B2系吧。
[ 本帖最後由 le914 於 2013-8-27 15:20 編輯 ]
原帖由 284 於 2013-8-27 13:43 發表 http://www.hkitalk.net/HKiTalk2/images/common/back.gif
橫掂而家通街都係自由行
如果早繁兩班 南大嶼出市區之後 唔想吉車回巢既
大可以市區起載兩班 類似1R旅遊線番入南大嶼
平日一樣有市場 執番幾百蚊都好 ...
連假日9AM - 11AM 都唔多客搭1R由市區直接入南大嶼
平日反而會有市場? well i doubt...
好老實，住到嶼南既，有幾多每日要出去青衣以東既地方做野呀:)