如果拆905X係食到914客當然OK
但S3BL100個爛橙做唔到
佢自己都識講，巴士公司方案905X係海麗出
食埋海麗客直接過海，但佢個方案欽洲街出，做唔到呢個巴士客倉
914第二個客倉係大角咀舊區（洋松街休憩處、福利街、大同新邨）
...
但原來呢三個客倉非繁加埋都只不過做到每班車平均23個客，
唔夠回本所需乘客數目一半，開一班蝕一班，咁點解非繁仲要914開20分一班先？
905X亦食埋富昌/南昌同埋醫局街/海壇街一帶舊區914果份，
914做少呢兩度，拉直條線，但拉直後預期客量增長都唔會令到914非繁有得賺，已經係減班理由啦。
而上面都講左，九巴版本的905X，hidden agenda係食埋新巴上繁海麗邨果份，
而家914上繁黃金時段係新巴食晒，905上繁黃金時段大部分都係九巴，
咁你估新巴又肯唔肯制先？
又講真，如果係九巴板本的905X，非繁忙時間做荔枝角/美孚、長沙灣工廠區、四小龍海麗就過海，
完全唔經過人流多的地區就走，你估夠唔夠客先？
你估我有冇諗過呢D因素？
914而家富榮尾站，富榮夠係「客倉」都搞到咁，
我諗唔經深水步舊區的905X，下場都係差唔多咋，最多咪同唔少二線新巿鎮過海線差無幾。
而且咁拆的話，就意味住905有需要至少去到長沙灣，
講緊係做緊舊905的80-90%客，減到幾多班？要用幾多架車？
行欽州街走，時間根本差唔到幾多，但係就做多大半個深水步，
更穩陣，又唔影響新巴獨食914系黃金時間，無論客量定係時段問題上，風險都細好多啦。
而你自己都識講，905好大部分客源係西營盤旺角，
咁旺角有104又點？905有幾多縮班空間？
而家905下晝三點幾已經可以頂閘過海，
唔通為左你地班深水步大帝，要搞到西營盤唔夠載，
推晒班客搭104，或者倒客落西港島線？
[ 本帖最後由 S3BL100 於 2013-10-30 23:22 編輯 ] 原帖由 1181 於 2013-10-30 14:08 發表 http://www.hkitalk.net/HKiTalk2/images/common/back.gif
事實證明，905X要全日根本同914非繁減班無關，將兩樣捆綁都唔會有用.
乜你而家話係「事實」就真係事實咩？
我又問你，905非繁，九巴派9架車，新巴上繁之後果兩轉派7架，之後先派8架，下繁16架，夜晚派9架，
咁9+7，點樣可以唔使非繁減914班，拆到905同905X兩條全日線？
905X無論四小龍走定欽州街走都好，如果去埋灣仔，平日非繁點都無可能只係俾一粒鐘行全程連休，
想做15分鐘一班，點都一定係每邊派5架車，亦無理由做疏過15。
咁之後九巴得返4架車，新巴更加得返兩架，可以擺落905。
唔可以令到西營盤旺角疏過12，又唔可以令到大角咀去中環至灣仔大幅減班，
亦唔可以令到深水步有一半舊區要行一大段路先有車搭，你砌俾我睇。
905X全日根本同905大幅縮短港島段、大角咀出中環至灣仔大幅減班無關，你將兩樣野捆綁都唔會有用囉。
點解海麗拉直條線減班就唔得，大角咀無快過但係就大幅減班又得？
回復 74#, 75# 的帖子
我無講過20分一班係無理要求，但事實上而家非繁平均每班車得23個客，連收支平衡客量的一半都無，巴士公司有咩誘因要開20分一班？
30分一班又唔係無車搭。
你幾可有見過巴士公司將賺錢多客線減班，抽資源去少客蝕錢線維持某個服務水平？
而且我一路強調，深水步905變905X唔係無減過班，非繁由9變15，
旺角/大角咀 - 西營盤亦非繁由9變12，
如果你係都要維持914開20分一班既話，就意味住上面兩組是但一組要再大幅減，
比起而家係無左超過一半班次。
試問填海區又憑咩可以獨善其身，要多客的路段減超過一半班？
亂減人地班就得，減到自己就no way？好公平咩？做人點可以咁架？
填海區係平地，上面果三個客倉，行去地鐵站的確遠左少少，
但亦係大概半個地鐵站的距離，同鐵路沿線兩個地鐵站之間差唔多，無記錯富榮仲有兩蚊機。
而且我亦無搞到呢三個客倉無車搭。
上面已經講左，905變905X，非繁9分變15分一班，同埋914 18變30，減幅根本一樣，
而905 vs 905X，12分 vs 15分，但相應路段客量係2:1，
不成比例，但亦無理由905X疏過15分一班囉。
你又唔提下，繁忙時間905 905X比起而家905都要減班，唯獨是914無減過，最繁忙一小時仲多左班車？
914P食905，做緊既野已經同905X好唔同啦…
乜而家深水步得海麗同荔枝角美孚長沙灣？
深水步舊區又無需要提速，下下都要塞入旺角，九龍方向明明海輝道過少少就係欽州街都要兜多三個字？
你到底有無諗過我建議條905X到底係做D咩？
就係為左整個深水步，包括深水步巿中心，都可以以較快速度過海。
咁914P拉去美孚，或者九巴早前研究過果條905X，又做唔做到？
又能唔能夠加快深水步西營盤車程？
西營盤唔係無客往返深水步，深水步非繁人流亦集中巿中心，
根本905X行欽州街走，再配合914提速，成個深水步的受惠人數最多，
深水步唔係得海麗邨一座山頭囉。
[ 本帖最後由 S3BL100 於 2013-11-1 00:19 編輯 ]
回復 77# 的帖子
我點憑空作？而家905下晝兩三點都可以爆住過海，除非你話呢班客唔係去海麗邨，所以全部都係鬼，唔使照顧囉…
你仲未答我，點解想少客的914唔可以疏過20，就要多客的905又要縮又要減班？
你唔覺得你好前後矛盾、雙重標準、自我中心咩？
當然大家都知你最叻，當有人point out一d你唔鍾意既事實既時候，你就會走去攻擊人話人地憑空作野。
要記住，everyone is entitlted to his or her own opinion, but not his or her own facts
905X填海區又係咪無份用？富昌南昌不在話下，
就算係海麗，行去長沙灣道搭車都尚算方便，四小龍更加唔使講，車程又快左咁多…
你知道油尖旺麻煩就最好，905大角咀使用人數係914的幾倍，
乜佢地會眼白白睇住條905俾你縮短而唔嘈，淨係識嘈914非繁減班？;P
柏景灣一樣大把人搭905過海喎。
所以914咪富榮後直入西隧，拉埋去北角，兩繁仲有914X做太古坊，大角咀一樣有甜頭囉。
根本成件事好公平，個個區都有付出，都有甜頭，有咩問題？
想一個仙都唔使出，淨係有甜頭食，鈔就其他人幫手付，唔可能囉。
從來都係少客蝕錢線抽資源去需求更殷切的地區，唔會係調轉，
而且905/914、905X/914服務範圍都有重疊，905/X非繁抽914資源，
全部都去返深水步/大角咀，有咩問題？
仲未計繁忙時間905/905X各自都減左班，係914果組無減過，仲多左班車。
而且都係果句，我列埋非繁班次派車都只係交代技術可行性，
RDP文件通常唔會交代非繁班次的，根本唔輪到你地反，講完。
[ 本帖最後由 S3BL100 於 2013-11-1 01:25 編輯 ] 由904做埋西營盤
905跟930行法
可行嗎
利申：美孚居民，唔太熟西區道路網
[ 本帖最後由 LF6277 於 2013-11-1 01:29 編輯 ] 原帖由 LF6277 於 2013-11-1 01:25 發表 http://www.hkitalk.net/HKiTalk2/images/common/back.gif
由904做埋西營盤
905跟930行法
可行嗎
隨便search下B2/F1版，曾經有一段時間隔無耐就會有人904/905舊事重提，想904做晒成個西營盤，905上環直入西隧，
最後結論都係，唔可行
904做晒成個西營盤就會大幅拖慢堅城甚至石塘咀車程，趕客落紅小同第時的西港島線，
而905有至少一半客都係西營盤上落，就算飛西營盤，金鐘中上環去旺角都唔會快過港鐵，
去深水步打後就更加，到時只會搞到條905唔夠客。
反而如果係905X，深水步欽州街直出連翔道入西隧，深水步去上環西營盤都會快過港鐵。
旺角會塞車而西營盤唔會點塞，亦唔會拖慢太多時間，深水步出中上環都會快過唔做西營盤但做旺角的905。
[ 本帖最後由 S3BL100 於 2013-11-1 01:31 編輯 ]