hkitalk.net 香港交通資訊網

標題: [低空經濟] 港鐵測試無人機試巡隧道 [打印本頁]

作者: RunningBus 時間: 2025-10-24 11:13
標題: [低空經濟] 港鐵測試無人機試巡隧道
https://life.mingpao.com/general/article?issue=20251024&nodeid=1761241622738

為配合低空經濟發展及鐵路創新應用，港鐵自2025年6月起於東鐵線金鐘站至會展站1公里隧道段，測試超視距飛行無人機，評估可行性、安全及成效，是唯一隧道超視距飛行測試。
測試期至12月晚間非行車「黃金兩小時」進行，每晚約250項工程中應用。
隧道內無法接收衛星導航，改用無人機配激光雷達（LiDAR）掃描環境，收集點雲數據構建高精度「飛行地圖」，按預設路線全自動執行任務。

應用場景一：智慧巡檢

傳統人手每公里巡查需30分鐘，無人機壓縮至10分鐘內完成；每2-3日巡查路軌及軌旁設施。
無人機配熱成像、廣角及影片鏡頭，自動識別異常（如天花漏水、石屎剝落、外來物、部件移位），遇異即停下拍照、紅框標示並即時傳回管理平台生成報告。

應用場景二：紅閃燈設置

傳統需兩名員工手動放置紅閃燈標識施工範圍，步行速度約每秒1米。
無人機搭載紅閃燈，以每秒2.5米速度飛行，抵達指定位置降落後持續閃爍；較人手快逾一倍，距離越長節省時間越多。

無人機與人手巡查「相輔相成」，非完全取代，乃員工「隊友」及幫手；建立數據庫助預測軌旁設施狀況，制定針對性維修。

未來計劃：12月測試完成後分析成效，籌備申請擴至東鐵線上水站特定露天段

作者: HU6455 時間: 2025-10-25 15:30
如果係講智慧巡檢, 無論係大陸定日本都有Dr yellow係一面行車一面做, 駛咩係所謂既「黃金兩小時」做?

作者: Danny.lin 時間: 2025-10-25 18:08
本帖最後由 Danny.lin 於 2025-10-25 18:19 編輯

HU6455 發表於 2025-10-25 15:30
如果係講智慧巡檢, 無論係大陸定日本都有Dr yellow係一面行車一面做, 駛咩係所謂既「黃金兩小時」做? ...

如果係講智慧巡檢, 無論係大陸定日本都有Dr yellow係一面行車一面做

   同鐵路唔同，大陸行喺城市軌道交通綫路嘅「Dr.Yellow」僅3部，其中160KM速度級鐵科院4A城軌試驗檢驗列車「CARS160AY」、120KM速度級鐵科院3B城軌綜合檢測列車「CARS120BJ」屬鐵科院，若巡檢檢測，要等，而深圳地鐵自己搵中車株機砌咗一部用於檢測嘅120KM速度級B型車。

   原因皆為內地嘅綫路，哪怕喺港鐵喺內地嘅「環頭」，可用於檢測嘅「空窗期」、「天窗時間」唔多，甚至越來越少，冇辦法喺運營時間內嘅「空窗期」或者收車到首班車出廠前嘅「天窗時間」開行檢測班次Check綫路情況，而係既有綫路列車直接裝載弓網、軌道、隧道等檢測系統，直接係運營時間內邊搭客邊Check喇，如有必要先再另外安排喺「天窗時間」行幾次，實在解決唔到嘅先再搵鐵科院派「Dr.Yellow」過來行。

   另外，新幹綫亦係一樣嘅背景，都係隨著間隔越來越短，可用於檢測的空窗期越來越小，JR東海亦係檢討時間情況，安排檢測設備搭載係普通載客嘅N700S系列車列車上，通過無綫通訊上傳訊息完成巡查。今年T4編組報廢後，JR西日本的T5編組將會繼續檢測，N700S先負責輔助，923形全部退役後再過渡到完全檢測。

駛咩係所謂既「黃金兩小時」做?

呢個無人機巡查，內地其實已經有搞，主要比凌晨巡檢人員邊行邊check更快，原來步行30分鐘嘅路程，飛機十幾分鐘就完成，可節省人手，再加上傳統嘅人工巡檢模式長期依賴人眼識別，易因疲勞、經驗差异等因素導致誤判或漏判，尤其係推車仔帶電腦激光設備嗰一種，有時唔覺意睇過眼就容易錯過問題點，無人機直接AI識別，唔會攰，飛幾個鐘都得。

歡迎光臨 hkitalk.net 香港交通資訊網 (https://www.hkitalk.net/HKiTalk2/)