原帖由 S3BL100 於 2013-9-26 11:22 發表 http://www.hkitalk.net/HKiTalk2/images/common/back.gif
又講真，秀旺藍旺的確都比起觀旺更值得提速。
不過直接搵1A同16提速，又會影響唔少乘客，包括秀茂坪同藍田本身的乘客。
秀茂坪當然打13D主意，觀塘有其他選擇往返旺角同秀茂坪的前提下
13D的確無需要再經觀塘巿中心，我屬 ...
我屬意720A模式，
部份時段短途，同時長線做跳站快車。
全日飛站當然冇可能。
例如1A可以加條1B太子掉頭，
16就整一條短途九龍城掉頭咁。
原帖由 1181 於 2013-9-26 22:47 發表 http://www.hkitalk.net/HKiTalk2/images/common/back.gif
係回應唔到咋嘛
兜一兜三彩根本可以行番落淘大
停多兩個站只係哂你三分鐘, 但可以惠及三萬人
就係因為影響"牛頭角"(係呀, 又係牛頭角)而有1(00)人反對
仲未計根本可以比28B經淘大交換, 順手益下三彩落淘大買野而 ...
交換d咩？而家係你影響緊樂華既乘客喎，28B入唔入村？
2A經三彩但唔經淘大，時間會同而家差唔多，但係影響大量淘大上車返樂華的乘客；
2A經三彩又兜返落淘大，就唔影響淘大上車客，但影響大量深水步至九龍城上車返樂華的乘客。
樂華居民唔需要你掌控佢地搭車模式，唔需要你亂搞人地既巴士線，無事生非。
如果2A經三彩唔經淘大，28唔郁，起碼淘大唔係無車返樂華，尚有商討餘地，但係又幾乎肯定會唔夠載。
講真，以三彩居民角度，2A經三彩好過13D，車費平D而班次更密，
但係樂華同三彩都係山上，大家地位對等，人口又差唔多，
犧牲一邊去幫另一邊達到目的係咪重組巴士線的合理方法？
原帖由 1181 於 2013-9-27 00:57 發表 http://www.hkitalk.net/HKiTalk2/images/common/back.gif
乜原來閣下覺得犠牲一邊去成全另一邊有問題嫁
咁犠牲有鐵路, 紅小既青山道去成全同樣有鐵路, 紅小仲有更快巴士選擇既荃灣又無問題?
仲未計無鐵路既九龍城被轉車
樂華喺28B事件上有小巴補哂28A沿線, 仲繁時變全日, 多左車去聯合, 九龍灣
又食又拎又唔見你出聲?定九龍灣商貿區無區議員好蝦啲, 所以要加價差唔多成倍先出到地鐵站都得?
還是又係唔係"牛頭角"既問題又用另一番說詞?
樂華同三彩大家都無鐵路，都係山上，人口又差唔多，點同？
唔好下下諗住搵6D/40抽水，因為觀荃配套之前一路都係畸形，
觀荃 vs 觀青係講緊成大個區咁多個山頭（包括N個無鐵路的山頭） vs 深水步兩條街既分別。離題野唔講咁多。
樂華當時係不情願地搵28A交數，佢地都知道28A無咩客，話只要三彩同意就算數（請聽錄音）。
但係你郁2A/28影響人數多咁多，郁2A/28猶如殺人父母，點同？
回正題，秀旺想提速飛起觀塘巿中心至九龍灣，根本無理由唔搵13D改。
根據B2板多月來多位板友暗示過，你應該好明白，
搵95改做秀旺特快，又或者13D唔入旺角，會令到秀茂坪/安達臣/將軍澳山上有兩三條有潛力的跨區線開唔成。
所以that's why我一路都話重組路線要睇長遠目標同整體規劃，唔係好似你咁
為左達到目標而不擇手段，唔理會當區居民的其他需要，搞完一條線就搞爛個局搞到無得再重組。
你為左令到牛頭角無左條2A，就要夾硬將2A拎上三彩，同時為左遷就你改13D大計
就搞到山上幾條九巴部署緊的跨區新線唔駛開，搞亂晒樂華/秀茂坪/安達臣/將軍澳山上的長遠規劃，
秀茂坪贏粒糖輸間廠，1A/13D繼續大幅重疊，樂華更加係只有損失而無利益，到時你真係做左成個觀塘的千古罪人。
[ 本帖最後由 S3BL100 於 2013-9-27 01:36 編輯 ]
原帖由 1181 於 2013-9-27 01:35 發表 http://www.hkitalk.net/HKiTalk2/images/common/back.gif
咁三彩配套到依家都係畸形, 又無鐵路, 仲唔大哂?!
N個無鐵路既山頭:
葵盛->38
象山, 石圍角, 梨木樹, 安蔭, 石籬->40P
深井, 西約->234C
四順, 秀茂坪->將秀荃
藍田, 油塘->觀荃油塘支線
到最後唯一一個"山頭" ...
40P係咪全日線？234C一日有幾多班車？仲未計40提速長遠係要俾40P全日，
40提速唔代表40P一定可以全日，但係唔提速就40P永世無得全日
藍田油塘果條紅小又係做全日咩？又上唔上山？
住得呢d地方都唔會有錢到去邊。
雖然青山道都唔係有錢地區，但係地鐵$7.5一程，回程九折，仲係合理，
不過藍田油塘要人單程俾十幾蚊又點同？
95而家兩繁的確好多客，直接搵95再重組係一定出問題，
所以我先至話，13D要預留做第二D用途。
如果13D繼續做旺角，提埋速，係可以取代到95秀茂坪大部分的功能，
再入埋深水步，咁秀茂坪已經夠多甜頭。
相反，如果13D改行界限街入深水步，甚至仲要做埋觀塘巿中心，就做唔到旺角，95就唔駛旨意換第二D跨區線。
至於轉車站取唔取代到一程過？你先諗下，轉車站幾時先開始起？到底係咪一定起得成？
就算起得成，又配唔配合到安達臣入伙？又離山上民居幾遠？
轉車站做唔做到晒山上將沙將尖將荃可以做到既野？秀茂坪有無得用轉車站？
用轉車站同埋而家用其他交通工具一樣都係要轉車，轉車站有冇實質提昇過山上對外連接？
98D/798繁忙時間又有幾多剩餘運力？93K果十四架車又夠唔夠開得晒將沙將尖兼且俾將荃加班？
況且九巴已經部署緊區域重組，你估轉車站呢一刻會唔會影響到佢地個plan？
會唔會為左遷就你想搞13D/95而影響佢地的重組大綱？
如果我真係牛頭角山頭主義，我早就咬住13D唔放，但係點解我咁主張
就算影響我自己個區都要拉走13D？因為整體規劃囉，13D的確長遠唔應該再落觀塘巿中心同牛頭角，邊有好似你咁自私？
[ 本帖最後由 S3BL100 於 2013-9-27 01:53 編輯 ]
原帖由 1181 於 2013-9-27 02:05 發表 http://www.hkitalk.net/HKiTalk2/images/common/back.gif
比秀茂坪揀, 點解唔要條本身已經有, 價錢又公道既95而要搞13D去同95重疊再郁95
又搵康翠果邊笨? 定繼續推人落98C(係人都知98C根本唔比95快幾多)
仲未計要旺角+油麻地+佐敦+高鐵站點都順路過閣下日以繼夜果個13D係 ...
首先你完全唔明康盛翠林點諗;P
其次，我又問返你，俾秀茂坪揀，點解要揀一條線不經觀塘巿中心去旺角，一條線經觀塘巿中心去深水步，
而唔係一條不經觀塘巿中心去旺角深水步，再多幾條跨區線去多d地方？
98P全日行山擺尚德食296D，你幻想下好喇，將南議員好惡的;P
至於將荃加班喇喎，你又諗下，692而家每邊派得四架車，莫講話加班，
開線果刻山上係咪完全唔駛找數？
講到尾，都只係因為係你想13D變觀青
骨牌效應搞到秀茂坪/將軍澳山上有幾條跨區線唔駛開，
而我因為呢個原因唔同意13D變做觀青，你先至不滿我提出的方案姐。我有冇講錯？
乜你認為你能夠代表到秀茂坪/安達臣/將軍澳山上的利益？乜而家觀青大過山上居民需要？