九龍區脫班王 - 18?
18 自從前年改定點後曾經加時 , 星期六俾到一轉兩個鐘行 , 比以前大幅增加接近一半 ,但路線仍然避唔過旺角既塞車地帶 , 好似今日咁 18 又再全線斷纜 , 出現一小時以上都無車既情況 (ETA 顯示行車阻塞 , 而 60 分鐘內都無車到) ;
而之前更加出現過 4 個鐘 (或以上) 一轉 18 既「驚人」行車時間 , 相信人行都快過搭車 :hug:
雖然話何文田站開通唔會令 18 即時死亡 , 不過前景亦唔多明朗
呢條線頹 + 疏 + 甩既死局仲有冇得救 ?
何文田CUT剩條17夠晒皮啦,其他真係日日脫班脫到抽筋.
18取消應該最少反對
jocosben 發表於 2016-1-23 23:08
18取消應該最少反對
如果講何文田既
18絕對唔係最優先被取締對象
基本上, 旺角段上海街一塞, 旺角道等轉上海街的車就會停晒係新填地街前的黃格內, 然後所有經新填地街的線就會因不能轉出旺角道而玩完, 而且此情況亦不限於星期六, 平日下午亦有機會, 只係星期六特別誇張塞到大角咀
而其中18同37真係好恐怖, 一脫起上來係最快全線斷纜
18因為車疏, 以一個循環計又經太多塞車位, 所以脫起班上來兩班車可以相隔好耐, 所以成個何文田可以講緊成個鐘內都無架18行緊, 不過18勝在叫做有足夠行車時間, 所以有時大塞車時東京街開車依然維持到原來班次
37經過上次減班減車後, 一個單得果60分鐘行, 但就算唔特別塞車其實都要差不多50分鐘先行得晒, 根本趕到飛起 (相比之下, 隔離條33A一個單都叫有80分鐘, 而正常情況下60分鐘內就行畢全程), 所以稍為塞一塞立即脫班, 小塞者班次由15變20分鐘一班, 大塞者再由20變35-45分一班, 仲要條線又多人坐, 沿途又無直接代替品, 試過上完葵葉街已經頂閘走人
另聞說條E21都係一塞就極速脫得好甘, 不過小弟不熟悉不作評論
其實上海街的違泊一日不清, 黃格停車一日唔抄, 呢堆線下午(特別星期六)一日都無運行, 或者以後可能逢星期六要自動自覺打定警署電話備案先得...
九巴根本就冇心做呢條線
疏、單層
水你班人上 45 好過
先唔計何文田站其實真係唔近何文田村同愛民
18本身就做得好少旺角客
係落山先有得執下
觀延開前開後18應該都係一樣咁頹:handshake
今日太子道西行龍尾彩虹邨，我見年尾例牌塞已經出現，落旺角搭 9 號好過27多多聲。
結果完全無錯，睇ETA中電真係拖3卡……
本帖最後由 MT695 於 2016-1-24 01:00 編輯
唯一解決方法係搞好旺角個交通問題
旺角星期六無乜邊條線唔會脫班
你覺得九巴可以做到d乜?
不過樓上有人講到除左17條條線日日狂脫班,我又真係唔覺
至少41,45減班加時之後已經無乜幾多班會唔準時開,除左星期六
仲邊有日日狂脫班?