S3BL100 發表於 2016-4-5 10:45
都估到你實係呢樣又唔得，果樣又唔得架啦…
81C 失去唔少客源，但乘客絕大部分去左更快捷更切合佢 ...
如果係咁81C需唔需要存在都成問題
當然你可以話係補返窩打老道一段服務
287X我又唔係好覺得係快過81C返沙田
山東街試過要35分鐘先返到大圍
Snowbb 發表於 2016-4-6 18:21
如果係咁81C需唔需要存在都成問題
當然你可以話係補返窩打老道一段服務
我上面打錯野，我本來係想講
287X 的確好可能慢過 81C 返沙田，但如果有 281E 的話，眾坊街以南會多左個比起 81C 更快的選擇返城河東，所以問題不大。
況且 287X 深入旺角一段彌敦道，對果頭的乘客比起 81C 更方便
根據 RPP 文件，81C 載客率近年似乎跌緊，而唔拆 281X 全日的話，87D 都係無得提速，所以 81C 都係要改
但 81C 都有必要留低，除左窩打老道外，就係新田圍。近年減佢地咁多野，俾返條線佢地提昇往來九龍的連接，我覺得都係非常合理，已經無其他線適合做佢地生意
castanopsis 發表於 2016-4-6 13:54
威爾斯真係要做既，條新73可以過沙市之後屈落去直程擺威爾斯做總站
當然咁就代表原本72A做緊既大圍就要放 ...
唔係我 buy 唔 buy 聯合班次，而係呢個有時候係解決問題的方法
而 72/72A/74A 個 case，當然最理想係可以一條 15 分鐘一班駁腳，但問題係人地唔批的話呢？
如果係做聯合班次，至少一樣可以做到 15 分一班駁腳，然後仲可以一程直達去多幾個地方，例如深水步
當然我同意 72/72A/74A 的情況比 73/73A 複雜，似乎有必要安排用來做駁腳的兩條線，同總站開出，同樣行法上大埔公路，
所以你見我 72/74A 已經做緊呢樣野
本帖最後由 leolaw 於 2016-4-9 10:38 編輯
如果港鐵馬鞍山線不會延長至尖沙咀變成東西線.
咁樣條281E都有機會諗諗.
但現實係, 城河東沿岸D大客倉, 其實附近鐵路站位亦好靚 i.e. 沙田圍站響正乙沙博三大屋邨中間,
另一邊秦石對面又有鐵路站, 沿岸只差富豪花園...
只要馬鐵線直出九龍尖沙咀工程完工通車,
恐怕普羅大眾=非巴迷很多會轉投鐵路.
廣源山頭鍾唔鍾意咁拆...$7.8變$8.9甚至$9.9...的確係飛走旺角, 但碌大涌橋道的觀感, 恐怕...
別忘記, 另一座山, 火炭山係繁時限定變全日服務, 吸引力巨大, 才大致上接受 $8.1變$8.9
但廣源山本身已經有全日服務, $7.8出尖咀係慢D, 但俾多一兩蚊只係快DD, 其實真係幾難傾.
現實不一定討好, 討喜, 但馬鐵升級工程不太可能停下來或拉倒...
所以, 在城河東馬鐵站附近, 但又執著於一定要用巴士這種方式出尖沙咀嘅,
睇嚟要趁沙中線九龍段未完工的日子,
好好珍惜&享用 81C
而未來(新)鐵路延線開通後, 假如真的要削減城河東岸-尖咀巴士服務,
也請別忘記, 城河東巴士服務亦曾經風光過20多年 !!
(只要沙中線九龍段鐵路一開通, 就算巴士被CUT後想搵申訴專員, 其實人家亦未必能受理...)
亦請別忘記, 另一邊岸遠處嘅某座山, 在對外巴士網絡上, (只考慮 "巴士" 單一模式) 獲得提昇之前, 亦捱過 "墊底級別規劃" 長達三十多年...
當然, 淋著雨行200幾級樓梯去火車站慘D, 定80或90年代屯門公路/獅隧大塞車慘D, 呢種比慘大賽的確冇得比.
至於富豪花園&新田圍點收科...如果堅持點到點不接受轉車...真係幾難諗. 富豪花園更難諗.
leolaw 發表於 2016-4-8 23:44
如果港鐵馬鞍山線不會延長至尖沙咀變成東西線.
咁樣條281E都有機會諗諗.
而家 281E 只係做城河東尖咀單一客源？
東西線通車，城河東一程鐵路唔駛轉車直出尖沙咀，當然會對 281E 客量構成打擊，
但如果坐以待斃，因為咁而唔改，第時對 81C 的打擊將會更大
若干年後有鐵路通車，唔係而家唔改得線的理由。
再望下條 280X，望下覆蓋地區，其實東西線通車後的 281E，差極情況都只會同今日的 280X 差唔多
81C 係有需要改，縮減馬鞍山出油尖旺的行車時間，
但如果直接 81C/87D 二拆三，城河東一段出尖沙咀的班次必然大幅減少。
用行車時間換班次，281E（再加 287X 加班）係合理替代補償
而你個論調俾人感覺就好似，反正第時都係死，點改都好大阻力，不如唔好改，連帶其他有需要（兼唔受東西線影響）的地區的需要都唔理
唔好講到 281E 只係比 281A 快少少，沙田係要停多一堆站，但基本上避開晒獅隧兩邊出入口同旺角所有已知塞車位，
仲要睇埋目的地係邊，如果係尖西，差別的確可以好大
仲未計 281A 蝕錢，巴士公司有好大誘因做 281E
再者你都好清楚城河東，包括富豪花園同廣源一帶，都想要有西隧過海線，
281E 的西隧口轉乘，雖然係單向，但至少滿足左部分需求，又可以穩穩陣陣唔使送錢落對家個袋
你的論調，聽落似乎令人覺得，因為城河東「風光」左幾十年，所以唔配有更快路徑出尖沙咀，
青沙尖咀線應該用一條做城河西的 280X 獨食，先係公平
但你又有無諗過，如果 280X+281E，基本班次更密，反而更可以吸引乘客尖咀特快往返青沙轉車，分分鐘 280X 的客量都會因而提升？