原帖由 EX-TL 於 2014-9-14 13:32 發表 http://www.hkitalk.net/HKiTalk2/images/common/back.gif
我希望, 現實中有關方面唔好一味叫麗港城交條621出黎夾硬砌, 應該俾一D方案麗港城睇, 究竟可唔可以
有一個方案係能夠同641聯合去做一樣野, 而唔係將兩舊完全冇關係的東東黐埋一齊, 砌完之後若果行東隧,
啟德唔吸引, 行紅隧就輪到麗港城唔吸引, 兩個地方之間兩個方案都係用觀繞, 其實一樣唔討好, 仲令到
觀塘市中心冇左條特快線.
我唔敢講麗港城接唔接受到跟 219P 回程，停觀塘巿中心再入返麗港城，
但當時 219P 都係得一班車，我覺得風險好高。
但既然你都知道無理由將啟德同麗港城黐埋一齊，仲要搞到觀塘巿中心無左條快線，
咁又何必吃力不討好？至少知道人地接受到回程唔一定要以麗港城做總站，已經有想像空間。
同埋要記得一樣野，如果用來代 641 在九龍灣、觀塘的果條回程特快 (101P/301X) 行紅隧，
咁到時 641 藍田一段會變左真空，而藍田亦有一定使用量。
既然有條 621 幾乎注定要行東隧兼藍田頭站，點解唔好好利用佢的剩餘運載力，
改行灣北，將 641 的藍田客塞晒落去？
甚至乎，拉埋 603 重組，603 下繁金鐘開，拆條 603X 上環經灣北、藍田、麗港城返油塘同藍田山都得。
原帖由 Ravenclaw 於 2014-9-14 21:26 發表 http://www.hkitalk.net/HKiTalk2/images/common/back.gif
我唔想回應有關安達臣的事，安達臣系新地區，一開波比條全日過海線佢太危險啦，唔會咁做，開幾班試下先，除非你同我講果條過海線做埋電梯線，唔洗另外開條區內線，咩$9.80落山都肯，咁就另計...
唔系的話，好似水泉澳咁，又開288，又拉287X上去就真系stupid...比我我一定系屈人坐287X落沙田圍轉車啦，專登開條區內線去做鐵路接駁，笑到噴飯，錢都唔識搶...
.
咁我好同意安達臣好難一開波就開條全日過海線，甚至因為非繁仲可以行去搭 601/619 又唔係太遠，
只要 601/619 俾到合理行車時間的話，其實又真係無必要開條全新過海線俾佢地，at least until 石礦場入伙。
不過上下繁係絕對有需要開特車。
但係你拎 287X/288 的例子，我覺得唔係太恰當。
至少沙田各屋村來往沙田巿中心係全日都有大把客，又基於社區規劃，288 呢條線係無可能唔開，
我亦唔覺得條線會係鐵路接駁客為主，至少到時有 287X 打通整個西九/南九龍，如果拉埋 83X 上去已經去到晒成個九龍。
如果屈人搭 287X 轉車，就做唔到沙田巿中心。
如果 287X 改經沙田巿中心，又唔合乎本來開線原意，再望下 287X 咩班次？
雖然最終應該有能力加到 10/12 分一班，但以水泉澳 19 座樓三萬人口，電梯線開咁疏根本應付唔到需求。
況且好似 288 呢類線，一轉回車時間短，可能一轉 40 個客以下都可以回本。
只要夠客的話，盤數會係相當之靚。
你望下荃葵堆 36M 39M，條條都有錢賺的…
咁你可能回問，咁又做咩拉條 287X 上去？答案係，287X 係現成路線，出九龍始終較快，
而且用一條 288 食晒，唔見得巴士公司會賺多左，因為可能仲要出多幾架車落 288。
原帖由 Ravenclaw 於 2014-9-14 21:26 發表 http://www.hkitalk.net/HKiTalk2/images/common/back.gif
BTW，我無以前咁屎忽，比某版友從利潤方面說服左我，以前我系唔鐘意拓展路線的，只有興趣削減巴士服務，以CUT成本去增加利潤為主...
其實主要係，包括過海線在內的某幾類路線，如果可以唔加資源拆線重組，帶來更多收入，
尤其是過海線可以減少私對站浪費資源，由收入/成本的角度，點解唔做？
同埋，有時候見到有一堆垃圾線，好想 cut，但係有d野仔細諗下已經知道，過到區議會（甚至運吉）果關的機會係零，
所以都係要基於已知現實局限去諗，一係減班，一係重組其他路線，谷客落去，無謂浪費時間亂削線搞到過唔到。