新巴702究竟係唔係循環線？
話說昨日喺巴典見到有人話坐702喺又一城被趕落車，今日特登試下由青山道東京街站坐落去欽州街大南街站喺青山道上左部1164（車頭無任何特別標示），去到又一城真係俾人趕，我問車長，佢話係加班車，而部車隨即轉私牌，並向歌和老街方向離開。:dizzy:
（順便一提，在桃源街左轉達之路前，見到1147正等待紅綠燈出站，而再前車1096剛離開香島中學站。）
咁我喺返又一城等後車，部1097到站時並無清客，而係同時上落客並立即離開，車上亦有乘客無落車。:L
而根據新巴網同豬紙，都係用雙向線格式；但報站報又一城站後有分段提示聲，而歡迎詞則在報石硤尾商場站後先至播放（印象中電子豬紙係一次過列哂來回車站），即係循環線嘅格式。
而上屆區議會文件中，新巴雖然表示
針對中途站班次間距的問題，我們建議將 702 號線改為雙向總站模式運作，於又一村加設總站，以穩定班次開出的時間及巴士到達各站的間距。由於實施雙向總站在運作上會有一定的技術困難，可能
令部份乘客造成不便，故公司現正與運輸署就有關方案進行研究及商討可行的細節。
但之後並無任何通告發出，無從得知是否已生效。
所以想提出問題：究竟702係唔係循環線？
重覆,del..
702仲係循環線
本帖最後由 shakugan2005 於 2016-9-18 00:28 編輯
702當初改做循環線係方便青山道一帶往南昌站/海麗一帶, 只不過要兜大圈, 唔想兜大圈就行番出去欽州街果面;
如果架車係加班車話會私牌, 係又一城就應該安排免費搭另一班702, 又或者係車頭寫清楚只往又一城, 例如110去到尖東麼地道咁(一般班次照搭過去或過車, 最後三班車車頭及路線圖都寫只往尖東麼地道), 唔通架110唔寫清楚只往麼地道就開到尖東麼地道話會私牌趕人落車由得D客?
某程度上新巴依D所謂循環線好蝦乘客唔識而比車長同站長自把自為, 有時又開埋D假循環去到某個站要趕人落車重新比錢但又唔寫清楚係站牌度, 剩係702洗唔洗又一城清客都大把人唔知(事實係唔應該清客, 就算清客都應該係以上110果種做法, 下次比車長趕而冇得免費過車可以唔落車慢慢理論玩大佢, 最好見報等依間咁既公司唔好下下自把自為當正D循環線唔係循環線趕人落車亂咁私牌), 更甚者如果702唔係循環線咁就會係又一城都有45分鐘內免費乘搭另一方向既702而唔係剩係得海麗總站會有依個轉乘
shakugan2005 發表於 2016-9-18 00:25
702當初改做循環線係方便青山道一帶往南昌站/海麗一帶, 只不過要兜大圈, 唔想兜大圈就行番出去欽州街果面;...
有時又開埋D假循環去到某個站要趕人落車重新比錢但又唔寫清楚係站牌度
N8:@
我上次自己坐 又一城沒被趕落車
至於單程702既問題..真係要相關車務人仕先答到你:L
gu9434@24 發表於 2016-9-18 22:29
我上次自己坐 又一城沒被趕落車
至於單程702既問題..真係要相關車務人仕先答到你
702係真循環, 只要架車照載正常車長係又一城都唔會趕人落車, 甚至車長自己都唔落車, 只係有循環點開車時間要等一陣先再開車, 不過係會有D不正常班次又一城私走但又冇寫清楚, 而樓主正正中左依D班次伏
我耐唔耐會搭一次702, 未試過又一城清客，而且次次都有客喺又一城之前上車返海麗(唔存在唔循環既情況), 我認為樓主未去到目的地冇理由落車，應該等新巴俾到個solution你先
如果係又一城不設回程
車頭應該放張紙提下個客..
ctb8107 發表於 2016-9-19 08:32
我耐唔耐會搭一次702, 未試過又一城清客，而且次次都有客喺又一城之前上車返海麗(唔存在唔循環既情況), 我 ...
其實702好多時都試過架新巴去到又一城係停喺後面然後熄燈熄引擎，
去到咁上下先至再上客。
我亦都試過就住呢個問題投訴過，
點知第一次回覆既時候，竟然同我講702係雙向服務，而又一城係總站，
所以車長當時熄燈熄引擎做法冇錯，
而我亦都應該要落車；
係到我喺電話同個職員講返佢地702改做循環線既通告，
http://www.nwstbus.com.hk/en/uploadedFiles/~CustomerNotice/19082011-CB-5.pdf
叫佢地check清楚先再覆我；
當然到最後佢地先承認車長、站長都誤會以為條線係雙向而非循環線，
會提醒車長702係循環線呢個官腔答覆。
其實如果樓主有呢個情況，
如果架車根本冇任何指示話「只往又一城」，
我覺得有權唔落車，
除非個司機安排佢免費上返後車去返目的地。
p.s. 我建議樓主同新巴投訴，
起碼等佢地唔會再有同類事件發生。