回復 31# 的帖子
106/116一條上路，一條下路，注定無得整合，而且而家前提係106P/全日106X要西灣河（或者最遲康安街）上東廊，
否則就清唔到118客，而鰂魚涌北角直上紅隧去土瓜灣，亦值得開，順手清102X客。
咁即係最理想情況一定係開兩條特快線，如果得106X，鰂魚涌放工客咪繼續慢碌囉。
而根本技術上可以砌到何文田港島東，我睇唔到理由
點解深水步要有齊重疊快慢線而唔放行。
而且本身可以加北行102轉102X/171、112X轉904/905第二程免費優惠，
班次頻密，受影響人數唔多（實際真係得北行長沙灣工貿區果兩個站），
配套本身唔差，後者轉完車都仲唔會慢過而家，應該滿足。
你接受唔到既，我都無野再講，
一係咪好似我#30所講，成個深水步繼續搭慢線102由北角炮台山返歸囉，112X做耀東至旺角。
至於112X，你睇左B2版關於118的討論，點解而家118 hold住左，
你應該要明白，改過海線本身就比起改獨營線複雜得多，
一間公司同意，但另一間公司唔同意，一樣唔使改。
112X擺蘇屋，一方面係同112同總站，但另一方面都係技術問題，
係為左條線能夠用112而家時段長度行完一單連休息，唔使好似而家
包括112在內唔少過海線，無啦啦尾車甚至尾二三車去到對家總站要編定私走，
已經唔係有冇空間再減班的問題咁簡單。
112X去埋美孚，或者會多左客，但係係咪會令到盤數靚左？唔見得。
如果112X只係去到蘇屋，或者北角後拉上耀東但旺角做終點，
咁超碼唔影響兩邊時段，亦唔駛無啦啦好似而家大量編定私牌浪費資源，
減少一個巴士公司唔肯做的理由。
當然，而家112用左一D特別方法砌時間表，固定私牌已經唔係咁多條過海線入面最嚴重。
我無講過話巴士公司一定肯重組，但係超碼我係評估過晒重組後
對兩間公司時段同利益分配的影響，呢個先係巴士公司肯做與否的關鍵因素。
相反你只係想拉去邊就拉去邊，完全唔諗下對班次同時段的影響，欠周全，
成件事根本唔係拉長條線減少少班夠唔夠載的問題咁簡單囉。
[ 本帖最後由 S3BL100 於 2013-10-13 14:06 編輯 ]
回復 33# 的帖子
土瓜灣紅磡線其中一個作用係清紅隧口乘客，但呢個唔係唯一作用囉，土瓜灣紅磡根本有客。而你#22個修訂方案，原來條106P要同106共用20架車，我就唔知繁忙時間會做到咩班次囉。
我個方案106+108用27架車，計過數都只係做到106下繁7-8、108開15分一班。
仲有，106P唔係全日線，本身個效果已經無咁好。
當然，正如我一開頭所講，細搞有細搞的做法，
你可以選擇只係搞102/110/112/118一組，結果就係鰂魚涌北角往來土瓜灣紅磡砌唔到全日線，
102X要獨攬太古城鰂魚涌絕大部分過海客。
目的唔同，已經唔可以相提並論啦。
深水步本身係有客，但係集中深水步地鐵站/元州邨附近，
已經有102X/112/112X三條線照顧晒佢地，真係要轉車的係得北行長沙灣工貿區，
但係呢班客有幾多？5%都無囉。
唔好將「長沙灣工貿區」講成係成個深水步，偷換概念。
當然，你可以揀要102唔要112X，112X縮去旺角拉去耀東避重疊，
但係我覺得對深水步絕大部分乘客來講，112X比102更實際囉，
唔使停維園景隆街快咁多，而且九龍段仲更深入青山道附近民居添。
唔好繼續倒果為因，102飛西廊同開112A根本無關，真正原因係有112X，唔需要102北行同佢重疊，
再加上行車時間同時段的問題先要北行飛西廊。
就算唔開112A又點？112開7+8架車，112A開4+3，
唔開112A的話，你認為112 15架車、8-10分鐘一班食得晒怡和街非繁班客？
回復 35# 的帖子
我個point咪就係，唔開112A，都唔代表102可以跟原路旺角返美孚，到時加車的會係112，而唔係102，況且102時段問題先係關鍵。
106如果縮做九龍城碼頭至鰂魚涌，做7-8分一班都要16架車，
你條北角特快咪只可以上下繁各四班車，爭在係兩班雙向定四班單向，
但明明多客時段唔止開到咁少班次。
當然，大家目的唔同，亦好難相提並論。
至於112X vs 102，都係果句，你大可以選擇102跟原路，112X縮去旺角，
但咁做對於大部分深水步居民都唔見得係理想，而且
正如我所講，112X入保安道，做到的民居比起102長沙灣工貿區果兩個站更多。
當然，你唔同意的話，或者鍾意要102唔要112X的話，再拗落去都唔會有結果，亦無意思。
都係果句，重組巴士線要得到巴士公司、運吉、區會三方同意，
巴士公司同意的話，起碼有機會上到RDP，而且近年趨勢係，區會唔得都會傾到得為止。
但係巴士公司唔同意的話，連RDP都唔使上，區會連傾的機會都無。
[ 本帖最後由 S3BL100 於 2013-10-13 23:45 編輯 ]