旺角將建超級天橋，直通四線鐵路
本帖最後由 JR205 於 2016-12-29 17:30 編輯雖然要幾年後先有得用
不過起咗之後就唔駛搭鐵兜咁遠或者塞咁耐巴士…如果由奧運要去九龍東同新界都可以慳番時間。
http://hk.on.cc/hk/bkn/cnt/news/ ... 1229_00822_001.html
附上相關文件
http://www.districtcouncils.gov.hk/ytm/doc/2016_2019/tc/committee_meetings_doc/TTHC/10557/YTM_TTHC_2017_2_TC.pdf 由奧運去旺角地鐵站就快過坐鐵，但如果行到去火車站都應該要20分鐘
其實同坐鐵兜個圈差唔多時間
本帖最後由 nigelE21A 於 2016-12-30 01:41 編輯
好應該駁埋旺角道天橋啦
地下街可行的話好過天橋。天橋有幾靚既設計都好，放晌甘逼既環境都顯得太密集了。:@ nigelE21A 發表於 2016-12-30 01:35
好應該駁埋旺角道天橋啦
加埋沿 "洗衣街" 新建天橋做接駁現有旺角道行人天橋﹐那便真perfect了。
現時﹐最少可以吸引更多新界西的人(即西鐵﹐東涌線 -荔景至東涌)坐鐵去旺角﹐可以在奧運站出閘沿天橋直接旺角中心位置﹐以減輕荃灣線的壓力。
個人見解﹐值得興建的﹐只是尚欠一段﹐未能「三站相連」不夠完美。
正呀喂, 第時逢紅日全條天橋都係工人姐姐, 仲有無數賣唱者, 易拉架, 露宿者紙皮床位, 由旺角一直伸延到大角咀...
kei_hk 發表於 2016-12-30 14:22
加埋沿 "洗衣街" 新建天橋做接駁現有旺角道行人天橋﹐那便真perfect了。
現時﹐最少可以吸引更多新界西 ...
唔見得會吸引到人特登喺奧運站落行過去，本身坐鐵去奧運同去旺角一樣價
而且由奧運站行去旺角應該要十分鐘以上，其實同喺美孚/荔景轉車落旺角時間唔差得遠
反而九龍東去奧運就有啲吸引力，因為要去到荔景先轉到東涌線
HV9990 發表於 2016-12-31 00:23
唔見得會吸引到人特登喺奧運站落行過去，本身坐鐵去奧運同去旺角一樣價
而且由奧運站行去旺角應該要十分 ...
上面已提及東涌線(荔景至東涌)﹐以及西鐵的新界客。
前者他們不需要轉車的﹐後者南昌轉車以西鐵美孚至南昌的行車時間取勝。
這班人如果係去朗豪坊一帶﹐奧運出閘配合天橋系統﹐應該係有著數的。
我唔會講好多人會這樣改投去奧運站﹐但總會有吸引力的。
但現時亞皆老街奧海城至朗豪坊/彌敦道一段﹐真係人流很高﹐行人路又唔夠闊﹐天橋係處理人車爭路的一個方法。
本帖最後由 Kaix 於 2016-12-31 18:53 編輯
AL_71 發表於 2016-12-30 13:02
地下街可行的話好過天橋。天橋有幾靚既設計都好，放晌甘逼既環境都顯得太密集了。...
香港從來冇將市容景觀、行人感受納入規劃的考慮因素，
全球冇一個地方好似香港咁樣濫建天橋，
天橋在大廈之間或跨過馬路全球皆廣泛使用，
但只有香港會沿住馬路上方興建長長天橋
建議中條天橋完全破壞旺角市容，
亞皆老街/彌敦道/西洋菜街交界係旺角標誌之一，
想像下銅鑼灣怡和街SOGO門前成條天橋打橫掃過，
想像下東京涉谷車站過路處成條天橋打橫掃過，
巨物壓頂，陰陰沉沉，廢氣噪音積聚，遮擋招牌廣告，
最終成個行街氣氛破壞，天橋亦將人流吸走引到大型商場，
成個購物區末落，大財團佔有旺角大部分的零售額
美國城市60-70年代為解決市中心塞車大量興建高架公路穿過市中心，
破壞市中心原有的人流結構、市容同氣氛，
塞車問題的確解決了，因為再冇人想到訪市中心，市中心步向末落，
只剩高架公路車來車往穿過死寂的市中心，
零售自此由位於市郊、大財團擁有的大型MART壟斷
購物街就好似大型商場一樣，人流太多你唔會去諗分流人流by pass個商場，
而係擴建商場，增加店鋪，做大個餅，
地下購物街其實等於地面購物街的延伸，等於一個大型商場的擴建部分，
起天橋分流?? 香港政府其實幫緊香港自己倒米，完全零遠見，
只為以最平最簡單方法解決眼前問題，
人流多呀? 起天橋分流走去囉，呢d就係香港官員的思維
短期可以延長旺角道天橋橫跨彌敦道到旺角西，
長遠亞皆老街地底起地下購物街，先係旺角的出路